आगामी निर्वाचनमा चुनावी गठबन्धन नगर्ने काँग्रेसको निर्णय

ललितपुर । नेपाली काँग्रेसको केन्द्रीय समिति बैठकले  आगामी निर्वाचनमा चुनावी गठबन्धन नगर्ने निर्णय गरेको छ। निर्वाचन आयोगबाट आधिकारिकता पाएपछि बसेको पहिलो केन्द्रीय समिति बैठकले कुनै अप्राकृतिक गठबन्धन नगर्ने  सङ्कल्प गरेको हो ।  बैठकले शेरबहादुर देउवा पक्षलाई अदालत गएर चुनावको मुखमा पार्टीलाई सङ्कटमा नहाल्ने विश्वास व्यक्त गरेको छ । 

देउवा पक्षले भने  निर्वाचन आयोगको निर्णयप्रति असन्तुष्टि जनाउँदै भोलि सर्वोच्च अदालत जाने तयारी गरिरहेको छ। यसैबीच नेपाली काँग्रेसका नेता शेखर कोइराला समूहले पनि गगन थापा नेतृत्वको कार्यसमितिलाई आधिकारिकता दिने निर्वाचन आयोगको निर्णय अस्वीकार गर्ने भएको छ। आज बिहान आफूनिकटका नेताहरूसँगको छलफलमा नेता कोइरालाले आफूहरू विपक्षमा उभिएको भएकाले अदालतबाटै न्याय खोज्ने बताएका हुन्।

देउवा पक्षले आयोगको निर्णयको विरुद्ध देशभर आन्दोलन गर्ने तयारी गरे पनि आफूहरू आन्दोलनको पक्षमा नरहेको कोइरालाले बताए। यता शेखर निकट मानिने काँग्रेसका नेता डा. सुनील शर्माले गगन थापा नेतृत्वको पार्टीलाई स्वीकार गरेर अघि बढ्नुको विकल्प नरहेको बताएका छन् । काठमाडौँमा आयोजित एक कार्यक्रमपछि सञ्चारकर्मीका जिज्ञासाको जवाफ दिने क्रममा उनले निर्वाचन आयोगले मान्यता दिएको काँग्रेसको नयाँ नेतृत्वलाई स्वीकार गरेर देउवा समूहका नेताहरू पनि अघि बढ्नुपर्नेमा जोड दिए ।

देउवा समूहको उत्पीडनका कारण विशेष महाधिवेशन गरिएको उनले उल्लेख गरे । त्यसबाट चयन भएकाले सबैलाई मिलाएर लैजाने दायित्व नवनिर्वाचित सभापति थापाको रहेको समेत उनले बताए । उनले आसन्न आमनिर्वाचनमा काँग्रेस एक्लै लड्ने र बहुमत प्राप्त गरी सभापति थापा प्रधानमन्त्री बन्ने जिकिर समेत गरे । यसैबीच आसन्न आमनिर्वाचनका निम्ति छोटो समय रहेकाले यससम्बन्धी काम गर्न तत्कालै संसदीय बोर्डको बैठक बस्ने आधिकारिक काँग्रेसले जनाएको छ । 

थप समाचारहरु

तीनकुनेको हिंसात्ममक आन्दोलन क्षम्य हुन सक्दैन : रमेश लेखक कानुन समितिको वार्षिक प्रतिवेदन पारित, आगामी संसद् बैठकमा पेस हुने वैशाख महिनामा बस्ने प्रतिनिधिसभा बैठकको समयतालिका सार्वजनिक नागरिक उन्मुक्ति पार्टीका संरक्षक चौधरी पक्राउ चौधरी पक्राउबारे विहीबार गृहमन्त्रीले जवाफ दिनेभएपछि हट्यो सदनको अवरोध आम नागरिकको सुरक्षाको प्रबन्ध गर्न सभामुख घिमिरेको ध्यानाकर्षण आज सङ्घीय संसद्का दुवै सदनको बैठक बस्दै मन्त्रिपरिषद्को साउन १२ गतेको बैठकका निर्णय जेनजी आन्दोलनको दोश्रो दिन प्रमुख घटना पूर्वराष्ट्रपति विद्यादेवी भण्डारीको निवासमा आगजनी अर्को मन्त्रिपरिषद् गठन नभएसम्मका लागि ओली नेतृत्वको मन्त्रिपरिषद्ले नै सरकारका सञ्चालन गर्न सक्ने सविता भण्डारी महान्यायाधिवक्तामा नियुक्त -करिव आधा दर्जन मन्त्री नियुक्त गर्ने तयारी महराविरुद्ध मुद्दा दर्ता-मंगलबारदेखि थुनछेक बहस एक सय राजनीतिक दलले दिए समानुपातिक निर्वाचन प्रणालीका लागि आवेदन निर्वाचन आयोग आज प्रधानमन्त्री सुशीला कार्की सहित अन्य राजनीतिक दलका प्रतिनिधिहरुसँग छलफल गर्दै प्रधानमन्त्री कार्की र प्रमुख दलका शीर्ष नेताबीच आज छलफल कांग्रेसको दोस्रो विशेष महाधिवेशन आजबाट : उपत्यकाका ६ स्थानबाट जुलुस निकालिँदै झापा–५ बाट केपी ओलीसँग चुनाव लड्ने बालेनको तयारी, माग ५ गते राजीनामा दिएर झापा जाँदै