घरमै राहदानी पुर्‍याउन ‘हल्कारा’ तयारी अवस्थामा

ललितपुर - जिल्ला प्रशासन कार्यालय कञ्चनपुर र जिल्ला हुलाक कार्यालयबीच भएको सम्झौताअनुसार अब सेवाग्राहीको घरमै राहदानी पुर्‍याउने व्यवस्था सुरु हुने भएको छ । सम्झौतापछि राहदानी वितरणका लागि ‘हल्कारा’ तयारी अवस्थामा रहेका छन् ।

हुलाक कार्यालयमा आएका चिठीपत्र, पत्रपत्रिका र पार्सल सम्बन्धित व्यक्तिसम्म पुर्‍याउने श्रेणीविहीन कर्मचारीलाई ‘हल्कारा’ भनिन्छ । जिल्ला हुलाक कार्यालयले हुलाक सेवालाई आधुनिकीकरण गर्दै सरकारी कुरियर सेवा सञ्चालन गरिरहेका बेला अब राहदानी पनि घरदैलोमै पुर्‍याउने तयारी थालेको हो ।

जिल्ला हुलाक कार्यालयका प्रमुख सरोज पाण्डेयका अनुसार प्रशासन कार्यालयमा राहदानी फारम भर्दासँगै घरमै राहदानी चाहने सेवाग्राहीले छुट्टै फारमसमेत भर्न थालेका छन् ।

उनले भने, अबको दुई सातापछि नयाँ राहदानी जिल्लामा आइपुग्नेबित्तिकै हुलाक कर्मचारीले जिल्लाभर वितरण सुरु गर्नेछन् ।

पाण्डेयका अनुसार कञ्चनपुरका नौवटै स्थानीय तहका हुलाक कार्यालय यस कार्यका लागि तयारी अवस्थामा छन्। जिल्लाभर हुलाकी, पत्र वितरक, डाक बाहक, हुलाकी प्रतिनिधि र हल्कारासहित ५४ जना कर्मचारी कार्यरत छन् ।

प्राप्त भएका राहदानी सेवाग्राहीको घरसम्म पुर्‍याउने काम हल्काराले गर्नेछन् उनले बताए ।

दुई गाउँपालिका र सात नगरपालिका रहेको कञ्चनपुरका सबै स्थानीय तहमा हुलाक कार्यालयमार्फत सेवा सञ्चालनमा रहेको जनाइएको छ । लालझाडीमा पछिल्लो समय स्थापना भएको हुलाक कार्यालय जिल्लाको कान्छो कार्यालय हो ।

जिल्ला प्रशासन कार्यालयका अनुसार सरकारको स्वीकृत १०० कार्यसूचीअन्तर्गत सरकारी सेवा घरमै उपलब्ध गराउने नीतिअनुसार यो सेवा लागू गरिएको हो । प्रशासन कार्यालयले सार्वजनिक सूचना जारी गर्दै राहदानी घरमै पुर्‍याउने सेवा सुरु भएको जानकारी दिएको छ ।

थप समाचारहरु

श्रम संस्कृति पार्टीका अध्यक्ष तथा सांसद हर्कको प्रधानमन्त्री लाई खुला पत्र विद्यार्थीले राजनीति गुरुबाट सिकून्, नेताबाट होइन : प्रधानमन्त्री शाह संवैधानिक परिषद् अध्यादेश जारी गर्ने तयारीमा राष्ट्रपति पौडेल सुदूरपश्चिमका एमाले सांसद सँग गुण्डुमा ओलीको छलफल कर्णाली प्रदेश समन्वय परिषद्को ११औँ बैठक सुरु सुनचाँदीको भाउमा उछाल: सुन तोलामा ५,८०० र चाँदी १७५ ले बढ्यो वीर अस्पतालका निर्देशक डा. दिलिप शर्माको राजीनामा छायाँ सेन्टर भत्काउन माग गर्दै सम्पदाप्रेमीहरूको प्रदर्शन धादिङमा ४.१ म्याग्निच्युडको भूकम्प सेबोन अध्यक्ष सिफारिस समितिका संयोजक गुणाकर भट्टको राजीनामा ओमकार आयल इन्डस्ट्रिजका सञ्चालक विजय श्रेष्ठ पक्राउ प्रधानन्यायाधीश सिफारिसमा हर्क साम्पाङको आपत्ति कार्यक्षमताका आधारमा प्रधानन्यायाधीश सिफारिस गरिएको सरकारको दाबी संघीय संसद् सचिवालयमा ट्रेड युनियन व्यवस्था खारेज मन्त्रिपरिषद् बैठकका निर्णय सर्वोच्चद्वारा नदी किनारका बस्ती नहटाउन अन्तरिम आदेश नेपाल रेडक्रसका अध्यक्ष विनोदकुमार शर्माको राजीनामा