महाशिवरात्रि तयारीस्वरूप पशुपति क्षेत्रमा व्यापक सफाइ, चार मेट्रिक टन फोहर व्यवस्थापन

ललितपुर – विश्व सम्पदा सूचीमा सूचीकृत तथा विश्वभरका वैदिक सनातन हिन्दू धर्मावलम्बीका आराध्यदेव पशुपतिनाथ विराजमान पवित्र पशुपति क्षेत्रमा महाशिवरात्रिको तयारीस्वरूप व्यापक सफाइ अभियान सञ्चालन गरिएको छ ।

वाग्मती सफाइ महाअभियानको ६६५औँ हप्तामा सूर्यघाट, आर्यघाट र राममन्दिर आसपासका स्थानमा सरसफाइ गर्दै चार मेट्रिक टन फोहर संकलन गरिएको अभियानकर्मी किशोरसिंह शाहीले जानकारी दिनुभयो । संकलित नकुहिने फोहर काठमाडौँ महानगरपालिकाको सवारीमार्फत व्यवस्थापन गरिएको छ। भष्मेश्वरघाटदेखि ड्यामसम्म वाग्मती किनारमा फोहर बढी देखिएकाले अधिकार सम्पन्न वाग्मती समितिले डोजर प्रयोग गरी थप सफाइ गर्ने सहमति जनाएको छ ।

आजको कार्यक्रममा पशुपति क्षेत्र विकास कोषका सदस्य सचिव प्रकाशमणि शर्मा, वाग्मती सभ्यता एकीकृत विकास समितिका आयोजना प्रमुख मचाकाजी महर्जनलगायत अभियानकर्मीको सक्रिय सहभागिता रहेको थियो । आगामी शनिबार पनि नेपाली सेना, नेपाल प्रहरी र सशस्त्र प्रहरीको सहभागितामा पशुपति क्षेत्रमा नै सफाइ जारी रहनेछ ।

विसं २०७० जेठ ५ गतेदेखि सुरु भएको वाग्मती सफाइ महाअभियान प्रत्येक शनिबार निरन्तर सञ्चालन हुँदै आएको छ । भूकम्प, नाकाबन्दी र कोरोनाजस्ता कठिन अवस्थामा समेत नरोकिने यो अभियान चाडपर्व, जाडो वा वर्षाका बीच पनि नियमित रूपमा जारी छ । देशका लागि हप्तामा दुई घण्टा स्वयंसेवा’ भन्ने नारासहित अभियानकर्मीहरू हरेक हप्ता वाग्मती किनारमा भेला भई सफाइ गर्दै आएका छन् ।

थप समाचारहरु

लोडसेडिङ कसैको चमत्कारले अन्त्य भएको होइन: प्रधानमन्त्री त्रिभुवन विश्वविद्यालयको स्ववियु निर्वाचन आज नेपाल र थाइल्याण्डका दुई प्रधानमन्त्री बीच भेटवार्ता सुन–चाँदीको मूल्यमा गिरावट आजको सडक आन्दोलनः नाच्दै, गाउँदै र सिठ्ठी बजाउँदै शिक्षकहरु देशका अधिकांश भागमा जलवाष्पयुक्त हावाको प्रभाव काठमाडौं लगायत देशका विभिन्न स्थानमा बिहानैदेखि हावाहुरी सहित वर्षा सुनको मूल्यले बनाउँदैछ दैनिक नयाँ रेकर्ड, आज कति पुग्यो ? “स्वनिगः” सहरमा नयाँ गन्तव्य नेपाल इन्जिनियरिङ कलेजमा पूर्वविद्यार्थीहरुको जमघट हुँदै आज तरकारी र फलफूलको मूल्य यस्तो रह्यो आजका लागि निर्धारित तरकारी तथा फलफूलको थोक मुल्य राष्ट्रिय वाणिज्य बैंकको ऋणपत्रमा आवेदन दिने समय बढ्यो, वैशाख २१ सम्म आवेदन दिन सकिने मध्यरातदेखि मानदेवकालीन कान्तिभैरव जात्रा सुरु    मंगलबारका लागि निर्धारित विदेशी मुद्राको विनिमयदर ललितपुर महानगरपालिकाको आगामी वर्षको बजेट ७ अर्ब ४७ करोड ४१ लाख ४७ हजार रुपैयाँ नेपाल आयल निगमले छ अर्ब ५० करोड लागतमा नयाँ हवाई इन्धन डिपो निर्माण गर्ने माघको पहिलो साताबाट ८० हजार सेना परिचालन गरिने