अर्बाउदीका घरघरमा शुद्ध खानेपानीका धारा

ललितपुर - खानेपानीको चरम अभाव रहेको बागलुङको अर्बाउदी गाउँका ३६ घरमा अहिले शुद्ध खानेपानी पुर्याइएको छ ।

बागलुङ नगरपालिका–१० पर्यटकीय गाउँ भकुण्डेस्थित अर्बाउदीका ३६ घरमा रु ६८ लाखभन्दा बढीको लागत घरघरमा खानेपानीको धारा जडान गरिएको नगरपालिकाका उपप्रमुख राजु खड्काले जानकारी दिनुभयो ।

गोर्खा वेल्फेयर ट्रष्टको रु ५८ लाख ५० हजार र स्थानीय उपभोक्ताको रु नौ लाख ७६ हजार गरी रु ६८ लाख २६ हजारको लागतमा ‘एक घर, एक धारा’ कार्यक्रममार्फत खानेपानी आयोजना निर्माण गरिएको हो ।

जिल्लाकै पहिलो घरबास गाउँका रूपमा परिचित त्यस गाउँमा खानेपानीको समस्या समाधान भएपछि स्थानीयवासी खुसी छन् । आयोजनाको मर्मतसम्भार कोषमा नगरपालिकाले रु दुई लाख र स्थानीय उपभोक्ताले रु ८३ हजार जम्मा गरेको उपप्रमुख खड्काले बताउनुभयो ।

गोर्खा वेल्फेयर ट्रष्टका प्रतिनिधि लीला पुन शेरचनले पर्यटकीय दृष्टिले महत्त्वपूर्ण रमणीय गाउँमा लामो समयदेखिको खानेपानी समस्या अब समाधान भएको बताउनुभयो ।

उपभोक्ता चन्द्रमती थापाले घरमै धारा आएपछि दैनिक जीवन सहज भएको बताउनुभयो । उहाँले हिउँद र वर्षा दुवै समयमा शुद्ध खानेपानीको व्यवस्था भएकाले धाराको पानी सिधैँ पिउन सकिने बताउनुभयो ।

आयोजनाअन्तर्गत तीनवटा इन्टेक, एक कलेक्सन च्याम्बर, एक डेलिभरी ट्याङ्की, एक पम्प हाउस, एक रिजर्भ ट्याङ्की, चार जडसन च्याम्बर र पाँचवटा तारबार निर्माण गरिएको छ । आयोजनामा दुई हजार ५८५ मिटर पाइप लाइन बिछ्याइएको उपभोक्ता तथा सरसफाइ समितिले जनाएको छ । पानीगैरा, गग्रेगरा र लोसे मूलको पानीलाई एकीकृत गरी आयोजना निर्माण गर्न गत वर्ष गोर्खा वेल्फेयर ट्रष्टसँग सम्झौता भएको थियो । सम्झौताअनुसार आयोजना सम्पन्न भएपछि घरघरमा धारा पुगेको उपभोक्ता समितिका अध्यक्ष सचिन थापाले जानकारी दिनुभयो ।

थप समाचारहरु

बाढीपीडितका लागि राहत सङ्कलन तीज आजदेखि, व्रत बस्ने शक्तिका लागि दर खाने तयारी मुस्ताङ भन्सारमा पन्ध्र दिनमै एक अर्ब ७८ करोड राजस्व ट्रक दुर्घटनामा चालकको मृत्यु इन्डोनेसियामा २४० यात्रु सवार जहाज बेपत्ता, खोजी जारी बाणगङ्गा नदीमा फसेका १२ जनाको सकुशल उद्धार तेह्रौँ बेइजिङ स्याङसङ फोरममा सहभागी हुन प्रधानसेनापति चीन प्रस्थान असोज ८ गते भित्र सदस्यता नवीकरण र  दर्ता  गरी सक्न ललितपुर उद्योग वाणिज्य सङ्घको अनुरोध प्रयोगविहीन जमिनमा सुन्तलाखेती विस्तार गर्दै भोजपुरका किसान माङसेबुङमा उद्यान सहित राष्ट्रिय विभूति फाल्गुनन्दको सालिक राखिने ह्यारिस लडे न्युसम राष्ट्रपतिको दौडमा नउत्रने मिनी ट्रकको ठक्करबाट पाँच वर्षीय बालकको मृत्यु अपहरणमा परेको १२ दिनपछि १५ महिने बच्चाको सकुशल उद्धार बस र स्कुटर ठोक्किँदा स्कुटर चालकको मृत्यु इजरायलले लेबनानको सुरक्षा क्षेत्र लक्षित आक्रमण जारी राख्ने नेतान्याहुको दाबी सिधनियाघाटस्थित राप्ती नदीमा पक्की पुल निर्माण जारी , खुसी छैनन स्थानीयवासी झापामा जङ्गली हात्ती मृत फेला प्रसूति बिदा छ महिना दिने प्रस्तावसहितको विधेयक