बिजनेस पाटी
ललितपुर - युवा तथा साना व्यवसायी स्वरोजगार कोषले प्रवाह गरेको कर्जामध्ये ६७ करोड १९ लाख रुपैयाँभन्दा बढी रकम भाखा नाघ्दा पनि असुल हुन सकेको छैन ।
महालेखापरीक्षकको ६३औँ वार्षिक प्रतिवेदनअनुसार विभिन्न सहकारी संस्थाहरूले सम्झौताबमोजिम किस्ता नबुझाउँदा ठूलो रकम जोखिममा परेको हो ।
युवा तथा साना व्यवसायी स्वरोजगार कोष (सञ्चालन) नियमावली, २०७७ अनुसार कोष र ऋणीबीच पाँच वर्षको ऋण सम्झौता हुने व्यवस्था छ। समयमै किस्ता नतिरेमा थप २ प्रतिशत ब्याज लाग्ने प्रावधान भए पनि यसको प्रभावकारी कार्यान्वयन हुन नसकेको प्रतिवेदनले जनाएको छ ।
कोषको अभिलेखअनुसार २०८२ असार मसान्तसम्म रु २ अर्ब ३३ करोडभन्दा बढी कर्जा प्रवाह गरिएको थियो । त्यसमध्ये ४३२ सहकारी संस्थाबाट साँवा, ब्याज र हर्जना गरी ६७ करोड १९ लाख ६४ हजार रुपैयाँ असुल हुन बाँकी रहेको उल्लेख छ ।
बाँकी रकममध्ये साँवा ५७ करोड ९७ लाख रुपैयाँ, ब्याज ८ करोड ९८ लाख रुपैयाँ र हर्जना २३ लाख ८२ हजार रुपैयाँ रहेको छ। महालेखापरीक्षकको कार्यालयले सम्झौताअनुसार बाँकी रकम तत्काल असुल गर्न कोषलाई निर्देशन दिएको छ । प्रतिवेदनमा स्वरोजगार प्रवर्द्धनका लागि लगानी गरिएको रकम समयमै असुल नहुँदा कोषको उद्देश्यमा असर पर्ने उल्लेख गरिएको छ ।
थप समाचारहरु
स्नो रिभर्स लिमिटेडको आईपीओ आजदेखि खुला, जेठ १ सम्म आवेदन दिन सकिने
ट्रेड युनियन अधिकारमाथि अंकुश स्वीकार्य हुँदैन : भवानी न्यौपाने दाहाल
सन्दीपको घातक बलिङ, उत्कृष्ट सुरुआतपछि स्कटल्यान्ड दबाबमा
नीति तथा कार्यक्रममा ‘निदाएको’ आरोपबारे अर्थमन्त्री वाग्लेको स्पष्टीकरण
प्रधानमन्त्रीको व्यवहारबारे कांग्रेस नेता आङ्देम्बेको कडा टिप्पणी, स्वास्थ्य परीक्षणको माग
बालेन प्रधानमन्त्री बने क्रान्तिको सपना पूरा हुन्छ : प्रचण्ड
राष्ट्रिय प्रकृति संरक्षण कोषको सदस्यसचिवमा डा. चिरञ्जीवीप्रसाद पोखरेल नियुक्त
प्रधानमन्त्री अनुपस्थित भएपछि संसद् बैठक छाडेर बाहिरिए हर्क साम्पाङ
प्रधानमन्त्रीको अनुपस्थितिमा संसद् अवरुद्ध, सभामुखद्वारा स्थगित बैठक अझै सुरु भएन
सतर्कता केन्द्रको निर्देशन लत्त्याउँदै बालेनका मन्त्री-एनटिएनसीको सदस्य सचिव नियुक्तिमा ‘लेनदेनको’ आशङ्का
रास्वपाका गणेश पराजुलीले प्रयोग गरेका शब्द संसद्को अभिलेखबाट हटाइयो
सार्वजनिक पदाधिकारीलाई एक महिनाभित्र सम्पत्ति विवरण बुझाउन निर्देशन
राखेपले एन्फा नेतृत्वमाथिको निलम्बन फुकुवा गर्यो