चितवनमा वृद्धा हत्याका पाँच आरोपी पक्राउ, लुटपाटसहित योजनाबद्ध हत्या भएको पुष्टि

ललितपुर – जिल्ला प्रहरी कार्यालय चितवनले रत्ननगर नगरपालिका ४ की ६३ वर्षीया सुकमाया देवी तामाङको हत्या प्रकरणमा संलग्न पाँच जनालाई पक्राउ गरी सार्वजनिक गरेको छ । तामाङको गत पुस २६ गते आफ्नै घरमा हातखुट्टा र मुख कपडाले बाँधेर हत्या गरिएको थियो ।

प्रहरीका अनुसार हत्या घटनामा संलग्न भएको आरोपमा पाँच जनालाई विभिन्न स्थानबाट पक्राउ गरी आज पत्रकार सम्मेलनमार्फत सार्वजनिक गरिएको हो। जिल्ला प्रहरी कार्यालय चितवनका सूचना अधिकारी प्रहरी नायब उपरीक्षक रविन्द्र खनालले पक्राउ पर्ने व्यक्तिहरूको विवरण सार्वजनिक गरेका छन् ।

पक्राउ पर्नेमा बारा जिल्लाको जीतपुर सिमारा उपमहानगरपालिका–२२ घर भई हाल रत्ननगर नगरपालिका–१० बस्ने ४६ वर्षीय मोटे र विजय भनिने शुक्रबहादुर भोलन, सोही ठाउँका स्थायी बासिन्दा भई हाल ललितपुर महानगरपालिका–१० च्यासल बस्ने ४२ वर्षीय सूर्यमान वाइबा, धादिङ थाक्रे गाउँपालिका–५ का ३२ वर्षीय बुद्धिमान लामा रहेका छन्। त्यसैगरी स्याङ्जा बिरुवा गाउँपालिका–८ पेल्का घर भई हाल रत्ननगर नगरपालिका–४ बस्ने ३१ वर्षीय कौबहादुर गुरुङ र मकवानपुर थाहा नगरपालिका–१२ घर भई हाल काठमाडौँको थानकोट बस्ने ४७ वर्षीय हिराबहादुर स्याङ्तान पनि पक्राउ परेका छन् ।

प्रहरीका अनुसार उनीहरूलाई रत्ननगर नगरपालिका, नवलपरासी ९बर्दघाट–सुस्तापूर्व०, इच्छाकामना गाउँपालिकाको फिस्लिङ तथा काठमाडौँको थानकोट क्षेत्रबाट पक्राउ गरिएको हो ।

जिल्ला प्रहरी कार्यालय चितवनका प्रमुख प्रहरी उपरीक्षक गोविन्द पुरीले मृतक तामाङको घरमा केही समयअघि भाडामा बस्दै आएका भोलनको योजनामा हत्या गरिएको प्रारम्भिक अनुसन्धानबाट खुलेको जानकारी दिए ।

पक्राउ परेकाहरूको साथबाट ना २५ प ६९६५ नम्बरको पल्सर मोटरसाइकल, बागमती प्रदेश ०१–००२ ज ७९८५ नम्बरको ट्याक्सी, मृतकको मोबाइल, पर्स तथा सात थान मोबाइल बरामद गरिएको प्रहरीले जनाएको छ ।

प्रहरीको प्रारम्भिक अनुमानअनुसार तामाङको घरबाट दुई तोला ५० लालको सुनको सिक्रीसहित काँडावाला माडवरी, एक तोला २५ लालको सुनको बाला, ५० लालको सुनको औँठी, एक तोलाको सुनको जन्तर, मोती माला, दुई थान मोबाइल तथा नगद रु एक लाखसहित कुल रु १५ लाख ३६ हजार ७०० बराबरको धनमाल लुटपाट गरिएको छ ।

पक्राउ परेका सबैविरुद्ध कर्तव्य ज्यान तथा चोरी–डाँकासम्बन्धी कसुरमा मुद्दा दायर गरिएको प्रहरी उपरीक्षक पुरीले जानकारी दिनुभयो। इलाका प्रहरी कार्यालय रत्ननगरका प्रमुख प्रहरी नायब उपरीक्षक सुभाष भट्टको नेतृत्वमा गठित अनुसन्धान टोलीले करिब दुई साताको अनुसन्धानपछि घटनामा संलग्न व्यक्तिहरू पहिचान गरी पक्राउ गरेको हो ।

थप समाचारहरु

ललिता निवासको जग्गा प्रकरणमा विजय गच्छदारले पाए सफाइ पर्यटकीय क्षेत्र हेलम्बुमा निःशुल्क स्वास्थ्य र शिक्षा -अध्यक्ष नीमा ग्याल्जेन शेर्पा देशभर बने १० हजारभन्दा बढी झोलुङ्गे पुल डोटीमा उत्पादित उन्नत मकैको बीउ झापामा बिक्री खल्ती र गरिमा विकास बैंक बिच डिजिटल रुपान्तरणका लागी रणनितिक सम्झौता प्रचण्ड, नेपाल र ओली क्रमशः १३–१३ महिना प्रधानमन्त्री नियमित मर्मत सम्भारका लागि मनकामना केबलकार चैत्र ७ गते बन्द रहने एनआईसी एशिया बैंकद्वारा बीमा वापत १ करोड २० लाख बीमा रकम भुक्तानी एनआईसी एशिया बैंकले मनायो सप्ताहव्यापी ‘ग्लोबल मनी विक २०२४’, ६ हजारभन्दा धेरै लाभान्वित आँखा उपचार सेवा विस्तारका लागि स्वास्थ्य मन्त्रालय र नेत्रज्योति सङ्घबीच सम्झौता रसुवागढी नाकाबाट सुनसहित एकजना नियन्त्रणमा मातृ तथा शिशु मृत्युदर न्यूनीकरण गर्न नेपालले गरेका प्रयासबारे स्वास्थ्यमन्त्री पौडेलद्वारा जानकारी जर्मन विकास बैंकद्वारा थानकोटमा प्रसूति तथा स्त्रीरोग विशेषज्ञ अस्पताल बनाउन प्रारम्भिक खाका स्वीकृत परराष्ट्रमन्त्री राणा र जाइकाका अध्यक्ष तानाका बीच भेटवार्ता प्रधानमन्त्री ओली ‘एससिओ’ शिखर सम्मेलनमा भाग लिइ स्वदेश फर्कदै दर्ता नभएका सामाजिक सञ्जाल विस्तारै निष्क्रिय हुन्छन्, विष्णु रिमाल अमेरिकाको ब्याट्री कारखानामा छापाः ३०० भन्दा बढी दक्षिण कोरियाली नागरिक पक्राउ संघीय निर्वाचन तयारीमा रास्वपा, अर्यालको नेतृत्वमा ५१ सदस्यीय समिति