नेप्से १६ अंकले बढ्यो, कारोबार रकम साढे ४ अर्ब रूपैयाँ

ललितपुर - साताको कारोबारको अन्तिम दिन सेयरबजार दोहोरो अंकले बढेको छ । नेपाल स्टक एक्सचेन्जका अनुसार शुक्रबार नेप्से परिसूचक १६.३८ अंकले बढेर २७५८.४९ अंकमा पुगेको छ ।

आजको दिन नेप्सेमा कारोबार भएका १३ ओटा उपसमुहमध्ये १२ ओटा उपसमुहको सेयरमूल्य बढेको छ भने बाँकी एक ओटाको सेयरमूल्य घटेको छ ।

शुक्रबार आँखुखोला जलविद्युत् कम्पनीको सबैभन्दा धेरै कारोबार भएको छ । कम्पनीको ४३ करोड ९५ लाख ८६ हजार रूपैयाँ बढीको कारोबार भएको छ ।

आज क्रेस्ट माइक्रोफाइनान्सका लगानीकर्ताहरूले सबैभन्दा धेरै कमाएका छन् । यस कम्पनीको सेयरमूल्य १४.८१ प्रतिशतले बढेको छ ।

कुल ३३६ कम्पनीको एक करोड ८ लाख ८८ हजार ७३९ कित्ता सेयर किनबेच हुँदा ४ अर्ब ४९ करोड ८५ लाख १६ हजार रूपैयाँ बढीको कारोबार भएको नेप्सेले जनाएको छ ।