गुगलको फिटनेस डिभाइस ‘फिटबिट एयर’ सार्वजनिक, स्क्रिनबिनाको नयाँ डिजाइनमा एआई हेल्थ कोच

ललितपुर - गुगलले आफ्नो नयाँ फिटनेस ट्रयाकर फिटबिट एयर सार्वजनिक गरेको छ। स्मार्टवाचहरूको भीडमा पछाडि परेको फिटबिट ब्रान्डलाई पुनः सक्रिय बनाउने उद्देश्यसहित कम्पनीले यो स्क्रिनबिनाको मिनिमलिस्ट डिभाइस बजारमा ल्याएको हो ।

फिटबिट एयरको सबैभन्दा ठूलो विशेषता यसमा स्क्रिन नै नभएको डिजाइन हो । प्रयोगकर्तालाई नोटिफिकेसन र डिस्ट्र्याक्सनबाट टाढा राख्दै स्वास्थ्य डेटा मात्र केन्द्रित गर्न यसलाई डिजाइन गरिएको कम्पनीले जनाएको छ ।

यो सानो पेबल आकारको सेन्सर मोड्युल हो, जसलाई विभिन्न ब्यान्डसँग प्रयोग गर्न सकिन्छ । यसको तौल केवल ५.२ ग्राम (ब्यान्डबिना) र १२ ग्राम (ब्यान्डसहित) मात्र छ, जसले गर्दा लगाउँदा लगभग महसुस नै हुँदैन ।

यसमा २४ सै घण्टा स्वास्थ्य ट्र्याकिङ गर्ने फिचरहरू छन्, जसमा मुटुको धड्कन, रगतमा अक्सिजन, छालाको तापक्रम र तनाव स्तर मापन समावेश छ ।

मुख्य फिचरमध्ये एक AFib (Atrial Fibrillation) अलर्ट सिस्टम हो, जसले मुटुको अनियमित धड्कन पत्ता लगाउँछ । यो फिचरलाई महँगो सब्सक्रिप्सनबिना उपलब्ध गराइएको छ, जुन यसको प्रतिस्पर्धी हुप जस्ता डिभाइसहरूभन्दा सस्तो विकल्प बन्न सक्छ ।

यसमा गुगलको Gemini AI आधारित Health Coach पनि छ, जसले प्रयोगकर्ताको निद्रा, व्यायाम र दैनिक स्वास्थ्य विश्लेषण गरेर व्यक्तिगत सुझाव दिन्छ ।

ब्याट्री लाइफ पनि यसको अर्को बलियो पक्ष हो—एक पटक चार्ज गर्दा करिब ७ दिनसम्म चल्ने र फास्ट चार्जिङमा ५ मिनेटमै एक दिनको ब्याकअप दिने दाबी गरिएको छ ।

फिटबिट एयरको मूल्य करिब ९९.९९ अमेरिकी डलर (झन्डै १५ हजार रुपैयाँ) तोकिएको छ। अतिरिक्त हेल्थ कोचिङ फिचरका लागि भने मासिक शुल्क लाग्नेछ ।

गुगलले यसलाई विभिन्न ब्यान्ड र स्पेशल एडिसनसहित बजारमा ल्याएको छ, जसले यसलाई केवल फिटनेस ट्रयाकर नभई लाइफस्टाइल डिभाइसको रूपमा प्रस्तुत गरेको छ ।

यो डिभाइस मे २६ देखि बजारमा उपलब्ध हुने र एन्ड्रोइड तथा आईओएस दुवैमा सपोर्ट गर्ने कम्पनीले जनाएको छ ।

समग्रमा, स्क्रिनबिनाको डिजाइन, एआई हेल्थ कोच र सस्तो मूल्य संरचनाका कारण फिटबिट एयरले प्रिमियम फिटनेस ट्रयाकर बजारमा नयाँ प्रतिस्पर्धा सिर्जना गर्ने अपेक्षा गरिएको छ ।

थप समाचारहरु

सेबोन अध्यक्ष सिफारिस समितिका संयोजक गुणाकर भट्टको राजीनामा प्रधानन्यायाधीश सिफारिसमा हर्क साम्पाङको आपत्ति कार्यक्षमताका आधारमा प्रधानन्यायाधीश सिफारिस गरिएको सरकारको दाबी संघीय संसद् सचिवालयमा ट्रेड युनियन व्यवस्था खारेज मन्त्रिपरिषद् बैठकका निर्णय नेपाल रेडक्रसका अध्यक्ष विनोदकुमार शर्माको राजीनामा घरमै राहदानी पुर्‍याउन ‘हल्कारा’ तयारी अवस्थामा बेलायतमा लेबर पार्टीको हारपछि प्रधानमन्त्री स्टार्मरमाथि दबाब उद्योगी व्यवसायीमाथि धरपकडको हल्ला निराधार : अर्थमन्त्री वाग्ले दार्चुलामा ४.१ म्याग्निच्युडको भूकम्प सगरमाथा आरोहण क्रममा लेक लागेर एक आरोहीको मृत्यु सरकारको १० महिनामा ११ खर्ब ५३ अर्ब खर्च, पुँजीगत खर्च कमजोर पोखरामा ग्याङ फाइट, ६ जना पक्राउ रास्वपाको वैशाख ३० गते केन्द्रीय समिति बैठक आयोजना केहीबेरमै सार्वजनिक हुँदै एसईई नतिजा, राति ९ बजेदेखि हेर्न सकिने वनमन्त्री गीता चौधरीलाई राष्ट्रिय प्रकृति संरक्षण कोषको अध्यक्ष जिम्मेवारी श्रममन्त्री यादवका चालक आलम पक्राउ आर्थिक संस्था केही व्यक्तिको कब्जामा पुगेका थिए, अब मुक्त गरिन्छ : अर्थमन्त्री वाग्ले