राष्ट्रियसभाः विधायन व्यवस्थापन समितिको प्रतिवेदन पेस

ललितपुर - राष्ट्रियसभाको आजको बैठकमा ‘नेपाल विशेष सेवा ऐन, २०४२ को साविकको व्यवस्था जगाउनेसम्बन्धी विधेयक, २०८३’ सम्बन्धी विधायन व्यवस्थापन समितिको प्रतिवेदन पेस भएको छ ।

समितिका सभापति कृष्णबहादुर रोकायले प्रतिनिधिसभाबाट सन्देशसहित प्राप्त सो विधेयकमाथिको दफबार छलफलसहितको प्रतिवेदन बैठकमा पेस गर्नुभयो ।

बैठकमा सभाका अध्यक्ष नारायणप्रसाद दाहालले प्रधानमन्त्री तथा मन्त्रिपरिषद्को कार्यालयबाट प्राप्त मन्त्रिपरिषद्का सदस्यको कार्यभार तोकिएकोसम्बन्धी पत्रको बेहोरा जानकारी गराउनुभयो ।

राष्ट्रियसभाको अर्को बैठक यही भदौ २५ गते बिहीबार १ः१५ मिनेटमा बस्ने छ ।