प्रधानमन्त्री कार्यालय मातहत राष्ट्रिय अनुसन्धान विभाग

ललितपुर - देशको एकमात्र गुप्तचरी निकाय राष्ट्रिय अनुसन्धान विभागलाई फेरि प्रधानमन्त्री तथा मन्त्रिपरिषद् कार्यालय मातहत ल्याइएको छ । बुधबार कार्यविभाजन नियमावली संशोधन गर्दै सरकारले विभागलाई गृह मन्त्रालयबाट प्रधानमन्त्री कार्यालय मातहत सारेको हो ।

यसअघि एमाले अध्यक्ष केपी शर्मा ओली प्रधानमन्त्री हुँदा पनि विभाग प्रधानमन्त्री कार्यालय मातहत लगिएको थियो । पछि जेनजी आन्दोलनपछि बनेको सुशीला कार्की नेतृत्वको सरकारले विभागलाई पुनः गृह मन्त्रालय मातहत फर्काएको थियो ।

२१ फागुनको प्रतिनिधिसभा निर्वाचनपछि प्रधानमन्त्री बनेका रास्वपा संसदीय दलका नेता बालेन शाह नेतृत्वको सरकारले पुनः विभागलाई प्रधानमन्त्री कार्यालयअन्तर्गत ल्याएको हो । सरकारले १५ चैतमा सार्वजनिक गरेको ‘सुशासन मार्गचित्र २०८२’ मा पनि गुप्तचर निकायलाई प्रधानमन्त्री कार्यालय मातहत राख्न सुझाव दिइएको थियो ।

प्रधानमन्त्री तथा मन्त्रिपरिषद् कार्यालयका सचिव गोविन्दबहादुर कार्की संयोजकत्वको समितिले तयार गरेको मार्गचित्रमा विभागलाई पटक–पटक मन्त्रालय परिवर्तन नगरी प्रधानमन्त्री कार्यालयमै राखेर स्थायित्व दिनुपर्ने उल्लेख गरिएको थियो। सोही सुझावअनुसार अहिले विभागलाई प्रधानमन्त्री कार्यालय मातहत ल्याइएको प्रधानमन्त्री कार्यालय स्रोतले जनाएको छ।

थप समाचारहरु

२५ लाख पुरस्कार राशि रहेको  गायन रियालिटी शो ‘गाउँछ गीत’ जेठबाट प्रसारणमा आउने  निर्वाचन कानुन सुधारका लागि दलहरूलाई आयोगको आह्वान केहीबेरमै सार्वजनिक हुँदै एसईई नतिजा, राति ९ बजेदेखि हेर्न सकिने स्नो रिभर्स लिमिटेडको आईपीओ आजदेखि खुला, जेठ १ सम्म आवेदन दिन सकिने ट्रेड युनियन अधिकारमाथि अंकुश स्वीकार्य हुँदैन : भवानी न्यौपाने दाहाल सन्दीपको घातक बलिङ, उत्कृष्ट सुरुआतपछि स्कटल्यान्ड दबाबमा श्रममन्त्री यादवका चालक आलम पक्राउ आर्थिक संस्था केही व्यक्तिको कब्जामा पुगेका थिए, अब मुक्त गरिन्छ : अर्थमन्त्री वाग्ले बालेन प्रधानमन्त्री बने क्रान्तिको सपना पूरा हुन्छ : प्रचण्ड तमिलनाडुका मुख्यमन्त्री विजयद्वारा ७१७ मदिरा पसल बन्द गर्न निर्देशन सभामुखले दिए स्पष्ट संकेत: रुलिङ होइन, प्रधानमन्त्रीसँग सम्वाद गर्छु सार्वजनिक पदाधिकारीलाई एक महिनाभित्र सम्पत्ति विवरण बुझाउन निर्देशन सभामुखको आग्रह : संसदमा शब्द चयनमा संवेदनशील बन्न निर्देशन पाथीभरामा एक महिनामै १ करोडभन्दा बढी भेटी सङ्कलन प्रधानमन्त्रीले नैतिकताका आधारमा राजीनामा दिनुपर्छ : हर्क साम्पाङ