राष्ट्रपति पौडेल महाशिवरात्रि र २६३औँ सेना दिवसमा सहभागिता

ललितपुर – राष्ट्रपति रामचन्द्र पौडेल महाशिवरात्रि तथा २६३औँ सेना दिवसको अवसरमा नेपाली सेनाद्वारा सैनिक मञ्च, टुँडिखेलमा आज आयोजित विशेष समारोहमा सहभागी हुनुभयो ।

उहाँले त्यहाँस्थित सैनिक स्मारकमा पुष्पहार अर्पण गरी श्रद्धाञ्जली व्यक्त गर्नुभयो र नेपाली सेनाद्वारा अर्पण गरिएको सलामी ग्रहण गर्नुभयो ।

राष्ट्रपति पौडेल नेपाली सेनाका परमाधिपति हुनुहुन्छ । नेपाली सेनाले महाशिवरात्रिको दिनलाई सेना दिवसका रूपमा मनाउँदै आएको छ। शास्त्रीय मान्यताअनुसार शिवलाई शान्ति र सुरक्षाको प्रतीकका रूपमा लिने गरिन्छ ।

समारोहमा राष्ट्रपति पौडेलले ‘सिपाही–२०८२’ वार्षिक पत्रिका विमोचन गर्नुभयो। साथै ‘फ्रि फल जम्प’ मा प्रथम स्थान प्राप्त प्रमुख सेनानी विवेक बिक्रम शाह र दोस्रो स्थान प्राप्त रमेशकुमार चौधरीलाई पुरस्कार प्रदान गर्नुभयो ।

उहाँले सेना दिवस समारोहमा भारतीय, बेलायती र अमेरिकी सेनाका टोली प्रमुखलाई सम्झनास्वरुप उपहार प्रदान गर्नुभयो ।

पूर्वतयारीका क्रममा सेनाको हेलिकप्टर र ड्रोनमार्फत पुष्पवृष्टि, राष्ट्रिय झण्डा र ‘सेना दिवस–२०८२’ ब्यानर प्रदर्शन गरिएको थियो। समारोहमा राइफल र तोपबाट महाशिवरात्रि बढाइँ तथा कवाज प्रदर्शन समेत गरिएको थियो ।

कार्यक्रममा सेनाद्वारा रणकौशल, परम्परागत वेशभूषा, नृत्य र सङ्गीत प्रस्तुति तथा मर्चपास प्रस्तुत गरिएको थियो । साथै नेपाली सेनाले प्रयोग गर्दै आएका हातहतियार, उपकरण र सवारी साधन प्रदर्शन गरेका थिए ।

समारोहमा उपस्थित व्यक्ति

• उपराष्ट्रपति रामसहायप्रसाद यादव
• प्रधानमन्त्री सुशीला कार्की
• प्रधानन्यायाधीश प्रकाशमानसिह राउत
• राष्ट्रियसभाका अध्यक्ष नारायणप्रसाद दाहाल
• नेपाल सरकारका मन्त्रीगण, पूर्वमन्त्री, संवैधानिक निकायका प्रमुख, उच्चपदस्थ अधिकारी, सुरक्षा निकाय प्रमुख, कूटनीतिक नियोगका प्रमुख तथा समाजका प्रतिष्ठित महानुभाव

सर्वसाधारणले टुँडिखेल वरपर बाक्लो उपस्थिती देखाएका थिए। नेपाल टेलिभिजन लगायतका विद्युतीय सञ्चारमाध्यमले कार्यक्रम प्रत्यक्ष प्रसारण गरेका थिए ।

थप समाचारहरु

विद्या भट्टराईको राजीनामाप्रति एमाले दुई खेमामा भन्सार विधेयक पारित कोशी प्रदेशमा तीनदिनसम्म गणतन्त्र दिवस मनाइने साउदीमा बन्धक बनाइएका नेपालीको तत्काल उद्धार गरौं : ज्ञानबहादुर शाही गृहमन्त्री लेखक र संस्कृतिमन्त्री पाण्डेलाई तत्काल बर्खास्त गर्न माग गर्दै बजगाईंले सभापतिलाई लेखे प्रश्न अहिलेको आवश्यकता आधारमा सत्तापक्षसँग सहमति -प्रचण्ड धवलशमशेर राणालाई ३ लाख रुपैयाँ धरौटीमा छाड्न आदेश एमाले सचिवालय बैठक सुरु एमाले केन्द्रीय कमिटी बैठक सुरु सरकारको लक्ष्य सुशासन र विकास केन्द्रित हुनुपर्छः प्रधानमन्त्री मेयर बालेनले गरे जेनजीहरूलाई संयमित हुन आग्रह – वार्ता गर्नुअघि संसद् विघटन भएको हुनुपर्ने विशेष महाधिवेशनको विकल्प छैन, गगन थापा निर्वाचन सम्पन्न गर्न सरकार कटिबद्ध छ, निर्वाचन हुन्न भन्ने भ्रम नर्छनोस् : मन्त्री अर्याल संयुक्त चुनाव चिन्ह ‘बस’ लिएर तीन दलका अध्यक्ष एकै मञ्चमा सहकारी ठग र गँजेडीहररूले देश चलाउन सक्दैनन : काँग्रेस नेता राठौर गगन थापा नेतृत्वको कांग्रेस आयोगसँग छलफलमा – आफूहरुविरुद्ध गलत निर्णय भए प्रतिकारमा उत्रिने पूर्णबहादुरको चेतावनी बालेन साहले मेयर पदबाट बाट राजीनामा दिए महान्यायाधिवक्ताको निर्णयविरुद्धको रिटमा थप सक्कल प्रमाण झिकाउन आदेश