विपद्मा स्वयंसेवक हुनु त नेपालीजस्तो…

ललितपुर - विपद्मा स्वयंसेवकको सेवा कस्तो हुनुपर्दछ भन्ने अब्बल उदाहरण रसुवा मैलुङका गणेश नेपालीले प्रस्तुत गर्नुभएको छ । यही भदौ १० गते बिहान भोटेकोशी नदीमा गएको अकल्पनीय बाढीबाट अकल्पनीय रूपमा जोगिनुभएका नेपाली आफूलाई जोखिम मोलेर अहिले त्रिशूली नदीमाथि बनेको अस्थायी तुइनमा डोरी तान्ने काममा स्वयंसेवकका रूपमा तल्लीन हुनुहुन्छ ।

विदुर नगरपालिका–९ स्थित सिमुटार–कोलनी जोड्ने तुइनमा उहाँले नेपाल रेडक्रसको स्वयंसेवक भएर बाढी प्रभावितसहित अत्यावश्यकीय सामग्रीलाई तुइनमार्फत वारिपारि गर्न सहजीकरण गरिरहनुभएको छ । उहाँले भन्नुभयो, ‘बाढीमा परेर घाइते हुनुभएका दाजु काठमाडौंस्थित वीर अस्पतालको ट्रममा उपचाररत हुनुहुन्छ । भेट्न जान पनि पाएको छैन । बाढी प्रभावितको पीडा देखेर मनले मानेन । यहाँ आएर तुइन जडान गर्न स्वयंसेवक भएर सुरक्षाकर्मीलाई साथ र सहयोग गरेँ । तुइन जडान भएपछि डोरी तान्ने काममा स्वयंसेवक गरिराखेको १२ दिन बितिसक्यो ।’

बाढीले सिमुटार–कोलनी पुल क्षणभरमा बगाएपछि कोलनीवासी ठूलो समस्यामा परेका थिए । आवतजावत गर्न सम्पर्क टुटेको थियो । प्रभावितको खोज र उद्धारमा समेत जटिलता आएको थियो । सुरुआती दिनमा हेलिकप्टरमार्फत नै उद्धार गरिएको थियो । बाढीपूर्व पुलमार्फत सात–आठ मिनेटमा आवतजावत गर्न सकिने स्थान अहिले सात घण्टामा पनि पुगिँदैन ।

उहाँका अनुसार तुइन जडान भएपछि अहिले दैनिक पाँच सयसम्मलाई वारिपारि गराउनुपर्दछ । बाढीप्रभावितसहित अन्यलाई वारिपारि गर्न टोकन प्रणाली कार्यान्वयनमा ल्याइएको छ । बिरामी, बाढीमा आफन्त गुमाएका, अतिप्रभावित, महिला, बालबालिका तथा अत्यावश्यक सामग्री लैजान पहिलो प्राथमिता दिइएको छ । उहाँले भन्नुभयो, ‘स्वयंसेवक भएर सेवा गर्न पाउँदा म खुसी छु, बाढीको पीडा सम्झन चाहन्न ।’

नेपाल रेडक्रस, संरक्षण विभागका प्रमुख दिव्यराज पौडेलले बाढी प्रभावित स्थानमा रेडक्रसका स्वयंसेवक अहोरात्र जुटिरहनुभएको जानकारी दिँदै स्वयंसेवक नेपालीको सेवा उदाहरणीय रहेको बताउनुभयो ।

थप समाचारहरु

बाढीपीडितका लागि राहत सङ्कलन तीज आजदेखि, व्रत बस्ने शक्तिका लागि दर खाने तयारी मुस्ताङ भन्सारमा पन्ध्र दिनमै एक अर्ब ७८ करोड राजस्व इन्डोनेसियामा २४० यात्रु सवार जहाज बेपत्ता, खोजी जारी बाणगङ्गा नदीमा फसेका १२ जनाको सकुशल उद्धार तेह्रौँ बेइजिङ स्याङसङ फोरममा सहभागी हुन प्रधानसेनापति चीन प्रस्थान असोज ८ गते भित्र सदस्यता नवीकरण र  दर्ता  गरी सक्न ललितपुर उद्योग वाणिज्य सङ्घको अनुरोध प्रयोगविहीन जमिनमा सुन्तलाखेती विस्तार गर्दै भोजपुरका किसान माङसेबुङमा उद्यान सहित राष्ट्रिय विभूति फाल्गुनन्दको सालिक राखिने ह्यारिस लडे न्युसम राष्ट्रपतिको दौडमा नउत्रने मिनी ट्रकको ठक्करबाट पाँच वर्षीय बालकको मृत्यु अपहरणमा परेको १२ दिनपछि १५ महिने बच्चाको सकुशल उद्धार बस र स्कुटर ठोक्किँदा स्कुटर चालकको मृत्यु इजरायलले लेबनानको सुरक्षा क्षेत्र लक्षित आक्रमण जारी राख्ने नेतान्याहुको दाबी सिधनियाघाटस्थित राप्ती नदीमा पक्की पुल निर्माण जारी , खुसी छैनन स्थानीयवासी झापामा जङ्गली हात्ती मृत फेला