कङ्गोमा नयाँ इबोला प्रकोप, ६५ जनाको मृत्युपछि उच्च सतर्कता

ललितपुर - कङ्गोको दुर्गम इटुरी प्रान्तमा नयाँ इबोला प्रकोप पुष्टि भएपछि अफ्रिकी स्वास्थ्य अधिकारीहरू उच्च सतर्कतामा पुगेका छन् ।

अफ्रिका सीडीसीका अनुसार हालसम्म २४६ वटा संदिग्ध सङ्क्रमण देखिएका छन् भने कम्तीमा ६५ जनाको मृत्यु भइसकेको छ ।

अधिकांश सङ्क्रमण र मृत्यु मोङ्गवालु र रुवाम्पारा स्वास्थ्य क्षेत्रमा फेला परेको बताइएको छ। प्रयोगशालाबाट पुष्टि भएका बिरामीमध्ये चार जनाको मृत्यु भइसकेको छ ।

इबोला अत्यधिक सङ्क्रामक भाइरस हो, जुन रगत, बान्ता, वीर्य तथा अन्य शारीरिक तरल पदार्थमार्फत सर्ने गर्छ। यसले गम्भीर तथा ज्यानै जाने खालको रोग निम्त्याउने भएकाले स्वास्थ्य अधिकारीहरूले विशेष सतर्कता अपनाएका छन् । प्रारम्भिक परीक्षणमा जाँच गरिएका २० नमूनामध्ये १३ वटामा इबोला भाइरस पुष्टि भएको अफ्रिका सीडीसीले जनाएको छ।

स्वास्थ्य अधिकारीहरूका अनुसार कमजोर स्वास्थ्य पूर्वाधार, सीमित पहुँच, असुरक्षा र सीमापार आवागमनका कारण रोग थप फैलिन सक्ने जोखिम बढेको छ। प्रभावित क्षेत्र युगान्डा र दक्षिण सुडान नजिक भएकाले सीमापार सङ्क्रमणको खतरा समेत रहेको बताइएको छ ।

यसैबीच, अफ्रिका सीडीसीले कङ्गो, युगान्डा र दक्षिण सुडानका स्वास्थ्य अधिकारीसँग उच्चस्तरीय समन्वय बैठक बोलाएको छ। बैठकमा निगरानी, प्रयोगशाला सहयोग, सङ्क्रमण रोकथाम, जोखिम सञ्चार र आपत्कालीन प्रतिकार्य योजना मा विशेष ध्यान दिइने जनाइएको छ ।

सन् १९७६ मा पहिलोपटक इबोला पुष्टि भएयता कङ्गोमा यो १७औँ इबोला प्रकोप हो। यसअघि सन् २०१८ देखि २०२० सम्म फैलिएको महामारीमा एक हजारभन्दा बढी मानिसको मृत्यु भएको थियो ।

थप समाचारहरु

तमिलनाडुका मुख्यमन्त्री विजयद्वारा ७१७ मदिरा पसल बन्द गर्न निर्देशन ट्रेड युनियन अधिकारमाथि अंकुश स्वीकार्य हुँदैन : भवानी न्यौपाने दाहाल सन्दीपको घातक बलिङ, उत्कृष्ट सुरुआतपछि स्कटल्यान्ड दबाबमा श्रममन्त्री यादवका चालक आलम पक्राउ बालेन प्रधानमन्त्री बने क्रान्तिको सपना पूरा हुन्छ : प्रचण्ड गुगलको फिटनेस डिभाइस ‘फिटबिट एयर’ सार्वजनिक, स्क्रिनबिनाको नयाँ डिजाइनमा एआई हेल्थ कोच तीन दिनको लगातार वृद्धिपछि नेप्सेमा ठूलो गिरावट, ३९ अंकले घट्यो बजार स्मार्ट टेलिकम सम्पत्ति लिलामी प्रकरणमा इन्भेष्टमेण्ट मेगा बैंकका सीईओ पक्राउ सभामुखले दिए स्पष्ट संकेत: रुलिङ होइन, प्रधानमन्त्रीसँग सम्वाद गर्छु प्रतिनिधिसभाको सचिवमा प्रकाश अधिकारी नियुक्त सार्वजनिक पदाधिकारीलाई एक महिनाभित्र सम्पत्ति विवरण बुझाउन निर्देशन सभामुखको आग्रह : संसदमा शब्द चयनमा संवेदनशील बन्न निर्देशन सुकुम्वासी समस्याको जवाफदेहितामा गृहमन्त्रीको उपस्थिति अनिवार्य हुनुपर्ने : ज्ञानेन्द्र शाहि पाथीभरामा एक महिनामै १ करोडभन्दा बढी भेटी सङ्कलन व्यावसायिक निर्णयलाई अपराधीकरण नगर्न सीबीफिनको सरकारलाई आग्रह