बिजनेस पाटी
२०८२ फाल्गुन २३
1k views
ललितपुर - ललितपुर – चितवनको निर्वाचन क्षेत्र नम्बर २ बाट राष्ट्रिय स्वतन्त्र पार्टी (रास्वपा) का सभापति रवि लामिछाने फराकिलो मतान्तरसहित विजयी भएका छन् ।
नेपाली कांग्रेसकी उम्मेदवार मीना कुमारी खरेललाई ३९ हजार ८ सय ३८ मतान्तरले पराजित गर्दै लामिछाने निर्वाचित भएका हुन् ।
लामिछानेले ५४ हजार ४ सय २ मत प्राप्त गरेका छन्। अघिल्लो निर्वाचनमा उनले ५४ हजार २ सय ७६ मत प्राप्त गरेका थिए ।
निकटतम प्रतिद्वन्द्वी नेपाली कांग्रेसकी मीना कुमारी खरेलले १४ हजार ५ सय ६४ मत प्राप्त गरेकी छन् ।
त्यस्तै, तेस्रो स्थानमा रहेका नेकपा एमालेका उम्मेदवार अस्मिन घिमिरेले ६ हजार ९ सय ९२ मत प्राप्त गरेका छन् ।
चितवन निर्वाचन क्षेत्र नम्बर २ मा ८७ हजार २ सय २१ मत खसेको थियो ।