नागरिक लगानी कोषको नाफा झन्डै ७ प्रतिशत बढ्यो

ललितपुर –  नागरिक लगानी कोष (सीआईटी)ले चालु आर्थिक वर्ष २०८२/८३ को दोस्रो त्रैमासिक अवधिमा नाफामा सुधार गरेको छब। कोषले सार्वजनिक गरेको वित्तीय विवरणअनुसार यस अवधिमा खुद नाफा करिब ६.९ प्रतिशतले बढ्दै ६६ करोड ५३ लाख रुपैयाँ नाघेको छ ।

अघिल्लो वर्षको यही अवधिमा कोषले करिब ६२ करोड २२ लाख रुपैयाँ खुद नाफा आर्जन गरेको थियो। चालु त्रैमासमा सेवा शुल्क तथा कमिसन आम्दानी बढेसँगै कुल आम्दानीमा पनि सुधार देखिएको हो ।

कोषका अनुसार दोस्रो त्रैमासमा ब्याजबाट १७ करोड ३६ लाख रुपैयाँ आम्दानी भएको छ भने सेवा शुल्क तथा कमिसनबाट ८३ करोड ९४ लाख रुपैयाँ भित्रिएको छ । यसबाहेक विविध शीर्षकबाट ५ करोड ६२ लाख रुपैयाँ आम्दानी भएको छ । गत वर्षको तुलनामा सेवा शुल्क र विविध आम्दानी बढे पनि ब्याज आम्दानी भने केही घटेको देखिन्छ ।

समीक्षा अवधिमा कोषको कुल आम्दानी १ अर्ब ६ करोड रुपैयाँभन्दा बढी पुगेको छ भने कुल खर्च १८ करोड १८ लाख रुपैयाँमा सीमित रहेको छ । खर्चतर्फ व्यवस्थापन र सञ्चालन व्यवस्थामा सबैभन्दा बढी रकम खर्च भएको विवरणमा उल्लेख छ ।

पुस मसान्तसम्ममा नागरिक लगानी कोषको चुक्ता पुँजी ६ अर्ब ८० करोड रुपैयाँ नाघेको छ भने खुद कोष मौज्दात २ खर्ब ९४ अर्ब रुपैयाँभन्दा बढी पुगेको छ । अघिल्लो वर्षको सोही अवधिको तुलनामा कोषको पुँजी तथा कोष मौज्दात दुवै उल्लेखनीय रूपमा बढेका छन् ।

यस अवधिमा कोषको कुल लगानी २ खर्ब ९८ अर्ब रुपैयाँभन्दा बढी पुगेको छ । कोषले सरकारी ऋणपत्र, बैंकको मुद्दती निक्षेप, समयकालीन कर्जा, आवास कर्जा तथा सहभागी सापटीसँगै संगठित संस्थाको सेयरमा साढे ३१ अर्ब रुपैयाँभन्दा बढी लगानी गरेको जनाएको छ ।

वित्तीय सूचकका आधारमा कोषको रिटर्न अन इन्भेष्टमेन्ट ४.४९ प्रतिशत रहेको छ भने फण्ड इन्भेष्टमेन्ट रेसियो करिब ९९.८ प्रतिशत पुगेको छ । प्रतिसेयर आम्दानी १९ रुपैयाँ ५५ पैसा र प्रतिसेयर नेटवर्थ १४२ रुपैयाँ ४० पैसा रहेको छ ।

थप समाचारहरु

यस्तो छ आजको विदेशी मुद्राको विनिमयदर यस्तो छ आजको विदेशी मुद्राको विनिमय दर भारत सरकारको अनुदान सहयोगमा निर्माण हुने १० वटा परियोजनाको समझदारी पत्रमा हस्ताक्षर एक लाख ८० हजार भन्दा माथि उक्लियो सुन नयाँ वर्ष २०८२ को अवसरमा गरिमा विकास बैंकका ग्राहकहरुलाई दराजबाट सामान खरिद गर्दा १५% छुट यस्तो छ आजका लागि विदेशी मुद्राको विनिमयदर आजका लागि निर्धारित विदेशी मुद्राको विनिमय दर सुनको मूल्य २ लाखको नजिक आजका लागि निर्धारित विदेशी मुद्राको दर बिहीबारका लागि निर्धारित विदेशी मुद्राको विनिमयदर आजका लागि निर्धारित विदेशी मुद्राको विनिमयदर राष्ट्र बैंकको स्वायत्ततामाथि आँच आउन नदिन छिटो गर्भनर नियुक्त गर्न कर्मचारी युनियनको माग दिगो लगानीको लागि एनएमबि बैंकको पहल : आइएफसी र मेटलाइफसँग साझेदारी चालु आर्थिक वर्षको नौ महिनाको अवधिमा नेपाल टेलिकमको नाफा ४८ प्रतिशतले घट्यो आर्थिक वर्ष २०८१/०८२ मा ११ खर्ब ७८ अर्ब ८२ करोड रुपैयाँ राजस्व संकलन, गत वर्षको भन्दा ११.३३ प्रतिशतले वृद्धि जेन जी आन्दोलनका कारण प्रभावित भएको बैंकिङ सेवा आइतबारदेखि सुचारु सरकार निजी क्षेत्रको मनोबल बढाउन निरन्तर प्रयन्नशील छः अर्थमन्त्री खनाल वित्तीय सुशासनका लागि अनिवार्य विद्युतीय भुक्तानी : अर्थमन्त्री खनाल