छठः गुह्येश्वरी र गौरीघाटलाई दुलहीझै सिँगारिए

ललितपुर - अस्ताउँदो र उदाउँदो सूर्यलाई अर्घ्य दिई छठ पर्व मनाउन राजधानीको गुह्येश्वरी गौरीघाट वाग्मती किनारलाई आकर्षक रुपमा सजाइएको छ ।

छठ पर्वको मु्ख्य दिन आज बेलुकी अस्ताउँदो र सोमबार बिहान उदाउँदो सूर्यलाई पूजा, आराधनासहित अर्घ्य दिन राजधानीको यो मुख्य छठ घाटलाई दुलहीझै सिँगारिएको हो । छठ घाट एवं छठी माताको मूर्ति सजावटलगायत सबै तयारी पूरा भएको छठ पूजा समिति, गुह्येश्वरीका अध्यक्ष अनिल सिंहले राससलाई जानकारी दिनुभयो ।

गुह्येश्वरी गौरीघाट क्षेत्रमा यस वर्ष ६०० भन्दा बढी छठ घाटको निर्माण गरिएको छ । विगत वर्षभन्दा यहाँ आउने छठ व्रतालु यस वर्ष बढेको पनि उहाँले सुनाउनुभयो ।

कार्तिक शुक्ल चतुर्थीका दिन शुक्रबार स्नान गरी चोखो खाएर व्रतालु बसेका थिए । यसदिनदेखि छठ पर्व नसकिएसम्म व्रतालुले माछा, मासु, लसुन, कोदो, फापर, मुसुरो, आदि नखाने विधि छ ।

मनोकाङ्क्षा पूरा हुने विश्वासमा महिलाले छठमा कठोर व्रत गर्छन् । विशेषगरी तराईमा मनाइने मिथिला संस्कृतिमा आधारित छठ पर्व २०४६ सालपछि काठमाडौँलगायत पहाडमा मनाउन थालिएको हो ।

यसैबीच, वीरगञ्जबाट रासस समाचारदाताले जनाएअनुसार पर्साका छठघाट पनि दुलहीझै सिँगारिएका छन् । यहाँका पोखरी, नदी, सरोवर र पौडी पोखरीसमेत झकिझकाउ पारिएको छ ।

घडिअर्वा छठघाटमा भारतको कोलकाताबाट आएका कारिगरले विशेष रुपमा सजावट गरेका घडिअर्वा छठ पूजा व्यवस्थापन समितिका अध्यक्ष राकेश साहले राससलाई जानकारी दिनुभयो । छठ व्यवस्थापनका लागि रु २६ लाख विनियोजन गरिएको उहाँले बताउनुभयो ।

थप समाचारहरु

दीपावली सकिएसँगै छठ पर्वको तयारी गरिँदै भैयादुज मनाउँदै मैथिल, दाजुभाइको दीर्घायु र कल्याणको कामना भाइटीका आज, उत्तम साइत बिहान ११ः०७ बजे काठमाडौं उपत्यकामा पनि छठ पर्वको तयारी सुरु धार्मिक आस्था र किंवदन्तीले घेरिएको रसुवाको भैरवकुण्ड आजदेखि छठ पर्व सुरु, मिथिला क्षेत्र छठमय छठ व्रत विधि आजदेखि सुरु प्रकृति र सामाजिक सद्भावको अनुपम उत्सवः छठ पर्व छठ पर्वको दोस्रो दिन आज ‘खरना’ आजको राशिफल : २०८३ कात्तिक २९ गते आइतबार कार्तिक शुक्ल षष्ठीः छठको मुख्य दिन आज अस्ताउँदो सूर्यलाई अर्घ्य दिइँदै छठ पर्वले सामाजिक सद्भाव र एकताको सन्देश दिन्छ सुनसरीमा छठ पर्वका सामग्रीको व्यापार बढ्यो, पूजास्थल तयार छठले सामाजिक सद्भाव र धार्मिक सहिष्णुता बलियो बनाउने एआई कम्पनीको नियमन गर्न अस्ट्रेलियाले छुट्टै निकाय स्थापना गर्ने रास्वपा सभापति लामिछानेद्वारा भीमफेदी सडक दुर्घटनाप्रति दुःखः व्यक्त आजको राशिफल : २०८३ कात्तिक २७ गते शुक्रबार नेपाल भारतको संयुक्त छठ घाट