भारतमा आगलागीका घटनामा १८ जनाको मृत्यु

ललितपुर - भारतमा आइतबार रातभरि भएका तीन छुट्टाछुट्टै आगलागीका घटनामा कम्तीमा १८ जनाको मृत्यु भएको र थुप्रै घाइते भएको स्थानीय प्रहरीले सोमबार पुष्टि गरेको छ ।

दुई घटना मध्यप्रदेश राज्यका सिओनी र कटनी जिल्लामा भएका हुन् भने एक घटना दक्षिण–पश्चिम राज्य महाराष्ट्रको धाराशिव जिल्लामा भएको हो । यी घटनाहरू आइतबार मनाइएको वार्षिक चाड ‘दिवाली’ को रातमा भएका हुन्।

प्रहरीका अनुसार आगलागीबाट सिओनी जिल्लामा एक परिवारका छ जना सदस्यहरूको मृत्यु भएका र चार जना घाइते भएका छन् । उनीहरूको तीनतले घरभित्र ठूलो आगोलागी भएपछि उनीहरूको हताहत भएको हो ।

घाइतेहरूलाई उद्धार गरी स्थानीय अस्पतालमा भर्ना गरिएको छ। त्यसैगरी, कटनी जिल्लाको बहुतले भवनभित्र रहेको भाँडाकुँडा पसलमा आगलागी हुँदा एउटै परिवारका छ जनाको मृत्यु भएको छ ।

आगोलागीको कारण अज्ञात रहेको स्थानीय प्रहरीले बताउनुभएको छ । तेस्रो घटनामा परिवारका छ जना सदस्यहरू निदाएको अवस्थामा घरभित्र आगो फैलिएपछि निस्केको धुवाँले गर्दा अक्सिजनको कमी भई श्वासप्रश्वासमा समस्या हुँदा मृत्यु भएको हो ।

थप समाचारहरु

इरानमाथि आक्रमणबारे ट्रम्पको छलफल चीनले अमेरिकी वस्तुमाथिको अतिरिक्त भन्सार शुल्क थप दुई महिनाका लागि स्थगित गर्ने पोखरामा सयपत्री फूलको बिक्रीस्थल र मूल्य निर्धारण कात्तिक कृष्ण त्रयोदशीः काग तिहार पर्व मनाइँदै आजका लागि तोकियो विदेशी मुद्राको विनिमयदर कार्तिक शुक्ल प्रतिपदा: आज गाई पूजा गरिँदै सिँचाइ अभाव हुँदा हिउँदे खेती गर्न समस्या