‘सिसी क्यामेरा’बाट कक्षाकोठा निगरानी

ललितपुर - कञ्चनपुरको बेलौरी नगरपालिका–९ स्थित सिद्धकेदारनाथ आधारभूत विद्यालयमा ‘सिसी क्यामेरा’बाट कक्षाकोठाको निगरानी गरिएको छ ।

शिक्षण सिकाइ प्रक्रियालाई प्रभावकारी बनाउने तथा अनुशासन कायम गर्ने उद्देश्यले क्यामेरा जडान गरेर प्रधानाध्यापकको कार्यकक्षबाटै कक्षाकोठाको निगरानी गर्ने व्यवस्था मिलाइएको विद्यालयका प्रधानाध्यापक परमानन्द जोशीले जानकारी दिनुभयो । पालिकाको सहयोगमा विद्यालयमा सिसी क्यामेराबाट कक्षामा शिक्षक र विद्यार्थीबीच हुने गतिविधि प्रत्यक्ष अनुगमन गर्न सकिने भएको विद्यालयले जनाएको छ ।

‘ससाना कामका लागि कक्षाकोठा चहार्नु पर्दैन प्रधानाध्यापककै कक्षाकोठाबाट निगरानी गर्न सकिन्छ’, उहाँले भन्नुभयो, ‘विद्यालयका २४ क्यामेरा र माइक राखिएका छन् ।’ उहाँका अनुसार क्यामेरा जडानपछि कक्षाकोठामा अनुशासन बढेको र सिकाइ वातावरण थप व्यवस्थित भएको छ । ‘कक्षामा हुने गतिविधि सहजै अवलोकन गर्न सकिने भएकाले शिक्षण प्रक्रिया अझ प्रभावकारी भएको छ’, उहाँले भन्नुभयो, ‘शिक्षक नभएको अवस्थामा प्रअको कार्यकक्षबाटै विद्यार्थीहरुलाई कक्षाकार्य दिने गरेका छौँ ।’

उहाँले अहिलेको प्रविधिसँग विद्यार्थीलाई जोड्न सके शिक्षण सिकाइ प्रभावकारी हुने बताउनुभयो । ‘यो प्रविधि खर्चिलो छ यसका लागि एउटा विज्ञ कर्मचारी राख्नुपर्ने अवस्था छ’, प्रअ जोशीले भन्नुभयो, ‘विभिन्न समयमा आउने प्राविधिक समस्या युट्युब हेरेर समाधान गर्ने गरेको छु ।’ उहाँका अनुसार बेलौरी नगरपालिकाको रु तीन लाख सहयोगमा हरेक कक्षामा माइक र क्यामेरा जडान गरिएको हो ।

बेलौरी नगरपालिकाले पनि सामुदायिक विद्यालयको गुणस्तरमा वृद्धि गर्नका लागि विद्यालयमा आइसिटी र विज्ञान प्रयोगशालामा जोड दिएको नगरपालिकाका शिक्षा शाखा प्रमुख अमितप्रसाद भट्टले जानकारी दिनुभयो । ‘सामुदायिक विद्यालयमा विद्यार्थी सङ्ख्या बढाउन कक्षाकोठा व्यवस्थापनदेखि पूर्वाधार विकास गरिरहेका छौँ’, उहाँले भन्नुभयो, ‘विद्यालयमा पढाइका अतिरिक्त सिकाइलाई पनि प्राथमिकतामा राखेका छौँ ।’ बेलौरी नगरपालिकामा ३१ वटा सामुदायिक विद्यालय रहेका छन् । यसमा माध्यमिक विद्यालय १४, आधारभूत विद्यालय पाँच र प्राथमिक विद्यालय १२ छन् ।

थप समाचारहरु

नौ लाख ठगीको अभियोगमा दुई जना पक्राउ ओझेलमा देवीदह, संरक्षण नहुँदा चराको बासस्थान मासिँदै राष्ट्रिय सुरक्षाको विषयलाई पुनःपरिभाषित गर्नुपर्नेछ : प्रधानसेनापति दासढुङ्गा र घुमाउनेमा सडक दुर्घटना हुँदा २५ जना घाइते आर्थिक गणना वैशाख २ देखि लागुऔषधसहित विभिन्न स्थानबाट २८ जना पक्राउ प्रलोपा अध्यक्ष परिषद्का अध्यक्ष सुदन किराँतीको राजीनामा सभामुख र उपाध्यक्षको निर्वाचन कार्यतालिका सार्वजनिक व्यापारी भट्टमाथि १० दिन थुनामा राखेर अनुसन्धान गर्न अनुमति लागुऔषधसहित विभिन्न स्थानबाट १६ जना पक्राउ भ्रष्टाचार नियन्त्रणका लागि उपयुक्त सुझाव दिन आग्रह थिलथिलिएको बिपी राजमार्गमा कहिलेसम्म कठिनाईपूर्ण यात्रा ? वैदेशिक रोजगारीमा ७३ लाख बढी ठगी गर्ने चार पक्राउ नवनियुक्त सभामुख डोलप्रसाद अर्यालको आइतबार सपथ ऐतिहासिक महत्त्व बोकेको मनमैजु जात्रा सुरु खोजी अभियान : चार दिनमा दुई सय २६ जना पक्राउ ‘अर्टेमिस–२’ : ‘एपोलो’ को ५३ वर्ष पुरानो रेकर्ड तोड्ने अभियान चन्द्र अध्ययनमा मानव आँखाको भरोसा