कतै वार नसम्झनु

ललितपुर - रुपा रिसाल

कतै वार नसम्झनु कतै पार नमम्झनु
रहस्यमय जिन्दगी को धार नसम्झनु ।

रत्तिभर निन्द्रा नलाग्ने लामा रात छन्
सपनीमा उडेको यान आधार नसम्झनु ।

नामो निशान मेटाउने ती बाढीका भेल
बगाएर लगेको शहरलाई टार नसम्झनु ।

सुरुङभित्र जीवित कोही त हुन सक्छन्
खोजविन कार्य तिब्रता छ हार नसम्झनु ।

दैवको खेल अचम्मको छ प्रलयका क्षण
विपदमा परेका प्राणीलाई भार नसम्झनु ।

कतै वरिपरि दुख्ने मुटु छट्पटी रहेका छन्
हिलाम्मे दलदलमा फसेका घार नसम्झनु ।