बिजनेस पाटी
ललितपुर – चिनकी एक कन्टेन्ट क्रिएटरको लाइभ सेसन तब चर्चामा आयो जब उनका सौन्दर्य फिल्टर अचानक बन्द भयो । केही सेकेन्डका लागि दर्शकहरूले उनको प्राकृतिक अनुहार देख्न पाए ।
भिडियोमा उनी सामान्य तरिकाले लाइभ सेसन सञ्चालन गरिरहेकी थिइन् । अचानक फिल्टर हटेपछि आँखा साना देखिन थाले, अनुहारको बनावट सामान्य भयो र छाला चम्किलो देखिन बन्द भयो । केही क्षणमै फिल्टर फेरि सक्रिय भयो, र उनी फेरि पहिलेझैँ ठूला आँखा, धारिलो अनुहार, र चम्किलो छाला सहित देखिइन् ।
सोशल मिडियामा यो क्लिप भाइरल भयो र डिजिटल सौन्दर्य मापदण्ड तथा अनलाइन प्रस्तुतीकरणको दबाबबारे तीव्र बहस सुरु भयो । पोस्टहरूमा दाबी गरिएको छ कि यस घटनापछि उनका करिब १ लाख ४० हजार फलोअर्स घटेका छन् ।
चीनमा लाइभ स्ट्रिमिङ उद्योग तीव्र गतिमा फैलिँदै छ । प्लेटफर्महरूमा आँखा ठूला देखाउने, छाला चिल्लो बनाउने, अनुहार धारिलो बनाउने फिल्टर सामान्य भइसकेका छन् र धेरै सर्जरहरू इङेजमेन्ट बढाउन यिनको प्रयोग गर्छन् ।
फेसबुकबाट तपाईको प्रतिक्रिया