गोलीकाण्डपछि फिलिपिन्सको स्वायत्त मुस्लिम क्षेत्रमा मतदान सुरु

ललितपुर - फिलिपिन्सको स्वायत्त मुस्लिम क्षेत्रमा सोमबार पहिलो निर्वाचित संसद्का लागि मतदान सुरु भएको छ। मतदान सुरु हुनुअघि कोटाबाटोस्थित एक मतदान केन्द्रबाहिर भएको गोलीकाण्डमा कम्तीमा तीन जनाको मृत्यु भएको थियो भने १५ जना घाइते भएका थिए।

यो निर्वाचन दशकौँ लामो सशस्त्र द्वन्द्व अन्त्य गर्ने शान्ति प्रक्रियाको महत्वपूर्ण परिणाम हो। यही प्रक्रियाबाट देशको दक्षिणी क्षेत्रमा ‘बाङसामोरो अटोनोमस रिजन इन मुस्लिम मिन्डानाओ’ (बार्म) स्थापना भएको थियो।

असी सदस्यीय संसद्का लागि १३ वटा दल प्रतिस्पर्धामा छन् भने २० लाखभन्दा बढी मतदाता मतदानका लागि योग्य छन् । निर्वाचन अधिकारीले उच्च मतदान हुने अपेक्षा गरेका छन्।

सरकारी फौज र जिहादी समूहबीचको हिंसाका लागि परिचित मारावीमा कडा सुरक्षा व्यवस्थाबीच मतदाता मतदान केन्द्रबाहिर लामो लाइनमा बसेका थिए। बख्तरबन्द गाडी र सुरक्षाकर्मी तैनाथ गरिए पनि सुरुवाती मतदान शान्तिपूर्ण देखिएको थियो।

कोटाबाटोमा भएको गोलीकाण्ड मतदान सुरु हुनुभन्दा केही समयअघि भएको थियो। प्रहरी प्रमुख जिबिन बोङकायाओका अनुसार, कसले पहिले मतदान गर्ने भन्ने विषयमा दुई प्रतिद्वन्द्वी समूहबीच विवाद र धकेलाधकेल भएपछि गोली चलेको थियो।

उहाँका अनुसार घटनामा सङ्लग्न ‘मोरो इस्लामिक लिबरेसन फ्रन्ट’बाट अलग भएका समूहसँग आबद्ध थिए। अर्को मतदान केन्द्रमा पनि आइतबार प्रहरी अधिकारीसहित चार जना गोली लागेर घाइते भएका थिए।

निर्वाचनका क्रममा सम्भावित हिंसा रोक्न बार्म क्षेत्रमा २० हजारभन्दा बढी सुरक्षाकर्मी परिचालन गरिएको छ। द्रुत प्रतिक्रिया टोलीलाई पनि तयारी अवस्थामा राखिएको छ।

निर्वाचन आयोग प्रमुख जर्ज गार्सियाले हिंसाका घटनाबीच पनि निर्वाचन सफल हुने विश्वास व्यक्त गर्नुभयो । “यो सहज वा सामान्य काम होइन। यो चुनौतीले भरिपूर्ण छ,” उहाँले भन्नुभयो ।मतदान स्थानीय समयअनुसार साँझ ७ बजे बन्द हुने कार्यक्रम छ।

थप समाचारहरु

इन्डोनेसियामा २४० यात्रु सवार जहाज बेपत्ता, खोजी जारी पिनोचेको तानाशाहीविरुद्ध प्रदर्शनमा चिलीमा २८४ पक्राउ विश्वव्यापी आपूर्ति दबाबबीच सिरियामा इन्धनको मूल्य बढ्यो होर्मुजमा जहाजमाथि आक्रमण, एकको मृत्यु र तीन घाइते उत्तरी नाइजेरियामा ६ जना धार्मिक गुरु अपहरण भानुआटुमा डुङ्गा दुर्घटनामा ३० भन्दा बढी बेपत्ता फिलिपिन्समा संसदीय निर्वाचनअघि गोलीकाण्ड, ३ जनाको मृत्यु रुसका इन्धन संरचनामाथिको आक्रमण रोक्न ट्रम्पको आग्रह ट्रम्प प्रशासनद्वारा विद्युत् केन्द्रका कार्बन उत्सर्जन सीमा खारेज गर्ने तयारी उत्तर कोरियाद्वारा सैन्य शक्ति प्रदर्शनको दाबी