पब्लिक स्पिच बाँकेको चौथो श्रृंखलाः अडिसन राउण्ड सम्पन्न, १० प्रतिस्पर्धी फाइनलमा छनोट

ललितपुर – बास नेपालको आयोजनामा आज नेपालगञ्जमा पब्लिक स्पिच कार्यक्रमको अडिसन राउण्ड भब्यताका साथ सम्पन्न भएको छ। अडिसन राउण्डबाट १० जना प्रतिभाशाली प्रतिस्पर्धी फाइनल राउण्डमा प्रवेश गरेका छन् ।

यस प्रतियोगिताको मुख्य उद्देश्य विद्यार्थी र युवाहरूमा बक्तृत्वकला अभिवृद्धि गर्नु, सार्वजनिक भाषणकलामा च्याम्पियनहरूको प्रोत्साहन गर्नु र वाक क्षमता विकास गर्नु रहेको छ । बाँकेको चौथो श्रृंखला अन्तर्गत आयोजित अडिसनमा विभिन्न विद्यालय र कलेजका १५ जना विद्यार्थीहरूले सहभागिता जनाएका थिए ।

प्रतिभागीहरूले नैतिकता र भ्रष्टाचार नियन्त्रण’, ‘मेरो देशको समृद्धिका आधार’, ‘देशको मुख्य प्रवाहमा अपाङ्गता भएका व्यक्तिहरुको सहभागिता सुनिश्चितता’ जस्ता विषयमा आफ्ना मन्तव्य प्रस्तुत गरेका थिए । प्रतियोगितामा नेपालगञ्ज मोडेल एकेडेमी, पशुपति मावि राँझा, वेस्ट जोन ई. मि. स्कुल, सिटी पब्लिक, श्री ज्ञानोदय मावि, कृष्ण मावि, महेन्द्र बहुमुखी क्याम्पस, लक्ष्मी मावि सगरमाथा ज्ञानपुञ्ज र मंगलप्रसाद नमुना माविका विद्यार्थीहरू सहभागी थिए ।

नेपालगञ्ज उपमहानगरपालिकाका प्रमुख प्रशासकीय अधिकृत रामहरी शर्माको प्रमुख आतिथ्यतामा सम्पन्न कार्यक्रममा शिक्षाविद् किरण आचार्य, वरिष्ठ पत्रकार रुद्र खड्का र कृष्ण अधिकारी निर्णायकको भूमिकामा रहेका थिए भने बास नेपालको कार्यक्रम संयोजक शोभा थापामगर कार्यक्रम संचालनमा सक्रिय थिइन् ।

प्रतियोगितामा गोलाप्रथाको माध्यमबाट विषय चयन गरी चार मिनेट भित्र आफ्ना विचार प्रस्तुत गर्नुपर्ने व्यवस्था रहेको थियो । निर्णायकको मुल्यांकनपछि फाइनलमा प्रवेश गर्ने १० जना प्रतिस्पर्धीको नाम सार्वजनिक गरिएको छ । बर्षिका भण्डारी, सृष्टि बुढामगर, मनिषा उपाध्याय, लक्ष्मी पोख्रेल, आशिका केसी, चन्द्रलाल जैशी, दिक्षिका खत्री, प्रनिशा भट्टराई, सगुन तिवारी र सबिना कठायत ।

फाइनल राउण्डमा उनीहरूले शान्ति, समृद्धि र विधिको शासनका लागि मेरो भूमिका ‘बौद्धिक पलायन रोकथामका दिगो उपाय’ ‘युवा स्वरोजगारका सम्भावनाहरू र युवा शक्तिको सदुपयोग’, र ‘नेपालमा आर्थिक स्वतन्त्रताका नयाँ उपाय’ जस्ता विषयमा भाषण दिनेछन्। फाइनल राउण्ड माघ २८ गते सी.एस.टी होटल नेपालगञ्जमा हुनेछ ।

बास नेपालका केन्द्रीय अध्यक्ष शिव कुमार बर्माको अध्यक्षतामा भएको कार्यक्रममा जनसम्पर्क अधिकृत माधव कार्कीले स्वागत मन्तव्य राखेका थिए भने कार्यक्रम अधिकृत रबिन्द्र बोहराले सञ्चालन गरेका थिए ।

थप समाचारहरु

सिटिजन्स बैंकका ग्राहकहरूलाई इजी डेन्टलमा विशेष छुट त्रिभुवन विश्वविद्यालयको स्ववियु निर्वाचन आज नेपाल र थाइल्याण्डका दुई प्रधानमन्त्री बीच भेटवार्ता सुन–चाँदीको मूल्यमा गिरावट आजको सडक आन्दोलनः नाच्दै, गाउँदै र सिठ्ठी बजाउँदै शिक्षकहरु रेविज लागेको कुकुरले टोक्दा १२ जना घाइते देशका अधिकांश भागमा जलवाष्पयुक्त हावाको प्रभाव काठमाडौं लगायत देशका विभिन्न स्थानमा बिहानैदेखि हावाहुरी सहित वर्षा रसुवा बाढी अपडेट : नौ जनाको शव फेला, १९ अझै बेपत्ता बाढीका कारण एक अर्बभन्दा बढीको क्षति पाडीबाच्छी हुर्काउन ३० लाख अनुदान ललितपुर महानगरपालिकाको आगामी वर्षको बजेट ७ अर्ब ४७ करोड ४१ लाख ४७ हजार रुपैयाँ सुदूरपश्चिम विश्वविद्यालयको सिनेटः एक अर्ब ५४ करोड बजेट स्वीकृत गत आवमा मालपोतले उठायो ५१ अर्ब राजस्व नागढुङ्गा नौबिसे सडक दैनिक पाँच घण्टा बन्द हुने स्वास्थ्य मन्त्रालयको सेवा सिंहदरबारबाट सुरु एनपिएलः लुम्बिनी र विराटनगर भिड्दै यामाहा नेपालद्वारा बुटवलमा नयाँ ‘ब्लु स्क्वायर’ शोरूमको उद्घाटन