प्रतिनिधिसभा निर्वाचनः आयोगद्वारा २९ जनासँग स्पष्टीकरण माग

ललितपुर – निर्वाचन आचारसंहिता उल्लङ्घन गरेको आरोपमा निर्वाचन आयोगले थप नौ जनासँग स्पष्टीकरण माग गरेको छ । शनिबारसम्म २१ जनासँग स्पष्टीकरण माग गरिसकेको आयोगले आइतबार र सोमबार थप नौ जनालाई पत्राचार गरेको हो ।

आयोगका सहायक प्रवक्ता कुलबहादुर जिसीका अनुसार बाजुराबाट राष्ट्रिय स्वतन्त्र पार्टी (रास्वपा) का उम्मेदवार हेमराज थापामाथि स्पष्टीकरण सोधिएको छ । बाजुराको मार्तडी–कोल्टी सडक निर्माण परियोजनाको ठेक्का लिएको पिएस बानियाँ जेभीको विषय जोड्दै बाग्मती प्रदेशका मुख्यमन्त्री इन्द्रबहादुर बानियाँलाई लक्षित गरी मुख्यमन्त्री कार्यालयमा आएर अपमानजनक तथा धम्कीपूर्ण भाषा प्रयोग गरेको र सामाजिक सञ्जालमा समेत त्यससम्बन्धी सामग्री पोष्ट गरेको उजुरी आयोगमा परेको उहाँले जानकारी दिनुभयो । उक्त उजुरीका आधारमा मुख्यमन्त्री बानियाँप्रति अपमानजनक, धम्कीपूर्ण तथा अशोभनीय अभिव्यक्ति दिएको हो वा होइन ? साथै आर्थिक स्रोत सङ्कलन गर्दा निर्वाचन आचारसंहिता, २०८२ को पालना गरिएको छ वा छैन ? भनी उम्मेदवार थापासँग स्पष्टीकरण माग गरिएको हो ।

निर्वाचन आचारसंहिता, २०८२ को दफा २१ को खण्ड (च) तथा दफा २५ को उपदफा (१) का खण्ड (च) र (ज) अनुसार उम्मेदवार थापालाई तीन दिनभित्र जवाफ पेस गर्न भनिएको प्रवक्ता जिसीले बताउनुभयो । यसैबीच निर्वाचन उम्मेदवार लक्षित भ्रामक तथा अमर्यादित सामग्री प्रकाशन–प्रसारण गर्ने व्यक्ति र सञ्चारमाध्यममाथि आवश्यक कारबाहीका लागि आयोगले प्रेस काउन्सिल नेपाललाई पत्राचार गरेको छ ।

यस्तै आयोगले राष्ट्रिय स्वतन्त्र पार्टी झापा जिल्ला निर्वाचन क्षेत्र नं ५ का उम्मेदवार बालेन्द्र शाहसँग आइतबार दोस्रोपटक स्पष्टीकरण सोधेको छ । सादा पोसाकका प्रहरी बालेन्द्र शाहका पक्षमा भोट माग्दै गरेको दृश्य तथा श्रव्य सामग्री प्राप्त भएपछि पुनः स्पष्टीकरण माग गरिएको आयोगले जनाएको छ । निर्वाचन प्रचारप्रसारका क्रममा उम्मेदवार शाहकी श्रीमतीसँग सादा पोसाकका प्रहरी खटिएको विषयमा के कस्तो अवस्था हो ? भनी आयोगले स्पष्टिकरण माग गरेको हो । शाहलाई समेत तीन दिनभित्र जवाफ दिन निर्देशन दिइएको छ ।

यसैगरी नेपाली कम्युनिष्ट पार्टीलाई प्रतिनिधिसभा सदस्य सिन्धुपाल्चोक जिल्ला निर्वाचन क्षेत्र नं १ को निर्वाचन कार्यालय बाहिर निर्वाचन आचारसंहिताविपरीत दलको निर्वाचन चिह्न पेन्ट गरेर राखेको आरोपमा स्पष्टीकरण सोधिएको छ । उजुरीमा उल्लेखित कार्य सत्य भएमा सम्बन्धित जिल्ला कार्य समितिलाई प्रचलित निर्वाचन कानुनबमोजिम किन कारबाही गर्नु नपर्ने हो ? भनी आयोगले प्रश्न गरेको छ । सोही विषयमा आयोगले उक्त क्षेत्रका उम्मेदवार माधव सापकोटासँग पनि स्पष्टीकरण माग गरेको छ ।

त्यसैगरी आयोगले रुद्र गिरी, मङ्गल प्रजा र अशोक टमानीसँग पनि स्पष्टीकरण सोधेको छ । हालसम्म आयोगले माग गरेका २९ स्पष्टीकरणमध्ये १४ वटाको जवाफ प्राप्त भइसकेको प्रवक्ता जिसीले जानकारी दिनुभयो ।

थप समाचारहरु

यस्तो छ समाजवादी मोर्चाको विरोध सभाको रुट अलैँचीको भाउ तेब्बर बढ्यो एनएमबि बैंकको २८ औं बार्षिक साधारण सभा सम्पन्न भूमि आयोग कैलालीमा एक लाख ३० हजार बढी निवेदन कृषि क्षेत्रमा लगानी अझै बढाउन गभर्नर अधिकारीको सुझाव नेपालको अनौपचारिक अर्थतन्त्रको आकार ४१ प्रतिशत नेपाल लाइफ इन्स्योरेन्सको नाफा ४२.७७ करोड घर जग्गाको कारोबार बढ्यो, ७ महिनामा ४ अर्ब राजश्व उठ्यो दोब्बर बढीको आवेदन, पाँच सिफ्टमा ईपीएस परीक्षा आगामी वर्षायामदेखि बङ्गलादेशमा विद्युत् निर्यात गर्ने गरी सहमति कञ्चनपुर–कमला सडक विस्तारः लहानको सहिद स्मारक स्थानान्तरण गरिने हात्तीवनमा भयानक कार दुर्घटना, कारमा सवार तीनजना सख्त घाइते खानेपानी मन्त्रालय र कर्णाली प्रदेश जलस्रोत मन्त्रालयबीच सम्झौता स्वास्थ्य विज्ञान प्रतिष्ठानका नव नियुक्त उपकुलपतिहरूले लिए शपथ : पाटनका उपकुलपतिलाई प्रतिष्ठानमा भव्य स्वागत  खाद्य वस्तुमा उच्च मूल्यवृद्धि संविधानको रक्षाका लागि निर्वाचन अनिवार्य शर्त होः गृहमन्त्री राष्ट्रिय सभा सदस्य पदको निर्वाचन- ३ बजेसम्म मतदान पाँच बजेभित्र नतिजा राष्ट्रपति पौडेल र प्रधानमन्त्री कार्कीबीच भेटवार्ता