दक्षिण एसियाली लैङ्गिक जलवायु कार्यशाला काठमाडौंमा

ललितपुर – काठमाडौंमा आजदेखि तीन दिनसम्म दक्षिण एसियाली जल तथा जलवायु विज्ञान अनुसन्धानमा लैङ्गिक प्रसार र सिकाइसम्बन्धी क्षेत्रीय कार्यशाला सुरु भएको छ । कार्यक्रम काठमाडौंको सोल्टी होटलमा आयोजना गरिएको छ र नेपाल, बंगलादेश, श्रीलंका र भारतका विश्वविद्यालयहरू परियोजना साझेदारका रूपमा सहभागी छन् ।

क्यानडाको अन्तर्राष्ट्रिय विकास अनुसन्धान केन्द्र (IDRC) को सहयोगमा सञ्चालन भएको यस कार्यशालामा नेपाल इन्जिनियरिङ कलेज, बंगलादेश इन्जिनियरिङ तथा प्रविधि विश्वविद्यालय अन्तर्गतको जल तथा बाढी व्यवस्थापन संस्थान र श्रीलंकाको पेराडेनिया विश्वविद्यालय परियोजना साझेदार रहेका छन् ।

उद्घाटन गर्दै पोखरा विश्वविद्यालयका उपकुलपति प्रा.डा. बेदराज केसीले जल तथा जलवायु परिवर्तनका चुनौतीहरूले कृषि, स्वास्थ्य, जीविकोपार्जन र खाद्य सुरक्षामा प्रत्यक्ष असर पार्ने तर यसको असर सबैमा समान नहुने उल्लेख गर्नुभयो। “महिला र सीमांत समुदाय बढी जोखिममा पर्छन् र निर्णय प्रक्रियामा सहभागी हुन सीमित अवसर पाउँछन्, उहाँले भन्नुभयो ।

उपकुलपति डा. केसीले जल तथा जलवायु विज्ञानमा लैङ्गिक दृष्टिकोण समावेश गर्दा जोखिम न्यूनीकरण, न्यायोचित नीति निर्माण र प्रभावकारी समाधान विकासमा सहयोग पुग्ने बताए। पोखरा विश्वविद्यालयका रजिष्ट्रार प्रा.डा. अजय थापाले जलवायु परिवर्तन, महिला सशक्तिकरण र वातावरणीय संरक्षणबीचको अन्तरसम्बन्धसम्बन्धी चर्चा गर्दै दिगो जल व्यवस्थापनमा महिलाको स्थानीय ज्ञान र नेतृत्वको भूमिकालाई जोड दिनुभयो ।

नेपाल इन्जिनियरिङ कलेजका प्राचार्य दुर्गा प्रसाद भण्डारीले कार्यशालाले दक्षिण एसियामा जल तथा जलवायु विज्ञान अनुसन्धानका महत्वपूर्ण विषयहरू उठान गर्ने विश्वास व्यक्त गर्नुभयो ।

कार्यशालाको पहिलो दिनमा IDRC का इयान थोम्पसन र पेराडेनिया विश्वविद्यालयका प्राध्यापक धम्मिका दयावन्साले मुख्य तथा विशेष मन्तव्य प्रस्तुत गरे । साथै, नेपाल, बंगलादेश र श्रीलंका बाट विशेषज्ञहरूले STEM आधारित प्राविधिक सत्र र एकीकृत जलस्रोत व्यवस्थापनमा लैङ्गिक समानता तथा सामाजिक समावेशीकरणका अनुभव प्रस्तुत गरे ।

सरकारी निकाय, गैरसरकारी संस्था, उद्योग क्षेत्र, अन्तर्राष्ट्रिय साझेदार, शैक्षिक संस्था र विद्यार्थीहरूको सहभागिता रहेको यस कार्यशालाले दक्षिण एसियामा लैङ्गिक उत्तरदायी जल तथा जलवायु विज्ञान अनुसन्धानका लागि ज्ञान आदान–प्रदान र सहकार्यको क्षेत्रीय मञ्च बन्ने अपेक्षा गरिएको छ ।

थप समाचारहरु

गीतकार लोकराज अधिकारीको नेतृत्वको नाटकको टोलिले डिजिटल सचेतना बाड्दै २५ रुपैंया मासिक बचतबाट थालनी भएको तौडोलछाप मन्दीमा समेत नाफामा म्याग्दीका किसान आलु खेतीतर्फ आकर्षित नेपाली कागजको माग बढी, उत्पादन कम कक्षा १२ को परीक्षा निधारित समयमा हुन्छ, गलत हल्लाका पछाडि नलागौँ : बोर्ड आर्थिक वृद्धिदर हासिल गर्न ऋणको आकार बढाउनुपर्ने आवश्यकता आज देशैभर वर्षा हुने, हिमाली भेगमा हिमपातको सम्भावना प्रि ओपन सेसनमा साढे २ अंकले बढ्यो नेप्से शान्तिश्री परियार र शिवम् भण्डारीको स्वरमा ‘राख मनैमा सप्तकोसी नदीमा पानीको बहाव बढ्दो क्रममा, १९ ढोका खुला नेपाल–डेन्मार्क सम्बन्ध विस्तारमा छलफल – सीएनआईका प्रतिनिधि र राजदूत तुलाधरबीच भेटवार्ता आजका लागि विदेशी मुद्राको विनिमयदर देशको आर्थिक समृद्धि साझा एजेण्डाः मूख्यसचिव अर्याल ग्लोबल आइएमई बैंकद्वारा वार्षिकोत्सवको अवसरमा सातै प्रदेशमा रक्तदान, ५५८ जनाको सहभागिता पेट्रोलियम पदार्थको मूल्य घट्यो, प्रतिलिटर कति पुग्यो ? फागुन २१ पछिको प्रधानमन्त्री को ? सेयर बजार सक्रिय बनाउन सेबोनको पहल, म्युचुअल फण्डको बीज पुँजीमा नयाँ मापदण्ड आजका लागि तय भएको विदेशी मुद्राको विनिमयदर