नेपाल–जापान कूटनीतिक सम्बन्धको ७० वर्ष: राष्ट्रपति पौडेल जापानमा

ललितपुर – नेपाल–जापानबीच कूटनीतिक सम्बन्ध स्थापना भएको ७०औँ वर्षगाँठका अवसरमा राष्ट्रपति रामचन्द्र पौडेल चारदिने औपचारिक भ्रमणका लागि आज जापान पुग्नुभएको छ ।

राष्ट्रपति पौडेललाई जापानको नारिता अन्तरराष्ट्रिय विमानस्थलमा जापानको विदेश मन्त्रालयका प्रमुख शिष्टाचार महापाल, नेपालका लागि जापानका राजदूत तोरु मायदा तथा जापानका लागि नेपालका कार्यवाहक राजदूत हरिहरकान्त पौडेललगायतले स्वागत गर्नुभएको थियो ।

जापान सरकारको निमन्त्रणामा राष्ट्रपति पौडेल प्रथम महिला सबिता पौडेलसहित नेपाली प्रतिनिधिमण्डलको नेतृत्व गर्दै आइतबार राति जापान प्रस्थान गर्नुभएको हो । राष्ट्रपति पौडेल जापानमा आयोजना हुने ७०औँ वर्षगाँठसम्बन्धी विशेष कार्यक्रममा सहभागी हुनुहुने राष्ट्रपति कार्यालयका प्रेस सल्लाहकार किरण पोखरेलले जानकारी दिनुभयो ।

भ्रमणका क्रममा टोकियोस्थित इम्पेरियल प्यालेसमा राष्ट्रपति पौडेलको जापानका सम्राट् नारुहितोसँग राजकीय शिष्टाचार भेटवार्ता तय भएको छ । यस्तै, जापानका प्रधानमन्त्री सुश्री ताकाइची सानाए र विदेश राज्यमन्त्री होरिइ इवाओसँग पनि उहाँले शिष्टाचार भेट गर्नुहुने कार्यक्रम रहेको छ ।

प्रेस सल्लाहकार पोखरेलका अनुसार राष्ट्रपति पौडेलले जापानी व्यावसायिक समुदायसँग अन्तर्क्रिया गर्नुका साथै जापानस्थित नेपाली राजदूतावासद्वारा उहाँको सम्मानमा आयोजना गरिने स्वागत समारोहमा पनि सहभागिता जनाउनुहुनेछ ।

नेपाल र जापानबीच सन् १ सेप्टेम्बर १९५६ मा कूटनीतिक सम्बन्ध स्थापना भएको हो । सम्बन्ध स्थापनापछि नेपालले सन् १९६५ मा टोकियोमा र जापानले सन् १९६७ मा काठमाडौँमा आफ्ना दूतावास स्थापना गरेका थिए ।

चारदिने औपचारिक भ्रमण सम्पन्न गरी राष्ट्रपति पौडेल यही माघ २१ गते बुधबार स्वदेश फर्कने कार्यक्रम रहेको छ ।

थप समाचारहरु

प्रभु क्यापिटलका ग्राहकले सिद्धार्थ बिजनेश ग्रुपका होटल, रेष्टुरेन्टमा २० प्रतिशतसम्म छुट पाउने स्याङ्जा मालुङ्गामा नेपाल टेलिकमको एफटिटिएच सेवा गरिमा विकास बैंकद्वारा गरिमा सरल एसएमई कर्जा सार्वजनिक भ्रष्टाचार नयुनीकरण र अन्त्य गर्नमा सरकार लागिपरेको छ : प्रधानमन्त्री सगरमाथा लुम्बिनी इन्स्योरेन्सको लाभांश घोषणा कास्कीको रुपा गाउँपालिकाका नागरिकलाई बिमामा ५० प्रतिशत अनुदान प्रभु बैंक लिमिटेड तथा गोरखा गार्डन होटलबीच विशेष छुट सम्झौता प्रधानमन्त्रीको आव्हानमा मन्त्रिपरिषद् बैठक आन्दोलनरत शिक्षकहरुलाई कक्षा १२ को परीक्षामा सहभागी नहुन महासंघको निर्देशन ढिला नगरी शिक्षकलाई विद्यालय फर्किने वातावरण बनाउन अधिकांश सांसदहरूको माग शिक्षकको माग आज सम्बोधन हुने प्रबल सम्भावना राहुघाट जलविद्युत् आयोजना सम्पन्न, परीक्षण उत्पादन हुँदै    विश्व लुपस दिवसका अवसरमा सङ्घीय राजधानी काठमाडौँमा सचेतना र्‍याली-(भिडियो कुराकानी सहित) एनआईसी एशिया बैंकको ८.१७ प्रतिशत ब्याजदरमा शेयर धितो कर्जा आदिवासी जनजातिका भाषा अब डिजिटल माध्यमबाट प्रयोगमा ल्याउनपर्छ : अध्यक्ष दाहाल को हुन पाटन स्वास्थ्य विज्ञान प्रतिष्ठानका नव नियुक्त उपकुलपति ? एमाले महासचिवमा शंकर पोखरेल विजयी समानुपातिक निर्वाचन प्रणालीतर्फको बन्द सूची पेस गर्न सुरु