‘एकताबद्ध र सकारात्मक सोचका साथ अघि बढ्नुपर्छ’

ललितपुर - गण्डकी प्रदेशका मुख्यमन्त्री सुरेन्द्रराज पाण्डेले एकताबद्ध र सकारात्मक सोचका साथ समग्र मुलुकको विकासका लागि अघि बढ्नुपर्ने आवश्यकता औँल्याउनुभएको छ ।

नयाँवर्ष, २०८३ का अवसरमा आज शुभकामना सन्देश व्यक्त गर्दै उहाँले नयाँवर्षको अवसरमा आपसी प्रेम, सहकार्य र सद्भाव अभिवृद्धि गर्दै प्राप्त उपलब्धिलाई दिगो बनाउने दिशामा अग्रसर हुन सबैबीच सहकार्य र समन्वय आवश्यक पर्ने बताउनुभयो ।

गण्डकी प्रदेश सरकार सेवा प्रवाहमा सुधार, सुशासन प्रवर्द्धन तथा दिगो विकासमार्फत जनताको आकाङ्क्षा पूरा गर्न दृढतापूर्वक प्रतिबद्ध रहेको उहाँले बताउनुभयो ।

गत वर्षको भदौमा जेनजी आन्दोलनका क्रममा भएका घटनाका कारण ठूलो जनधनको क्षति व्यहोर्नु परेको उल्लेख गर्दै मुख्यमन्त्री पाण्डेले त्यस घटनाले सामाजिक, आर्थिक तथा मनोवैज्ञानिक रूपमा गहिरो प्रभाव पारेको सन्देशमा जनाउनुभएको छ ।

प्राकृतिक विपद्, स्रोतसाधनको सीमितता, अपेक्षित राजस्व सङ्कलनमा कमी तथा विविध सामाजिक समस्याहरूले विकास प्रक्रियालाई प्रभावित बनाएको भन्दै उहाँले यी सबै चुनौतीहरूलाई अवसरका रूपमा रूपान्तरण गर्दै एकताबद्ध र सकारात्मक सोचका साथ समग्र विकासका लागि अघि बढ्नुपर्नेमा जोड दिनुभयो ।

प्रदेशको आर्थिक, सामाजिक, पूर्वाधार तथा संस्थागत विकासमा हासिल उपलब्धि गण्डकी प्रदेशवासी, राजनीतिक दल, नागरिक समाज, कर्मचारी, सुरक्षाकर्मी तथा सञ्चार क्षेत्रको सहकार्यको परिणाम भएको बताउँदै सन्देशमा यस सहकार्यलाई थप सुदृढ बनाउँदै आत्मनिर्भर र समुन्नत प्रदेशः सुखी प्रदेशवासीको सङ्कल्प साकार पार्ने दिशामा प्रदेश सरकार दृढतापूर्वक अघि बढिरहेको जनाउनुभयो ।

युवा उद्यमशीलता तथा सीप विकासमार्फत रोजगारी सिर्जना, कृषिको आधुनिकीकरण, पर्यटन पूर्वाधारको दिगो विकास, सामाजिक न्यायको प्रत्याभूति, महिला सशक्तिकरण तथा स्थानीय उद्यमशीलताको प्रवर्द्धनलाई प्राथमिकतामा राखी कार्यक्रमहरू प्रभावकारी रूपमा कार्यान्वयन भइरहेका उल्लेख गर्दै उहाँले यस लक्ष्य प्राप्तिका लागि सबैमा एकता, सहकार्य र प्रतिबद्धता अझ सुदृढ रहोस् भन्ने अपेक्षा गर्नुभएको छ ।

थप समाचारहरु

विश्व अर्थतन्त्रमा जोखिम बढ्दै, सावधानी आवश्यक : आईएमएफ पृथ्वीको तापक्रम वृद्धि र जलवायु जोखिम बढ्दै : प्रतिवेदन मध्यपूर्वमा युद्धविराम उल्लङ्घन र बढ्दो कूटनीतिक दबाबबीच संकट थप गहिरिँदै युद्धविरामअघि ओडिसामा घातक हमला गाजामा भएको इजरायली आक्रमणमा सात जनाको मृत्यु मध्यपूर्व युद्धले मानवीय संकट गहिरिँदै, संयुक्त राष्ट्र सङ्घको गम्भीर चिन्ता शनिबार पहिलो दुई अमेरिकी युद्धपोतहरू ‘स्ट्रेट अफ हर्मुज’बाट पार इरान–अमेरिका वार्ता निष्कर्षविहीन कूटनीतिबाट सैन्य लक्ष्य पूरा हुँदैन : इरान हाइटी किल्लामा भागदौड, ३० जनाको मृत्यु लन्डनमा प्यालेस्टाइन समर्थक प्रदर्शनमा कडा प्रहरी हस्तक्षेप, ५०० भन्दा बढी पक्राउ हर्मुज घाँटीमा छिट्टै ‘नौ सैनिक नाकाबन्दी’ सुरु गर्न राष्ट्रपति ट्रम्पको निर्देशन साउदी अरबमा एकैदिन सात जनालाई मृत्युदण्ड हङ्गेरीमा ऐतिहासिक परिवर्तन: भिक्टर ओर्बन पराजित, पिटर मग्यार को उदय खाडी नाकाबन्दीले युद्ध झन् चर्किने सङ्केत इरानी युद्धक जहाजलाई ‘ध्वस्त’ पार्ने राष्ट्रपति ट्रम्पको चेतावनी