इन्डोनेसियामा अभियन्तामाथि लक्षित आक्रमण, सुरक्षा चुनौती गम्भीर

ललितपुर - इन्डोनेसियामा वातावरण तथा मानव अधिकार अभियन्ताहरूमाथि एसिड आक्रमणजस्ता हिंसात्मक घटनाहरू बढ्दै गएको देखिएको छ । फेब्रुअरीमा सुमात्रा टापुमा अभियन्ता मोहम्मद रोसिदीमाथि मोटरसाइकलमा आएका दुई व्यक्तिले कारको झ्यालबाट एसिड फ्याँकेपछि उहाँ गम्भीर रूपमा घाइते भएका थिए ।

एसिडले उहाँका हात, खुट्टा र शरीरका विभिन्न भागमा जलन र चोट पु¥याएको थियो । उहाँका अनुसार आक्रमण निकै पीडादायी थियो र उहाँ तत्कालै एसिड भएको बुझिसकेका थिए । उहाँले यो आक्रमण अवैध खानी र तस्करीविरुद्धको आफ्नो अभियानसँग सम्बन्धित हुन सक्ने आशङ्का गरेका छन्, तर अहिलेसम्म कुनै पक्राउ भएको छैन ।

यस्तै, राजधानी जाकार्तामा मानव अधिकार अभियन्ता आन्द्रिए युनुसमाथि पनि स्कुटरमा आएका व्यक्तिले एसिड फ्याँकेका थिए, जसका कारण उनको एक आँखाको दृष्टि गुम्ने खतरा रहेको छ ।

मानव अधिकार संस्थाहरूले इन्डोनेसियामा सरकारको आलोचना गर्ने व्यक्तिहरूमाथि दबाब र हिंसा बढ्दै गएको बताएका छन् । अभियन्ता, पत्रकार र नागरिक समाजका व्यक्तिहरू धम्की र आक्रमणको जोखिममा परेको रिपोर्ट सार्वजनिक भएको छ ।
सरकारी पक्षले आलोचनालाई स्वीकार गर्ने र अभिव्यक्ति स्वतन्त्रता कायम रहेको दाबी गरेको जनाएको छ । तर अधिकारकर्मीहरूका अनुसार एसिड आक्रमणजस्ता घटना डर फैलाउन र आलोचकहरूलाई चुप गराउने उद्देश्यले गरिएका हुन् ।

घाइते अभियन्ताहरूले कडा सुरक्षा चुनौतीका बाबजुद पनि आफ्नो अभियान जारी राख्ने बताएका छन् ।

थप समाचारहरु

सन् २०२५ मा आप्रवासनका क्रममा सात हजार ९०० व्यक्ति मृत्यु वा बेपत्ता : राष्ट्रसङ्घ ओर्टेगाद्वारा ट्रम्पको तीव्र आलोचना तीस करोड डलर क्रिप्टो चोरीको आशङ्का भारतमा माओवादी अन्त्य, खतरा अझै बाँकी युद्धविरामको बावजुद लेबनानमा इजरायली आक्रमण जारी युद्धले इरानका आधाभन्दा बढी विद्यालय क्षतिग्रस्त लेबनानमा इजरायली आक्रमण, पाँच जनाको मृत्यु होर्मुज खुलाउन इरानद्वारा अस्वीकार करिब एक हजार अफगान शरणार्थी परिवारहरू एकै दिनमा स्वदेश फिर्ता रूसले आर्कटिक करिडोर विकासको रणनीति अघि सार्दै इयुद्वारा युक्रेनका लागि ९० अर्ब युरो ऋण स्वीकृत, राष्ट्रपति जेलेन्स्कीद्वारा स्वागत हर्मुज तनावबीच युद्धविराम विस्तार राष्ट्रसङ्घद्वारा विश्वव्यापी द्वन्द्वको बीचमा बढ्दो बारुदी सुरुङको खतराको चेतावनी जारी डीपसिकको नयाँ एआईले विश्व प्रविधि दौड ततायो इरान युद्ध अन्त्यका लागि दोस्रो चरणको शान्ति वार्ता हुने निश्चित, तेलको मूल्यमा गिरावटको सङ्केत गाजा संकट गहिरिँदै: मृतक संख्या बढ्दो कोलम्बियामा बम आक्रमण : ७ जनाको मृत्यु, २० भन्दा बढी घाइते