अर्धवार्षिक बजेट समीक्षा: ३५% मात्र खर्च, पुँजीगत खर्च कमजोर

ललितपुर – अर्थ मन्त्रालयले आर्थिक वर्ष २०८२÷८३ को अर्धवार्षिक मूल्याङ्कन प्रतिवेदन सार्वजनिक गर्दै कूल बजेटको करिब एक तिहाइ मात्र खर्च भएको जनाएको छ । प्रतिवेदनअनुसार चालु आवका लागि विनियोजित रु १९ खर्ब ६४ अर्ब ११ करोडमध्ये पुस मसान्तसम्म रु ६ खर्ब ९० अर्ब २१ करोड (३५.१४%) मात्र खर्च भएको हो ।

खर्चको संरचना हेर्दा चालु खर्च ४१.२५%, पुँजीगत खर्च मात्र १२.१२% र वित्तीय व्यवस्थातर्फ ४०.९५% खर्च भएको देखिएको छ। पुँजीगत खर्च सन्तोषजनक नदेखिनुमा आयोजनाको पूर्वतयारी अभाव, जग्गा प्राप्ति र वन क्षेत्रसम्बन्धी जटिलता तथा आन्दोलनका कारण संरचनामा पुगेको क्षति प्रमुख कारणका रूपमा औंल्याइएको छ ।

पूर्वतयारी नभएका र अनुत्पादक साना आयोजनामा विनियोजित रु १ खर्ब १९ अर्ब ५३ करोड बजेट स्थगन गरिएको छ भने रु ४२ अर्ब २८ करोड फुकुवा गरिएको मन्त्रालयले जनाएको छ ।

राजस्वतर्फ चालु आवमा रु १४ खर्ब ८० अर्ब सङ्कलन गर्ने लक्ष्य राखिएको छ । मन्त्रालयले राजस्व प्रणालीलाई प्रविधिमैत्री र पारदर्शी बनाउने, कराधार विस्तार गर्ने तथा चुहावट नियन्त्रणका लागि भन्सार र सुरक्षा निकायबीच समन्वय बढाउने नीति लिएको छ ।

सार्वजनिक खर्च मितव्ययी बनाउन वैदेशिक भ्रमण नियन्त्रण, नयाँ दरबन्दी सिर्जना नगर्ने, परामर्श सेवा घटाउने र अनुत्पादक खर्च कटौती गर्ने व्यवस्था लागू गरिने भएको छ । राष्ट्रिय गौरव तथा रणनीतिक महत्वका आयोजनामा भने स्रोत अभाव हुन नदिने सुनिश्चितता गरिएको छ ।

मन्त्रालयका अनुसार बाँकी अवधिमा राजस्व परिचालन सुदृढ गर्दै लगानीलाई प्रतिफलयुक्त क्षेत्रमा केन्द्रित गर्ने र बजेट कार्यान्वयन प्रभावकारी बनाउने लक्ष्य लिइएको छ ।

थप समाचारहरु

मुस्लिम समुदायमा इदको रौनक, सरकारले दियो सार्वजनिक बिदा शकंर पोखरेलको दवावले पत्रकार महासंघमा सल्लाहकार विवाद सुन–चाँदीको मूल्यमा भारी गिरावट जनतालाई सेवा दिएर लोकतन्त्रलाई बलियो बनाउनुपर्छ : प्रधानमन्त्री कुमारीको दज्र्यु संलापमाथि पोखरामा चर्चा आजका लागि निर्धारित विदेशी मुद्राको विनिमयदर ब्रेनब्रिज एजुकेसनले चितवनमा सेवा सुरु गर्दै, चितवनमा अध्ययनरत विद्यार्थीलाई छात्रवृत्ति दिने जनताको विश्वास जित्न आवश्यक सबै पहल, लगानी र समन्वयलाई निरन्तरता दिनेछौँ : मन्त्री यादव २४ घण्टामा १० ठाँउमा दुर्घटना, १० जनाको मृत्यु अन्ततः सर्यो कक्षा १२ को परीक्षाः वैशाख २१ परीक्षाको नयाँ मिति दोस्रो कोशी प्रदेश गल्फ प्रतियोगिता हुने १५ औं साफ च्याम्पियनसिप २०२५ मा नहुने यस्तो छ आजको सागसब्जी र फलफूलको थोक मूल्य विभिन्न देशमा ज्यान गुमाएका १४०१ नेपालीको शव नेपाल ल्याइयो मेडिकल व्यवसायी दुर्गा प्रसाईं धरौटीमा रिहा अनुदानको माग राख्दै उखु किसानहरु पुनः आन्दोलित पोखरा विमानस्थल अनियमितता प्रकरणमा तत्कालीन पाँच मन्त्रीहरू बिरुद्ध भ्रष्टाचार मुद्दा दायर : ५५ जना प्रतिवादी निर्वाचनको वातावरण बनेको छ : कानूनमन्त्री सिन्हा