इजरायली सेनाद्वारा लेबनानमा नयाँ निकासी आदेश, दर्जनौं स्थानका बासिन्दालाई सुरक्षित स्थान जान आग्रह

ललितपुर - ललितपुर – इजरायली रक्षा बलले मङ्गलबार लेबनान का दर्जनौं स्थानमा नयाँ निकासी आदेश जारी गरेको छ । सेनाले विज्ञप्ति जारी गर्दै करिब ५० स्थानका बासिन्दालाई आफ्नो सुरक्षाका लागि तुरुन्त सुरक्षित स्थानमा जान आग्रह गरेको जनाएको छ, जसको पुष्टि सैन्य अरबी भाषाका प्रवक्ता अविचाय अद्राईले गरेका छन् ।

निकासी आदेश जारी गरिएका अधिकांश स्थान लेबनानको दक्षिणी भेगका हुन्, जहाँ इजरायलले निरन्तर हेजबुल्लाह को पूर्वाधारमा प्रहार गरिरहेको बताइएको छ। यस क्षेत्रलाई लक्षित गर्दै सैन्य कारबाही भइरहेको इजरायलको दाबी छ ।

यसअघि लेबनान सरकारले सोमबार हेजबुल्लाहको सैन्य तथा सुरक्षा गतिविधिमा प्रतिबन्ध लगाएको थियो। सोही दिन अली खमेनीको हत्या भएको बदलामा इजरायलमा प्रहार भएपछि निकासी आदेश जारी गरिएको जनाइएको छ ।

इजरायलले सोमबार बेरुत को दक्षिणी उपनगरहरू र दक्षिणी लेबनानका दर्जनौं गाउँमा बम प्रहार गरेको थियो र प्रतिकारमा कडा आक्रमणको सामना गर्नुपर्ने चेतावनी दिएको छ। लेबनान को स्वास्थ्य मन्त्रालयका अनुसार आक्रमणमा कम्तीमा ३१ जनाको मृत्यु र १४९ जना घाइते भएका छन् ।