कामपाले दियो भूमि प्रशासन सेवा प्रदान

ललितपुर - काठमाडौं महानगरपालिकाले वडा भूमि प्रशासन सेवा केन्द्रबाट १५ दिनमा ४८ जनालाई सेवा प्रदान गरेको छ । विसं २०८२ चैत १२ गते मालपोत कार्यालय चाबहिल, डिल्लीबजार र कलङ्कीसँग सम्झौता गरेर २०८३ वैशाख २ गतेदेखि नमूनाका रूपमा सेवा थालिएका वडा नं ३, ४, ६, १०, १४, १५, १६, २३, २६ र ३१ बाट यो सेवा प्रदान गरिएको हो ।

प्रदान गरिएका सेवामध्ये सबैभन्दा धेरै २१ जनाको स्वामित्व परिवर्तनको हो । भूसेवा केन्द्र तथा भूसूचना प्रणाली कार्यक्रमका सम्पर्क व्यक्ति अशोक श्रेष्ठका अनुुसार यस्तै १९ जनालाई प्रमाणपुर्जा प्रदान गरिएको छ ।

यसमा सगोलनामाको लिखत पारित, मृत्युपछिको नामसारी, राजीनामा लिखत पारित, छोडपत्र लिखत पारित, हालैदेखिको लिखत पारित, रैकर जग्गा दर्ता सेवा प्रदान गरिएका छन् श्रेष्ठले भन्नुभयो ।

कामपाले यसअघि चारकिल्ला सिफारिस, घरबाटो सिफारिसजस्ता सेवा दिँदै आएको थियो । यो सेवा प्रारम्भ भएपछि भूमिको स्वामित्व तथा हकसम्बन्धी सेवा, लेखापढी, स्रेस्ता तथा अभिलेख व्यवस्थापन, रोक्का तथा फुकुवा सिफारिस, कर तथा राजस्वसम्बन्धी सेवा कार्यक्रम सञ्चालन भएका वडाबाटै प्राप्त हुनेछन् ।

नागरिक परामर्श तथा गुनासो सहजीकरण, सेवाग्राहीबाट लिनुपर्ने राजस्व वडा कार्यालयबाट लिने व्यवस्था, सेवाग्राहीको पहिचानका सुनिश्चित गर्न बायोमेट्रिक विवरण सङ्कलन गर्ने व्यवस्था, बैंकमा रोक्का राख्ने वा फुकुवा गर्ने प्रक्रियामा सिफारिस र अभिलेख व्यवस्थापनको काम पनि वडाबाटै हुनेछ ।

थप समाचारहरु

यस्तो छ आजका लागि निर्धारित विदेशी मुद्राको विनिमयदर आगामी दश वर्षमा चौबीस हजार पाँच सय मेगावाट विद्युत् उत्पादन गरिने पोखरा महानगरपालिका–१३ मा दोस्रो साहित्य पर्व–२०८३ सम्पन्न सुरक्षित गर्भपतन सेवा असुरक्षित : रोकिएन अकालमा आमाहरुको मृत्यु युद्धमा मारिएका सैनिकका लागि उत्तर कोरियाको सङ्ग्रहालय मध्यपूर्वमा शान्तिका लागि रुसले इरानलाई सहयोग गर्ने सुडानमा विमान दुर्घटना, विमानमा सवार १४ जनाको मृत्यु इन्धन दुरुपयोग प्रकरण : छानबिन गरी कारबाही गर्न स्वास्थ्यमन्त्रीको निर्देशन अध्यादेशमार्फत कानुन निर्माणप्रति कांग्रेसको ध्यानाकर्षण नारायणगढ–बुटवल सडक विस्तार : सडक सुरक्षाको पनि काम जारी अमेरिका–बेलायत सम्बन्धमा जोड छ सय सोह्र विपद्का घटनामा ३४ जनाको मृत्यु सार्वजनिक सेवा प्रभावकारी बनाउन र सुशासन प्रदान गर्न सरकारद्वारा विभिन्न अध्यादेश सिफारिस अध्यादेशको प्रभाव: त्रिभुवन विश्वविद्यालयका पदाधिकारी राजीनामाको तयारीमा अफगानिस्तानको सुन खानीमा विस्पोट, पाँच जनाको मृत्यु राहदानी सेवाग्राहीका घरमा पुर्‍याउँदै चितवन प्रशासन ट्राफिक कारबाहीबाट एकैदिन १९ लाख ९९ हजार राजस्व सङ्कलन भारतमा खाना पकाउने ग्यास र जेट इन्धनको मूल्य वृद्धि