तीन दिनको लगातार वृद्धिपछि नेप्सेमा ठूलो गिरावट, ३९ अंकले घट्यो बजार

ललितपुर - लगातार तीन कारोबार दिन बढेको सेयर बजार मंगलबार भने उच्च अंकले घटेको छ । नेपाल स्टक एक्सचेन्ज (नेप्से) परिसूचक आज ३९.४४ अंक अर्थात् १.४१ प्रतिशतले घट्दै २७४४ अंकमा झरेको हो ।

अघिल्लो कारोबार दिन मात्रै नेप्से ३८.१९ अंकले बढेको थियो। सरकारले आगामी आर्थिक वर्ष २०८३/८४ को नीति तथा कार्यक्रम सार्वजनिक गरेपछि लगानीकर्तामा केही उत्साह देखिए पनि त्यसले दीर्घकालीन विश्वास सिर्जना गर्न नसकेको विश्लेषण गरिएको छ ।

नीति तथा कार्यक्रममा पूँजी बजार सुधारका विषय समेटिए पनि ती अधिकांश पुरानै प्रतिबद्धताको पुनरावृत्ति मात्रै भएको भन्दै लगानीकर्ता सतर्क बनेका हुन् । गैरआवासीय नेपालीलाई बजारमा सहभागी गराउने, नेप्सेको पुनर्संरचना तथा बन्ड बजार विस्तारजस्ता विषय यसअघि पनि पटक–पटक घोषणा भए पनि प्रभावकारी कार्यान्वयन हुन नसकेको गुनासो छ ।

बजार घटे पनि कारोबार रकम भने सामान्य बढेको छ । अघिल्लो दिन ४ अर्ब ६१ करोड रुपैयाँको कारोबार भएकोमा मंगलबार ४ अर्ब ६६ करोड रुपैयाँ बराबरको सेयर किनबेच भएको छ ।

आज कारोबार भएका कम्पनीमध्ये केवल १३ कम्पनीको सेयर मूल्य बढ्दा २५१ कम्पनीको मूल्य घटेको छ भने ५ कम्पनी स्थिर रहे ।

क्षेत्रगत रूपमा पनि अधिकांश सूचक ओरालो लागेका छन्। व्यापार समूह २.३३ प्रतिशत, हाइड्रोपावर २.२२ प्रतिशत, फाइनान्स २.०३ प्रतिशत र होटल तथा पर्यटन समूह २.०२ प्रतिशतले घटेका छन् ।

व्यक्तिगत कम्पनीतर्फ धौलागिरि लघुवित्तको सेयर मूल्य सबैभन्दा धेरै १५ प्रतिशतले बढेको छ । यता फर्स्ट माइक्रोफाइनान्स १२.४० प्रतिशतले घट्दै सबैभन्दा बढी गुमाउने कम्पनी बनेको छ ।

कारोबार रकमका आधारमा नेसनल हाइड्रोपावर, रिलायन्स स्पिनिङ मिल्स, रिडी पावर, शिवम् सिमेन्ट र एसवाई प्यानल अगाडि रहेका छन् ।

थप समाचारहरु

नेप्से परिसूचक २७ अङ्कले बढ्यो सुनचाँदीको मूल्यमा पुनः वृद्धि, सुन तोलाको ३ लाख नजिक मन्त्रिपरिषद्को बैठक बस्दै चुनावी वाचापत्र अनुसार नै विद्यार्थी सङ्गठन खारेज गरिएको होः शिक्षामन्त्री बाढीपहिरोपछि पाँच राजमार्ग एकतर्फी सञ्चालनमा इन्डोनेशियाको माउन्ट डुकोनो ज्वालामुखी विस्फोटमा तीन पर्वतारोहीको मृत्यु पशुपतिनाथ परिसर नजिक ३ ग्रिनेड फेला एसईई २०८२ को नतिजा सार्वजनिक गर्ने तयारी पूरा रविको सांसदलाई चेतावनी : यताको–उताको भन्दै नहिड्नु ट्राफिक कारबाहीमा पाँचपटक पर्ने चालकको लाइसेन्स नै निलम्बन ! बजेट अधिवेशन भोलिदेखि सुरु, राष्ट्रपतिले प्रस्तुत गर्ने सरकारको नीति तथा कार्यक्रम २५ लाख पुरस्कार राशि रहेको  गायन रियालिटी शो ‘गाउँछ गीत’ जेठबाट प्रसारणमा आउने  ऊर्जा क्षेत्रलाई अर्थतन्त्रको प्रमुख आधार बनाइन्छ : अर्थमन्त्री वाग्ले स्नो रिभर्स लिमिटेडको आईपीओ आजदेखि खुला, जेठ १ सम्म आवेदन दिन सकिने ट्रेड युनियन अधिकारमाथि अंकुश स्वीकार्य हुँदैन : भवानी न्यौपाने दाहाल नीति तथा कार्यक्रममा ‘निदाएको’ आरोपबारे अर्थमन्त्री वाग्लेको स्पष्टीकरण प्रधानमन्त्रीको व्यवहारबारे कांग्रेस नेता आङ्देम्बेको कडा टिप्पणी, स्वास्थ्य परीक्षणको माग बालेन प्रधानमन्त्री बने क्रान्तिको सपना पूरा हुन्छ : प्रचण्ड