त्रिवि अस्पतालमा एमाले अध्यक्ष ओलीको स्वास्थ्य परीक्षण हुँदै

नेकपा (एमाले)का अध्यक्ष केपी शर्मा ओलीको स्वास्थ्य परीक्षण गर्न प्रहरीले उहाँलाई त्रिभुवन विश्वविद्यालय (त्रिवि) शिक्षण अस्पताल महाराजगञ्ज लगेको छ ।

अस्पतालको आकस्मिक कक्षमा अध्यक्ष ओलीको स्वास्थ्य परीक्षण भइरहेको अस्पतालका प्रवक्ता डा गोपाल सेढाईंले बताउनुभयो । ‘प्रहरीले अध्यक्ष ओलीलाई स्वास्थ्य परीक्षण गर्न भनेर अस्पताल ल्याएको छ’, उहाँले भन्नुभयो, ‘अहिले उहाँको रगत, एक्सरेलगायतका स्वास्थ्य परीक्षण भइरहेको छ । परीक्षणको रिपोर्ट आएपछि के गर्ने भन्ने थाहा हुन्छ ।’

एमाले अध्यक्ष ओलीलाई आज बिहान भक्तपुरस्थित गुण्डुबाट पक्राउ गरेर भद्रकालीस्थित जिल्ला प्रहरी परिसर कार्यालयमा एकछिन राखेर स्वास्थ्य परीक्षण गर्न त्रिवि शिक्षण अस्पताल लगिएको प्रहरीले जनाएको छ ।

जेनजी आन्दोनलको छानबिन गर्न गठित पूर्वन्यायाधीश गौरीबहादुर कार्कीको संयोजकत्वको आयोगले दिएको सिफारिस कार्यान्वयनका सिलसिलामा उहाँलाई पक्राउ गरिएको प्रहरीले जनाएको छ ।

थप समाचारहरु

कांग्रेस केन्द्रीय कार्यसमितिको बैठक : विभिन्न ११ प्रस्तावमाथि छलफल जारी ज्येष्ठ सदस्य केसीले पद तथा गोपनीयताको शपथ लिनुहुँदै केसीले सुरु गरे संसद्को कार्यभार घोषित समयमै निर्वाचन सम्पन्न गर्न आयोग सफल : निर्वाचन आयुक्त भण्डारी संसदीय दलको नेता चयन गर्न रास्वपाको बैठक आज अपराह्न हुँदै रास्वपा संसदीय दलको बैठकः संसदीय पदाधिकारी चयन गर्ने अधिकार पार्टी नेतृत्वलाई बालेन सरकारका १५ मन्त्रीको सूची सार्वजनिक नवनियुक्त प्रधानमन्त्री शाहको जीवनी नवनियुक्त प्रधानमन्त्री बालेन्द्र लाई पूर्वप्रधानमन्त्री कार्कीको बधाई सुशासन, सेवा प्रवाह सुधार र पूर्वाधार निर्माणमा केन्द्रित हुन अर्थमन्त्री वाग्लेको निर्देशन शिक्षामन्त्री पोखरेलद्वारा नवप्रवर्तनमुखी शिक्षा तथा युवामैत्री नीति प्रवर्द्धन गर्ने प्रतिबद्धता को हुन् बादी समुदायबाट पहिलो मन्त्री बन्न सफल सीता ?