वैशाखसम्म सरकारको बजेट खर्च करिब ६० प्रतिशत, पुँजीगत खर्च अझै सुस्त

ललितपुर - चालु आर्थिक वर्षको वैशाख मसान्तसम्ममा सरकारले वार्षिक विनियोजनको करिब ६० प्रतिशत बजेट खर्च गरेको छ।

महालेखा नियन्त्रक कार्यालयका अनुसार पछिल्ला १० महिनामा रु ११ खर्ब ७३ अर्ब ५२ करोडभन्दा बढी बजेट खर्च भएको छ। चालु आवका लागि सरकारले रु १९ खर्ब ६४ अर्ब ११ करोडको बजेट ल्याएको थियो ।

चालुतर्फ विनियोजित रु ११ खर्ब ८० अर्बमध्ये हालसम्म ६८.९८ प्रतिशत अर्थात् रु ८ खर्ब १४ अर्ब खर्च भएको छ। तर पुँजीगत खर्च भने अझै सुस्त देखिएको छ । पुँजीगततर्फ विनियोजित रु ४ खर्ब ७ अर्बमध्ये हालसम्म २७.९१ प्रतिशत मात्रै खर्च भएको छ, जुन रकम रु १ खर्ब १३ अर्ब ८४ करोड बराबर हो ।

वित्तीय व्यवस्थातर्फ भने ६५.३० प्रतिशत खर्च भएको महालेखा नियन्त्रक कार्यालयले जनाएको छ ।

यता, सरकारको आम्दानी पनि लक्ष्यअनुसार हुन सकेको छैन। वैशाख मसान्तसम्म वार्षिक आम्दानी लक्ष्यको ६६ प्रतिशत मात्रै प्राप्त भएको छ । सरकारले हालसम्म रु १० खर्ब १२ अर्बभन्दा बढी आम्दानी गरेको छ।

राजस्वतर्फ सरकारले चालु आवमा रु १४ खर्ब ८० अर्ब उठाउने लक्ष्य राखेको भए पनि हालसम्म रु ९ खर्ब ८८ अर्ब मात्रै संकलन भएको छ । त्यस्तै, वैदेशिक अनुदानतर्फ सरकारले लक्ष्यको ३३.२८ प्रतिशत मात्रै प्राप्त गरेको देखिएको छ ।

थप समाचारहरु

ट्रेड युनियन अधिकारमाथि अंकुश स्वीकार्य हुँदैन : भवानी न्यौपाने दाहाल सन्दीपको घातक बलिङ, उत्कृष्ट सुरुआतपछि स्कटल्यान्ड दबाबमा चितवन हात्ती प्रजनन केन्द्रमा यस वर्ष चार छावा जन्मिए श्रममन्त्री यादवका चालक आलम पक्राउ आर्थिक संस्था केही व्यक्तिको कब्जामा पुगेका थिए, अब मुक्त गरिन्छ : अर्थमन्त्री वाग्ले तमिलनाडुका मुख्यमन्त्री विजयद्वारा ७१७ मदिरा पसल बन्द गर्न निर्देशन संसद्‌मा बादलको अभिव्यक्तिपछि विवाद, नेपाली सेनाबारे टिप्पणीमा आपत्ति सभामुखले दिए स्पष्ट संकेत: रुलिङ होइन, प्रधानमन्त्रीसँग सम्वाद गर्छु नेपाल आयल निगमका कार्यकारी निर्देशक चाण्डिकाप्रसाद भट्टले दिए राजीनामा सार्वजनिक पदाधिकारीलाई एक महिनाभित्र सम्पत्ति विवरण बुझाउन निर्देशन सभामुखको आग्रह : संसदमा शब्द चयनमा संवेदनशील बन्न निर्देशन पाथीभरामा एक महिनामै १ करोडभन्दा बढी भेटी सङ्कलन प्रधानमन्त्रीले नैतिकताका आधारमा राजीनामा दिनुपर्छ : हर्क साम्पाङ