एनटीटीभीमा अब सेट–टप बक्स नचाहिने, एन्ड्रोइड स्मार्ट टीभीमै सेवा

ललितपुर - नेपाल टेलिकमले एनटी फाइबरमार्फत उपलब्ध गराउँदै आएको एनटीटीभी सेवा अब सेट–टप बक्सबिना नै प्रयोग गर्न सकिने व्यवस्था गरेको छ ।

कम्पनीले असोज १५ गतेदेखि एन्ड्रोइडमा आधारित स्मार्ट टीभीका लागि भर्चुअल सेट–टप बक्स सञ्चालनमा ल्याएको हो । ग्राहकले आफ्नो एन्ड्रोइड स्मार्ट टीभीमा गुगल प्लेस्टोरबाट ‘Smart NTTV’ एप खोजी गरी इन्स्टल गरेर एनटीटीभी सेवा प्रयोग गर्न सक्नेछन् ।

नेपाल टेलिकमका अनुसार निकट भविष्यमा अन्य स्मार्ट टीभीमा समेत प्रयोग गर्न मिल्ने गरी भर्चुअल सेट–टप बक्स विस्तार गर्ने तयारी भइरहेको छ ।

नयाँ प्याकेज खरिद गर्दा भर्चुअल सेट–टप बक्ससहितको प्याकेज लिने ग्राहकलाई १ हजार छुट उपलब्ध गराउने व्यवस्था गरिएको कम्पनीले जनाएको छ ।

एनटी फाइबरमार्फत नेपाल टेलिकमले एउटै फाइबरबाट टेलिफोन, उच्च गतिको इन्टरनेट र टेलिभिजन सेवा उपलब्ध गराउँदै आएको छ । कम्पनीले एनटीटीभीका विभिन्न प्याकेजसमेत उपलब्ध गराएको छ । वार्षिक तथा दुई वर्षे प्याकेजमा मोबाइल डाटाको सुविधासमेत समावेश गरिएको छ ।

थप समाचारहरु

३० अर्बको एकमहिने निक्षेप सङ्कलनको बोलकबोल आह्वान महालक्ष्मी विकास बैंक र रोटरी इन्टरनेशनलबीच शिक्षा क्षेत्रमा सहकार्य सानिमा बैंकको २२औँ वार्षिक साधारणसभा सम्पन्न, १० प्रतिशत नगद लाभांश पारित नेशनल लाइफको चारदिने कर्मचारी सीप अभिवृद्धि कार्यक्रम सम्पन्न २० अर्बको निक्षेप संकलन गर्दै राष्ट्र बैंक मुनलाईट हाईड्रोपावर कम्पनी लिमिटेडको शेयरको प्रत्याभुतिकर्तामा ज्योति क्यापिटल लिमिटेड नियुक्त