बिजनेस पाटी
ललितपुर - Mount Dukono ज्वालामुखी शुक्रबार विस्फोट हुँदा तीन जना पर्वतारोहीको मृत्यु भएको छ। मृत्यु हुनेमध्ये दुई जना Singapore का नागरिक र एक जना स्थानीय रहेको अधिकारीहरूले जनाएका छन् ।
अधिकारीहरूका अनुसार उनीहरूको शव “नो–गो जोन” भित्र फेला परेको हो । Halmahera Island मा रहेको उक्त ज्वालामुखी विस्फोटपछि करिब १० किलोमिटर आसपासको क्षेत्रमा खरानी र बाक्लो धुवाँ फैलिएको बताइएको छ ।
उत्तरी हलमहेराका प्रहरी प्रमुख एर्लिक्सन पासारिबुले विस्फोटका बेला घटनास्थलमा २० जना पर्वतारोही रहेको जानकारी दिएका छन्। तीमध्ये नौ जना सिंगापुरका र बाँकी इन्डोनेसियाका नागरिक रहेका थिए ।
स्थानीय उद्धार एजेन्सी प्रमुख इवान रामदानीका अनुसार विस्फोटपछि बेपत्ता भएका १७ जनामध्ये सात जना जीवित फेला परेका छन् ।
मृतकहरूको शव अझै घटनास्थलमै रहेको जनाइएको छ। लगातार भइरहेको विस्फोटका कारण अवस्था असुरक्षित भएकाले उद्धार टोलीले खोज तथा उद्धार कार्य सुरु गर्न उपयुक्त समयको प्रतीक्षा गरिरहेको बताइएको छ ।
विस्फोटमा केही पर्वतारोही घाइते भएका छन्। उनीहरूलाई उपचारका लागि अस्पताल लगिएको छ ।
यसअघि सन् २०२४ डिसेम्बरदेखि Center for Volcanology and Geological Hazard Mitigation ले ज्वालामुखी क्षेत्रमा भूकम्पीय गतिविधि बढेको भन्दै पर्यटक र पर्वतारोहीलाई मालुपाङ वारिराङ क्र्याटरको चार किलोमिटर आसपास नजान चेतावनी दिएको थियो ।
सरकारी भूविज्ञान विभाग प्रमुख लाना सारियाले विस्फोटपछि चर्को आवाजसहित ज्वालामुखीको शिखरबाट १० किलोमिटर माथिसम्म खरानी र धुवाँ उडेको बताएकी छन् ।
विज्ञप्तिअनुसार विस्फोटको खरानी उत्तरतर्फ बढी फैलिएकाले उच्च सतर्कता अपनाउन आग्रह गरिएको छ । ज्वालामुखी आसपास करिब नौ किलोमिटर क्षेत्रभित्र कुनै बस्ती नरहेको जनाइएको छ । Indonesia भौगोलिक अवस्थाका कारण बारम्बार भूकम्प र ज्वालामुखी गतिविधिको जोखिममा पर्ने देश मानिन्छ ।
घटनापछि पदयात्रा र आरोहणका लागि प्रयोग हुने चौकी तथा शिविरहरूमा कडा निगरानी बढाइएको छ। अवस्था सामान्य नभएसम्म यात्राको अनुमति नदिइने जनाइएको छ ।
थप समाचारहरु
वर्षौं देखि जरा गाडेको ‘झोला र झण्डा’ बोक्ने प्रवृत्तिको अन्त्य हुन जरुरि छ : प्रधानमन्त्री बालेन
श्रम संस्कृति पार्टीका अध्यक्ष तथा सांसद हर्कको प्रधानमन्त्री लाई खुला पत्र
विद्यार्थीले राजनीति गुरुबाट सिकून्, नेताबाट होइन : प्रधानमन्त्री शाह
संवैधानिक परिषद् अध्यादेश जारी गर्ने तयारीमा राष्ट्रपति पौडेल
सुदूरपश्चिमका एमाले सांसद सँग गुण्डुमा ओलीको छलफल
कर्णाली प्रदेश समन्वय परिषद्को ११औँ बैठक सुरु
संघीय संसद् बैठकमा अब सांसदहरूको हाजिरी प्रणाली लागू गरिने
वीर अस्पतालका निर्देशक डा. दिलिप शर्माको राजीनामा
छायाँ सेन्टर भत्काउन माग गर्दै सम्पदाप्रेमीहरूको प्रदर्शन
धादिङमा ४.१ म्याग्निच्युडको भूकम्प
ओमकार आयल इन्डस्ट्रिजका सञ्चालक विजय श्रेष्ठ पक्राउ
प्रधानन्यायाधीश सिफारिसमा हर्क साम्पाङको आपत्ति
कार्यक्षमताका आधारमा प्रधानन्यायाधीश सिफारिस गरिएको सरकारको दाबी
संघीय संसद् सचिवालयमा ट्रेड युनियन व्यवस्था खारेज
सर्वोच्चद्वारा नदी किनारका बस्ती नहटाउन अन्तरिम आदेश
नेपाल रेडक्रसका अध्यक्ष विनोदकुमार शर्माको राजीनामा
घरमै राहदानी पुर्याउन ‘हल्कारा’ तयारी अवस्थामा
बेलायतमा लेबर पार्टीको हारपछि प्रधानमन्त्री स्टार्मरमाथि दबाब