जिम्मेवारी पूरा गरेर मतादेशको ऋण तिर्नेछौँः सभापति लामिछाने

राष्ट्रिय स्वतन्त्र पार्टीका सभापति रवि लामिछानेले जनताले आफूहरूलाई दिएको मतादेशको ऋण जिम्मेवारी पूरा गरेर तिर्ने बताउनुभएको छ ।

प्रतिनिधिसभाको पहिलो अधिवेशनको पहिलो बैठकमा आज दलीय आधारमा बोल्दै सभापति लामिछानेले आफूहरूलाई जनताले सिंहदरबार चलाउन नभई सिंहदरबार बदल्नका लागि मत दिएको र सोहीअनुसार काम सुरु गरिसकेको स्पष्ट गर्नुभयो ।

‘हामी प्रश्न गरेर यो ठाउँमा आएका हौँ । हामीले बोलेर होइन कामबाट आफूलाई प्रमाणित गर्नुपर्छ । हामी विगतका कमजोरीबाट पाठ सिक्नेछौँ”, सभापति लामिछानेले भन्नुभयो, “यो संसद् बहसको थलो हुनेछ, प्रतिशोधको थलो होइन । प्रतिपक्षलाई अन्यायपूर्वक प्रतिशोध र अत्याचार हुनेछैन, तर सुशासनको बेग पनि रोकिनेछैन । रास्वपाका हरेकले बोलेर होइन, कामबाट आफूलाई प्रमाणि गर्नुपर्नेछ ।’

आफ्नालाई बचाउन र अरुलाई फसाउन कानुन नै संशोधन हुने क्रम अब नहुने जिकिर गर्दै उहाँले सहिदको आमाको न्याय पाउने पहिलो हक भएकाले त्यसलाई प्रतिशोध भन्न नपाइने बताउनुभयो ।

सभापति लामिछानेले बिचौलिया र माफियाले थिचिएको निजी क्षेत्रलाई अब त्यस्तो दबाब नपर्ने भन्दै समान अवसर र व्यावसायिक वातावरण सरकारले मिलाउने प्रतिबद्धता व्यक्त गर्नुभयो । उहाँले जातीय र लैङ्कि आधारमा कुनै विभेद नहुने सङ्कल्प गर्दै ज्येष्ठ नागरिकको सम्मान र बालबालिकाको शिक्षा, स्वास्थ्यका लागि विशेष ध्यान दिने बताउनुभयो ।

विगतमा राजनीतिक नियुक्ति लिएकालाई स्वेच्छिक रूपमा मार्गप्रशस्त गर्ने अपेक्षा गर्दै उहाँले नयाँ नियुक्तिमा विधि र योग्यताको मापदण्ड पालना हुने स्पष्ट गर्नुभयो । सभापति लामिछानेले राजदूतको नियुक्ति बिचौलियाको प्रभावमा नभई श्रमिकको हितकेन्द्रित हुने पनि बताउनुभयो ।

गैह्रआवासीय नेपालीको पुँजी, सीप र अनुशासनलाई नेपालको आर्थिक विकासमा उपयोग गर्ने बताउँदै उहाँले मुलुकले प्रतिपक्षलाई पनि साथमा लिएर मित्रवत् र पारदर्शी परराष्ट्र नीति कायम गर्ने बताउनुभयो ।

थप समाचारहरु

पूर्वमन्त्री दीपक खड्का पक्राउ शैक्षिक संस्थामा राजनीति अन्त्य गर्ने सरकारको निर्णय ओलीको स्वास्थ्यमा जटिलता, टिचिङ अस्पतालमा उपचारत देउवा, ओली, प्रचण्डको सम्पत्ति जाँच प्रक्रिया शुरू ओली र लेखकलाई १० दिन थुनामा राखी अनुसन्धान गर्न माग ओली पक्राउविरुद्ध सर्वोच्चमा बन्दीप्रत्यक्षीकरण रिट, आज सुनुवाइ पूर्वमन्त्री दीपक खड्का अस्पताल भर्ना, हिरासतबाट उपचारमा लगियो कार्यविवरणको कार्यसम्पादन सूचक ४५ दिनभित्र तयार गरिने प्रधानमन्त्री शाहले सांसदहरुलाई तीनवटा कामको प्राथमिकता निर्धारण गर्न आग्रह निजी क्षेत्रलाई सहज वातावरण दिने प्रतिबद्धता, घुस र लाइन अन्त्य गर्ने अर्थमन्त्रीको भनाइ लेखकको बन्दी प्रत्यक्षीकरण रिटमा सरकारसँग स्पष्टीकरण माग ऊर्जा सुधारमा सरकारको जोडः १८० दिनभित्र पिपिए टुङ्ग्याइने शासकीय सुधारका एक सय कार्यसूचीमा ‘डिजिटल’ शासन कामपाले दश वटा वडाबाट भूमि प्रशासन सेवा केन्द्र सञ्चालन गर्ने बिहीबार देखि नयाँ जनादेश सहित सांसद अधिवेशन सुरु हुँदै संसदीय दलको नेता छान्न एमालेमा मतदान प्रक्रिया शुरू प्रतिनिधिसभा अधिवेशन सुरु प्रतिनिधिसभा पहिलो बैठक : एमालेद्वारा ध्यानाकर्षण