संविधान निर्माण गरेका शक्तिहरु एकताबद्ध हुनुपर्छः संयोजक दाहाल

नेपाली कम्युनिष्ट पार्टीका संयोजक एवं पूर्वप्रधानमन्त्री पुष्पकमल दाहाल ‘प्रचण्ड’ले संविधान निर्माण गरेका शक्तिहरु राष्ट्रिय स्वाधीनताको रक्षाका लागि एकताबद्ध हुनुपर्ने बताउनुभएको छ ।

पार्टी केन्द्रीय कार्यालयमा आज आयोजित कार्यक्रममा उहाँले मुलुकमा जनताको सङ्घर्षबाट प्राप्त सङ्घीय लोकतान्त्रिक गणतन्त्र, राष्ट्रिय अखण्डताको रक्षा, क्रान्तिका उपलब्धिको संरक्षणका लागि ती शक्तिबीच सहकार्यको आवश्यकता औँल्याउनुभयो । पूर्वप्रधानमन्त्री दाहालले बाह्रबुँदेदेखि विस्तृत शान्ति सम्झौताका पक्षधर शक्तिहरु तथा परिवर्तनकामी शक्तिलाई एकताबद्ध बनाउन आफ्नो पार्टीले आवश्यक समन्वय गर्ने प्रस्ट पार्नुभयो ।

निर्वाचनमा अपेक्षाकृत परिणाम आउन नसकेको बताउँदै उहाँले जनताको जनादेशको सम्मान र परिणाम स्वीकार गरेर सरकारका राम्रा कामको समर्थन एवम् गलत कामको विरोध गर्ने तथा संसद्मा रचनात्मक प्रतिपक्षको भूमिका निर्वाह गर्ने विश्वास व्यक्त गर्नुभयो ।

पार्टी सहसंयोजक एवं पूर्वप्रधानमन्त्री माधवकुमार नेपालले निर्वाचन परिणामबाट नेता तथा कार्यकर्ता विचलित र निराश नहुन आग्रह गर्दै नयाँ परिस्थितिमा नयाँ ढङ्गले उच्च मनोबल र उत्साह साथ अघि बढ्नुपर्नेमा जोड दिनुभयो । उहाँले अब पार्टीमा शुद्धीकरण, समग्र पुनर्गठन र पुनर्जागरण अनिवार्य भएको बताउनुभयो ।

थप समाचारहरु

पूर्वमन्त्री दीपक खड्का पक्राउ शैक्षिक संस्थामा राजनीति अन्त्य गर्ने सरकारको निर्णय ओलीको स्वास्थ्यमा जटिलता, टिचिङ अस्पतालमा उपचारत मन्त्रिपरिषद् बैठक आज बस्दै पूर्वमन्त्री दीपक खड्का अस्पताल भर्ना, हिरासतबाट उपचारमा लगियो कार्यविवरणको कार्यसम्पादन सूचक ४५ दिनभित्र तयार गरिने निजी क्षेत्रलाई सहज वातावरण दिने प्रतिबद्धता, घुस र लाइन अन्त्य गर्ने अर्थमन्त्रीको भनाइ ऊर्जा सुधारमा सरकारको जोडः १८० दिनभित्र पिपिए टुङ्ग्याइने काठमाडौंका तत्कालिन प्रमुख जिल्ला अधिकारी रिजाल प्रहरी नियन्त्रणमा शासकीय सुधारका एक सय कार्यसूचीमा ‘डिजिटल’ शासन कामपाले दश वटा वडाबाट भूमि प्रशासन सेवा केन्द्र सञ्चालन गर्ने बजेट तयारी : पुराना योजना अघि, नयाँ योजनामा विश्लेषण अनिवार्य बिहीबार देखि नयाँ जनादेश सहित सांसद अधिवेशन सुरु हुँदै प्रतिनिधिसभा पहिलो बैठक : एमालेद्वारा ध्यानाकर्षण जिम्मेवारी पूरा गरेर मतादेशको ऋण तिर्नेछौँः सभापति लामिछाने प्राकृतिक स्रोतको सदुपयोग गर्न पाउने सहज नियम बनाउनुपर्छ : अध्यक्ष राई जनताप्रति उत्तरदायी बन्न सरकारलाई आग्रह गृहमन्त्रीद्वारा तीन अध्यादेश पेस