महाशिवरात्रि तयारी तीव्र: पशुपतिनाथ मन्दिरमा सरसफाइ, रङरोगन, सुरक्षा र साधु–सन्तको आगमन

ललितपुर – यस वर्षको महाशिवरात्रि २०८२ लाई लक्षित गर्दै पशुपतिनाथ मन्दिर परिसर र आसपासका क्षेत्रहरूमा रङरोगन, सरसफाइ र पूर्वाधार सुधारका काम सुरु गरिएको छ ।

पशुपति क्षेत्र विकास कोषले भक्तजनलाई सहज र सुरक्षित दर्शनको व्यवस्था गर्न विशेष सरसफाइ, व्यवस्थापन, सुरक्षा, स्वास्थ्य, यातायात र प्रचार–प्रसारका काम अघि बढाएको जनाएको छ ।

महाशिवरात्रि तयारीका लागि मूल समारोह समितिअन्तर्गत नौवटा विषयगत उपसमिति गठन गरिएको छ । कोषका कार्यकारी निर्देशक एवं प्रवक्ता सुभाषचन्द्र जोशीले राससलाई जानकारी दिँदै भन्नुभयो, महाशिवरात्रिको तयारीका लागि समिति पूर्ण रूपमा सक्रिय छ । साधु–सन्त, भक्तजन तथा दर्शनार्थीलाई सुविधा पु¥याउने लक्ष्यका साथ व्यवस्थापन, सुरक्षा, स्वास्थ्य, सरसफाइ, यातायात र प्रचार–प्रसारलगायत क्षेत्रमा काम भइरहेको छ ।

महाशिवरात्रिका दिन ठूलो सङ्ख्यामा भक्तजन आउने भएकाले भीड व्यवस्थापन, सुरक्षा व्यवस्था र आपत्कालीन सेवामा विशेष ध्यान दिइएको छ । प्रवक्ता जोशीका अनुसार, सुरक्षाकर्मी, स्वयंसेवक र विभिन्न सङ्घसंस्थासँगको समन्वयमा तयारीलाई तीव्रता दिइएको छ ।

संस्कृति, पर्यटन तथा नागरिक उड्डयनमन्त्री अनिलकुमार सिन्हाको अध्यक्षतामा महाशिवरात्रि २०८२ को तयारीका लागि १७१ सदस्यीय मूल समारोह समिति गठन गरिएको छ। समितिले पर्वलाई व्यवस्थित, मर्यादित र भव्य रूपमा सम्पन्न गर्ने उद्देश्य राखेको छ ।

यसैगरी, देशका विभिन्न भू–भाग र छिमेकी भारतबाट साधु–सन्तहरू पशुपतिनाथ क्षेत्रमा आइपुगी धुनी स्थापना, ध्यान, तपस्या र साधनाका लागि तयारी गरिरहेका छन् । विभिन्न अखडा र सम्प्रदायका साधु–सन्तहरूले पशुपति क्षेत्रका विभिन्न स्थानमा ध्यान, तपस्या र साधनाका लागि धुनी तयार गरिरहेका छन् ।

महाशिवरात्रि यस वर्ष फागुन ३ गते परेको छ। पर्व नजिकिँदै जाँदा पशुपति क्षेत्रमा धार्मिक गतिविधि तीव्र रूपमा बढ्दै गएको छ । साधु–सन्तहरूको आगमनसँगै भक्तजनको आवागमन पनि बढ्न थालेको पशुपति क्षेत्र विकास कोषले जनाएको छ ।

महाशिवरात्रि हिन्दू धर्मावलम्बीहरूको महत्त्वपूर्ण पर्व भएकाले स्वदेशी तथा विदेशी श्रद्धालुहरूको उल्लेख्य उपस्थिति रहने अपेक्षा गरिएको छ । पर्वलाई व्यवस्थित र सफल रूपमा सम्पन्न गर्न पशुपति क्षेत्र विकास कोष, नेपाल सरकार तथा सम्बन्धित निकायहरू सक्रिय रूपमा जुटिरहेका छन् ।

थप समाचारहरु

उत्कृष्ट अभिनेताको अवार्ड जितेका आर के मेहताको संघर्ष, समर्पण र सफलताको यात्रा महिलाहरुको सशक्तीकरण र क्षमता अभिवृद्धिमा नबिल बैंक प्रतिबद्ध, मार्च महिनामा देशव्यापी ७ वटा कार्यक्रम सम्पन्न सिटिजन्स बैंकद्वारा बेबी लाईफ होमलाई आर्थिक सहयोग भ्रष्टाचार नयुनीकरण र अन्त्य गर्नमा सरकार लागिपरेको छ : प्रधानमन्त्री सगरमाथा लुम्बिनी इन्स्योरेन्सको लाभांश घोषणा कास्कीको रुपा गाउँपालिकाका नागरिकलाई बिमामा ५० प्रतिशत अनुदान प्रभु बैंक लिमिटेड तथा गोरखा गार्डन होटलबीच विशेष छुट सम्झौता प्रधानमन्त्रीको आव्हानमा मन्त्रिपरिषद् बैठक आन्दोलनरत शिक्षकहरुलाई कक्षा १२ को परीक्षामा सहभागी नहुन महासंघको निर्देशन ढिला नगरी शिक्षकलाई विद्यालय फर्किने वातावरण बनाउन अधिकांश सांसदहरूको माग साउन महिनाभित्रै वीरगञ्जमा खानेपानी आयोजनाहरूको टेण्डर आह्वान हुन्छ : मन्त्री यादव एसईईको नतिजा आज सार्वजनिक हुँदै पूर्वराष्ट्रपति भण्डारीले राज्यको तर्फबाट प्राप्त गर्दै आएको सेवा सुविधा त्यागेको पत्र गृहमन्त्रालयमा दर्ता एनआईसी एशिया बैंकको ८.१७ प्रतिशत ब्याजदरमा शेयर धितो कर्जा विद्युत् प्राधिकरणले पायो थप ३५ मेगावाट विद्युत् भारत निर्यातको अनुमति राष्ट्रपतिसमक्ष पाँच देशका राजदूतको ओहोदाको प्रमाणपत्र पेस एमाले महासचिवमा शंकर पोखरेल विजयी समानुपातिक निर्वाचन प्रणालीतर्फको बन्द सूची पेस गर्न सुरु