सभामुख अर्यालद्वारा बुद्ध जयन्तीको शुभकामना

ललितपुर - सभामुख डिपी अर्यालले २५७०औँ बुद्ध जयन्तीको पावन अवसरमा स्वदेश तथा विदेशमा रहनुभएका सम्पूर्ण नेपाली दिदीबहिनी तथा दाजुभाइहरूमा हार्दिक शुभकामना व्यक्त गर्नुभएको छ । आज शुभकामना सन्देश जारी गर्दै उहाँले भन्नुभएको छ, ‘बुद्ध जयन्तीको यस गौरवमय अवसरमा सम्पूर्ण नेपालीमा सुख, सुस्वास्थ्य, दीर्घायु एवं राष्ट्रिय स्वाभिमान र समृद्धिको हार्दिक मङ्गलमय शुभकामना व्यक्त गर्दछु ।

सभामुख अर्यालले भगवान् बुद्धको आशीर्वादले हामी सबैमा सकारात्मक सोच, आपसी सहकार्य र लोककल्याणको भावना जागृत गरोस् भनी कामना पनि गर्नुभएको छ । उहाँले यस पवित्र दिनले हामी सबैलाई गौतम बुद्धका कालजयी उपदेशहरूको स्मरण गराउँदै सत्य, न्याय र मानवताको मार्गमा अविचलित भई लाग्न थप प्रेरणा दिने विश्वास व्यक्त गर्नुभयो ।

सन्देशमा भनिएको छ, ‘नेपाल एक अनुपम विविधतायुक्त मुलुक हो । यहाँका विभिन्न जातजाति, भाषाभाषी र संस्कृति हाम्रा गौरव हुन् । वर्तमान समयमा हामीले भोगिरहेका विभिन्न सामाजिक र आर्थिक चुनौतीहरूका माझ हाम्रो जातीय र सांस्कृतिक विविधताले नै हामीलाई सधैँ एकताबद्ध रहन ऊर्जा प्रदान गरेको छ ।’

विविधताभित्रको गहिरो एकता र आपसी सद्भाव नै हाम्रो राष्ट्रिय शक्ति हो भएको उल्लेख गर्दै उहाँले हाम्रा बहुधार्मिक र बहुसांस्कृतिक मूल्य मान्यताले समाजमा सहिष्णुता र भ्रातृत्वको भावनालाई प्रगाढ बनाउँदै अघि बढ्न अभिप्रेरित गरिरहेको बताउनुभयो ।

‘विश्व शान्तिका प्रतीक भगवान् बुद्धका शिक्षा, दर्शन र विचारहरू संसारभरिका मानिसका लागि मार्गदर्शनको स्रोत हुन् । बुद्धको जन्म, बुद्धत्व प्राप्ति र महापरिनिर्वाणको यो त्रिसंयोगको दिनले विश्वलाई नै अहिंसा र प्रेमको सन्देश प्रवाह गरिरहेको छ’, सन्देशमा उल्लेख छ । मानव जीवनमा आइपर्ने विभिन्न सङ्कट र दुःखहरूबाट मुक्ति पाउन तथा समाजमा दिगो शान्ति र विकास कायम गर्न बुद्धको करुणा र मैत्रीभाव आजको सन्दर्भमा अझ बढी महत्वपूर्ण बनेको सभामुखले उल्लेख गर्नुभयो ।

थप समाचारहरु

न्याय सम्पादनमा सङ्घीय सरकारबाट अङ्कुश नलगाउन आग्रह शिक्षामन्त्री पोखरेलसँग चिनियाँ राजदूतको शिष्टाचार भेटवार्ता मन्त्रिपरिषद बैठक बस्दै ठूलो जनमत प्राप्त गरेको सरकार अलोकप्रिय नबनोस् : कांग्रेस महामन्त्री पौडेल संसदीय दलको नेता आङ्देम्बेलाई बनाउने कांग्रेसको निर्णय बस्ती हटाइएका स्थानमा संरक्षणको काम थाल्न निर्देशन भूमि मन्त्रालयका कार्यक्रम अब कार्यालयबाटै संरचनामा गर्नुपर्ने राष्ट्रिय सहमतिमा नै संविधान संशोधन हुन्छ : संयोजक शाह अध्यादेशमार्फत कानुन निर्माणप्रति कांग्रेसको ध्यानाकर्षण सभामुख अर्यालसँग चिनियाँ राजदूतको शिष्टचार भेट सम्पत्ति छानबिन आयोगविरुद्ध रिट न्याय परिषद् सचिव थपलिया उच्च अदालतको न्यायाधीश नियुक्तिका लागि सिफारिस कांग्रेसको राष्ट्रियसभाको सचेतकमा परियार सेवा प्रवाहमा देखिएका अवरोध हटाउन अध्यादेश ल्याइएको हो : सल्लाहकार शाह उपसभामुख ठाकुरको स्वास्थ्यमा सुधार सङ्क्रमणकालीन न्यायलाई छिटो निष्कर्षमा पुर्याउन सर्वोच्चको परमादेश रुपान्तरणकारी बजेट आउँछः अर्थमन्त्री वाग्ले बुद्धका उपदेशले विश्वलाई शान्तिको सन्देश दिएको छः परराष्ट्रमन्त्री