चिलीद्वारा करिब दुई लाख आप्रबासीलाई कागजात दिने योजना रद्द गर्ने घोषणा

चिलीको नयाँ दक्षिणपन्थी सरकारले सोमबार अनियमित रूपमा देश प्रवेश गर्ने दशौँ हजार आप्रवासीलाई कानुनी मान्यता दिने योजना रद्द गर्ने घोषणा गरेको छ ।

राष्ट्रपति ग्याब्रियल बोरिकको अघिल्लो वामपन्थी सरकारले कानुनी हैसियतका लागि आवेदन दिने एक लाख ८२ हजार मानिसलाई कानुनी मान्यता दिने प्रतिवद्धता व्यक्त गरेको थियो ।

आप्रवासनविरुद्ध कडाइ गर्ने प्रतिबद्धताका साथ अभियान चलाएको जोसे एन्टोनियो कास्टको नयाँ सरकारले यो आदेशलाई कार्यान्वयन नगर्ने आप्रवासन सेवाले बताएको छ।

“हामी बोरिक सरकारले प्रस्ताव गरेजस्तो आवासीय कागजातहरूको ठूलो अनुमतिको लागि अगाडि बढ्ने छैनौँ,“ आप्रबासन सेवाका निर्देशक फ्रान्क साउरबाउमले भन्नुभयो ।

कास्टले पेरुको सीमामा नयाँ अवरोधहरू निर्माण गर्न यसै महिनाको सुरुमा आदेश दिनुभएको थियो ।

कास्टले पेरू र बोलिभियाबाट आउने आप्रवासीहरूलाई रोक्न ‘सीमा निगरानी’ बढाउने र प्रवेशमा कडाइ गर्ने वाचा गर्नुभएको थियो ।

कास्टले हत्या, अपहरण र फिरौती असुलीमा वृद्धि रोक्न कदम चाल्ने प्रतिबद्धता पनि व्यक्त गर्नुभएको छ । उहाँले हत्या, अपहरण र फिरौती असुलीजस्ता घटनामा वृद्धि हुनुलाई कागजात नभएका आप्रवासीहरू प्रवेश दिइनु केही कारकमध्ये एक भएको बताउनुभयो ।

दक्षिणपन्थी राष्ट्रपति कास्टको निर्वाचन चिलीको इतिहासमा सन् १९७३ देखि १९९० सम्म अगस्टो पिनोचेको सेनाको नियन्त्रण रहेको सत्तापछि चिलीमा वर्तमान् राष्ट्रपति कास्टको निर्वाचनले देशमा एक अतिराष्ट्रवादी नेताको नेतृत्व दिएको छ।

सरकारी अनुमान अनुसार चिलीमा रहेका करिब तीन लाख ३७ हजार विदेशी नागरिकहरूसँग आवासीय अनुमतिका लागि कागजातहरू छैनन् ।

थप समाचारहरु

जेन–जी आन्दोलनमा जलेका ८ हजारको नयाँ श्रेस्ता कायम उत्तर कोरिया–बेलारुस सम्बन्ध नयाँ चरणमा इरान द्वन्द्व चाँडै अन्त्य गर्ने ट्रम्पको सङ्केत सुडानमा ड्रोन आक्रमण: २८ जनाको मृत्यु चन्द्रमातर्फ चीनको नजर: अन्तरिक्ष दौड तीव्र मध्यपूर्व युद्धबारे वार्तामा इरान गम्भीर हुनुपर्ने ट्रम्पको भनाइ इरानी विद्यालय विस्फोटमा दोषीलाई कारबाहीको माग मध्यपूर्व तनाव बढ्दैः अमेरिकी बेसमाथि पुनः ड्रोन आक्रमण प्रयास अमेरिकासम्म प्रहार गर्ने मिसाइल तयारीमा उत्तर कोरिया तीव्र मिनियापोलिसमा विरोधको लहर फेरि सुरु हराएका मेक्सिकोका डुङ्गा भेटिए इरान युद्ध अन्त्यका लागि वार्ताको पहल, पाकिस्तानमा मध्यस्थकर्ताहरूको भेला तेल नाकाबन्दीबीच क्युबातर्फ रुसी ट्याङ्कर प्रस्थान दक्षिणी लेबननमा शान्ति सैनिकको मृत्यु, संयुक्त राष्ट्रसङ्घद्वारा कडा निन्दा मध्यपूर्वमा तनाव चर्किँदै, समुद्री ढुवानीमा अवरोधको डर इरानी मिसाइल आक्रमणमा अमेरिकी सैनिक घाइते, अमेरिकाले थप सेना पठायो बेइजिङ–प्योङयाङ उडान पुनः सुरु, उत्तर कोरियाको सीमित खुलापन विस्तार