सर्वोच्चको आदेशः अनुसन्धान नसकिए ओली र लेखक बिहीबारपछि रिहा गर्नुपर्ने

ललितपुर - सर्वोच्च अदालतले नेपाल कम्युनिष्ट पार्टी (एमाले) का अध्यक्ष एवं पूर्वप्रधानमन्त्री केपी शर्मा ओली र नेपाली कांग्रेसका नेता तथा पूर्वगृहमन्त्री रमेश लेखकलाई आगामी बिहीबारभित्र अनुसन्धान सम्पन्न नभएमा हिरासत मुक्त गर्न आदेश दिएको छ ।

न्यायाधीश विनोद शर्मा र सुनिलकुमार पोखरेलको इजलासले जिल्ला अदालतबाट यही चैत २२ गते भएको आदेश अनुसारको समयावधिमा अनुसन्धान सम्पन्न भइ मुद्दा चल्ने नचल्ने निर्णय भएमा सोहीअनुसार र सो हुन नसकेमा हिरासत मुक्त गरी थप अनुसन्धान तहकिकात सम्पन्न गर्न आदेश दिएको हो ।

‘जिल्ला अदालतबाट मिति २०८२/१२/२२ मा भएको आदेश अनुसारको समयावधिमा अनुसन्धानं कार्यसम्पन्न भई मुद्दा चल्ने नचल्ने निर्णय भएमा सोहीअनुसार र सो हुन नसकेमा तत्पश्चात् अर्थात् तेस्रो पटक म्याद थपको अवधि उपरान्त यी रिट निवेदक केपी शर्मा ओली र रमेश लेखकलाई मुलुकी फौजदारी कार्यविधि संहिता, २०७४ को दफा १५ को प्रक्रिया पूरा गरी हिरासत मुक्त गरी थप अनुसन्धान तहकिकातको कार्य सम्पन्न गरी जे जो गर्नुपर्ने हो गर्नु गराउनू भनी प्रत्यर्थीहरुका नाममा परमादेशको आदेश जारी गरिएको छ’, आदेशमा भनिएको छ ।

अध्यक्ष ओलीकी पत्नी राधिका शाक्य र नेता लेखककी पत्नी यशोदा लेखकले यही चैत १५ गते गैरकानुनी थुनामा राखिएको उल्लेख गर्दै थुनामुक्त गर्न माग गर्दै बन्दीप्रत्यक्षीकरणको रिट निवेदन दायर गर्नुभएको थियो । सो रिटका सन्दर्भमा भने प्रतिवादीहरुलाई बन्दीप्रत्यक्षीकरणको आदेश जारी गर्न नमिल्ने जनाइएको छ ।

थप समाचारहरु

आजको राशिफल : २०८२ चैत १९ गते विहीबार यस्तो छ आजको विदेशी मुद्राको विनिमयदर जिम्मेवारी पूरा गरेर मतादेशको ऋण तिर्नेछौँः सभापति लामिछाने जनताप्रति उत्तरदायी बन्न सरकारलाई आग्रह गृहमन्त्रीद्वारा तीन अध्यादेश पेस संविधान निर्माण गरेका शक्तिहरु एकताबद्ध हुनुपर्छः संयोजक दाहाल पाकिस्तानमा शक्तिशाली विस्फोट, पाँचको मृत्यु पाकिस्तानमा भारी वर्षा र बाढीले त्रास, १५ जनाको मृत्यु मानव फेरि चन्द्रतर्फ, नयाँ इतिहास सुरु नवनियुक्त सभामुख डोलप्रसाद अर्यालको आइतबार सपथ स्वास्थ्य मन्त्रालयद्वारा शासकीय सुधार अन्तर्गत पहिलो चरणको प्रगति विवरण सार्वजनिक आजको मौसम : तराईसहित पाँच प्रदेशमा हावाहुरी, पहाडी भू-भागमा हिमपात र मध्यम वर्षा काठमाडौंका यी स्थानमा चार घण्टा बिजुली अवरुद्ध हुने मधेस प्रदेशमा हरियाली क्षेत्र बढाउन आग्रह लुम्बिनी प्रदेशसभाको बैठक बस्दै आजको राशिफल : २०८२ चैत २३ गते सोमबार यस्तो छ आजको विदेशी मुद्राको विनिमयदर मध्यपूर्व द्वन्द्वबीच तेल उत्पादनमा वृद्धि