दीर्घकालीन अन्तरिक्ष यात्राका लागि चीनको महत्वाकांक्षी योजना

चीनले आफ्नो अन्तरिक्ष स्टेशनमा मानव स्वास्थ्यसम्बन्धी अनुसन्धान कार्यक्रम सुरु गर्ने तयारी गरेको छ । चीन मानवयुक्त अन्तरिक्ष एजेन्सी का अनुसार, आगामी अप्रिल १ देखि प्रस्ताव आह्वान गरिनेछ ।

यो कार्यक्रम दीर्घकालीन अन्तरिक्ष यात्रा तथा भविष्यका चन्द्रमा अवतरण अभियानका क्रममा मानव स्वास्थ्य कसरी सुरक्षित राख्ने भन्ने विषयमा केन्द्रित हुनेछ । यसमार्फत अन्तरिक्ष मानव एटलस निर्माण, अनुसन्धान डेटाबेस स्थापना तथा नयाँ वैज्ञानिक उपलब्धि हासिल गर्ने लक्ष्य राखिएको छ ।

चीनको तियानगोङ अन्तरिक्ष स्टेशन (स्वर्गीय दरबार) मा यस्ता अन्तरिक्ष चिकित्सा अनुसन्धानहरू महत्वपूर्ण मानिन्छन् । सन् २०२३ जुनदेखि प्रस्ताव संकलन सुरु गरिएकोमा हालसम्म ३८७ परियोजना प्राप्त भइसकेका छन्, जसमध्ये ५३ परियोजना कार्यान्वयनमा गएका छन् ।

चीनले सन् २०३० सम्म मानवसहित चन्द्रमा अवतरण गर्ने लक्ष्य राखेको छ । यसै वर्ष तियानगोङमा दुई समूहका अन्तरिक्षयात्री पठाइनेछन्, जसमा एक जनाले एक वर्षभन्दा बढी समय कक्षामा बस्ने योजना छ ।

अनुसन्धानकर्ता ली यिङहुई का अनुसार, चीनले अन्तरिक्ष चिकित्सा क्षेत्रमा उल्लेखनीय उपलब्धि हासिल गरिसकेको छ । यसमा अन्तरिक्षमा अंग–चिप तथा कृत्रिम रक्तनलीसम्बन्धी अनुसन्धान समावेश छन्, जसले मुटु स्वास्थ्य, स्नायु प्रणाली, बुढ्यौली तथा औषधि विकासमा सहयोग पुर्याएको छ ।

यो अनुसन्धानले अन्तरिक्षयात्रीहरूको मात्र नभई पृथ्वीमा रहेका सर्वसाधारणको स्वास्थ्य सुधारमा पनि योगदान पुर्याउने अपेक्षा गरिएको छ ।

थप समाचारहरु

इराकमा हवाई आक्रमण, १५ जना हसद अल–शाबी लडाकु मारिए नाइजरमा क्षयरोगको बढ्दो जोखिम अमेरिकाद्वारा इरानलाई १५ बुँदे युद्धविराम प्रस्ताव, मध्यपूर्वमा तनाव कायमै होर्मुज खुला गर्ने इरानको निर्णय, मध्यपूर्वमा आशा र तनाव दुवै एशियाली अर्थतन्त्र तीव्र गतिमा विस्तार, विश्वमा प्रभाव बढ्दो तीव्र इजरायली आक्रमणका कारण लेबनानबाट सिरियामा लाखौँ मानिसहरु प्रवेश : आइओएम इरानी आक्रमणको जवाफ दिएको इजरायलको दावी जिबूती तटमा आप्रवासी बोकेको डुङ्गा पल्टिदा ९ जनाको मृत्यु, ४५ बेपत्ता ‘सदाका रसायन’ के हुन् ? किन खतरनाक ? भेनेजुएलाका अपदस्त राष्ट्रपति मदुरो न्यूयोर्क अदालतमा दोस्रो सुनुवाइका लागि उपस्थित इजरायली आक्रमणमा इरानी नौसेनाका कमान्डरको मृत्यु, उक्त क्षेत्र थप सुरक्षित भएको अमेरिकाको दाबी अफगानिस्तानमा भारी वर्षा र बाढी : पाँच जनाको मृत्यु, छ घाइते बहराइन र यूएई होटलमा अमेरिकी सैनिकको उपस्थितिः इरानको कडा प्रतिक्रिया अमेरिकासँग सहकार्य बढाउन चीनको पहल मध्यपूर्व तनाव चर्किंदै, कूटनीति र आक्रमण सँगसँगै ‘नो किङ्स’ अभियानमार्फत ट्रम्पविरुद्ध देशव्यापी विरोध