कुन क्लस्टरमा कति ? रास्वपाले टुंगो लगायो समानुपातिक सांसदको नाम

ललितपुर – राष्ट्रिय स्वतन्त्र पार्टी (रास्वपा) ले समानुपातिकतर्फका ५७ जना सांसदको नाम टुंगो लगाएको छ । पार्टीको भर्खरै बसेको सचिवालय बैठकले ४८ महिला र ९ पुरुष गरी कुल ५७ जनाको नाम निर्वाचन आयोगमा पठाउने निर्णय गरेको प्रवक्ता मनिष झाले जानकारी दिए ।

नाम सार्वजनिक हुने प्रक्रिया

झाले बताए अनुसार आयोगमा पठाइएको नाम प्रस्तावित मात्र हो। आयोगले नाम रुजु नगरेसम्म सार्वजनिक नगर्ने योजना रहेको छ ।

“तोकिएको समयभित्र ५७ जनाको नाम आयोगमा बुझाउने निर्णय भएको छ । रुजुपछि आयोगले मात्र सार्वजनिक गर्नेछ। त्यसअघिसम्म नाम सार्वजनिक हुँदैन, उनले भने ।

जातीय/समुदाय अनुसार वितरण

समानुपातिक नाम क्लस्टर अनुसार निम्नानुसार विभाजन गरिएको छ

• खस आर्य: १७ जना
• जनजाति: १६ जना
• दलित: ८ जना
• मुस्लिम: ३ जना
• मधेशी: ९ जना
• थारु: ४ जना