बिदाका दिन पनि अत्यावश्यक सार्वजनिक सेवा प्रवाह हुने

ललितपुर - जिल्ला प्रशासन कार्यालय कञ्चनपुरले सार्वजनिक बिदाका दिनसमेत अत्यावश्यक सेवा प्रवाह गर्ने जनाएको छ ।

कार्यालयले नागरिकता, राहदानी तथा राष्ट्रिय परिचयपत्रसम्बन्धी सेवा सार्वजनिक बिदामा पनि उपलब्ध गराउने जनाएको छ । सहायक प्रमुख जिल्ला अधिकारी मोहनचन्द्र जोशीका अनुसार सेवाग्राहीलाई सहजता प्रदान गर्न सार्वजनिक बिदामा पनि सेवा प्रवाह गरिनेछ ।

यसअन्तर्गत चण्डी पूर्णिमा (वैशाख पूर्णिमा), बुद्ध जयन्ती, उभौली पर्व, गणतन्त्र दिवस, पृथ्वी जयन्ती, रक्षा बन्धन, घटस्थापना, धान्य पूर्णिमा, क्रिसमस डे, विभिन्न ल्होसार, माघी पर्व, प्रजातन्त्र दिवस, अन्तरराष्ट्रिय महिला दिवस, होलीलगायतका बिदामा सेवा सञ्चालन हुने उहाँले जानकारी दिनुभयो ।

त्यसैगरी मुस्लिम धर्मावलम्बीहरूको ईद (ईद उल फित्र) र बकर ईद (ईद उल अजहा) का अवसरमा पनि सेवा प्रवाह गरिने बताउँदै सहायक प्रमुख जिल्ला अधिकारी जोशीले तोकिएका सार्वजनिक बिदाका दिन सेवा लिन आउने सेवाग्राहीलाई आवश्यक कागजातसहित उपस्थित हुन सबैमा आग्रह गर्नुभयो ।

सेवाग्राहीको सहजताका लागि यो व्यवस्था लागू गरिएको बताउँदै उहाँले भन्नुभयो, “सार्वजनिक बिदामा पनि अत्यावश्यक सेवा बिना अवरोध सञ्चालन हुन्छ ।”

थप समाचारहरु

घट्यो सुनचाँदीको मूल्य, आज कतिमा हुँदैछ कारोबार ? सडकपेटीमा व्यापार नगर्न निर्देशन नाटोप्रति ट्रम्पको तीव्र असन्तुष्टि सभामुख अर्यालसँग यूएनडीपी प्रतिनिधिको भेट ऊर्जामन्त्री श्रेष्ठद्वारा नीतिगत सुधार, सुशासन र सेवा प्रवाहमा जोड गहुँको उत्पादन लागत बढ्यो ,समर्थन मूल्यले लागत उठेन कन्द्रा नदी नियन्त्रणमा जैविक तटबन्ध प्रभावकारी बन्दै विकास र सेवामा सक्रिय – अध्यक्ष महर्जन चुरोट कारखाना पुनः सञ्चालन नगर्न एनडिआरआईको आग्रह रुसले चीनको ऊर्जा अभाव पूर्ति गर्ने सङ्केत यस्तो छ आजका लागि कृषिउपजको थोक मूल्य लागूऔषधसहित विभिन्न स्थानबाट १३ जना पक्राउ कालीगण्डकीमा बेपत्ता दुई युवक मृत भेटिए स्थानीय तहलाई उन्नत बीउ उत्पादनमा अनुदान लिन आह्वान यस्तो छ आजका लागि कृषिउपजको थोक मूल्य