शेखर गोल्छालाई २४ घण्टाभित्र अदालतमा उपस्थित गराउन सर्वोच्चको आदेश

ललितपुर - थुनामा रहेका नेपाल उद्योग वाणिज्य महासंघका पूर्वअध्यक्ष शेखर गोल्छालाई २४ घण्टाभित्र अदालतमा उपस्थित गराउन सर्वोच्च अदालतले नेपाल प्रहरीको केन्द्रीय अनुसन्धान ब्युरो (सीआईबी)लाई आदेश दिएको छ ।

गोल्छाका तर्फबाट उनकी पत्नी सीमा गोल्छाले वैशाख १४ गते बन्दीप्रत्यक्षीकरण रिट दायर गरेकी थिइन् । सोही रिटमाथि मंगलबार भएको सुनुवाइपछि न्यायाधीश नृपध्वज निरौलाको एकल इजलासले पक्राउ र थुनाको कारणसहित लिखित जवाफ पेश गर्दै २४ घण्टाभित्र गोल्छालाई उपस्थित गराउन आदेश दिएको हो ।

यसअघि काठमाडौं जिल्ला अदालतले गोल्छालाई थप तीन दिन हिरासतमा राखेर अनुसन्धान गर्न प्रहरीलाई अनुमति दिएको थियो । न्यायाधीश दण्डपाणि लामिछानेको इजलासले थुना म्याद थप गरेको थियो ।

सीआईबीले गोल्छालाई वैशाख १० गते नियन्त्रणमा लिएर अनुसन्धान गरिरहेको छ । नेपाल धितोपत्र बोर्डले तयार पारेको ‘दीपक भट्टले गरेको धितोपत्र कारोबारसम्बन्धी प्रारम्भिक जाँचबुझ सुपरिवेक्षण प्रतिवेदन, २०८३’ मा नाम मुछिएपछि उनलाई पक्राउ गरिएको प्रहरीले जनाएको छ ।

थप समाचारहरु

संविधान संशोधन बहसपत्र कार्यदलको दोस्रो बैठक सुरु इन्धन दुरुपयोग प्रकरण : छानबिन गरी कारबाही गर्न स्वास्थ्यमन्त्रीको निर्देशन होर्मुजमा बारुदी सुरुङ सफाइमा ६ महिना लाग्ने चेतावनी वैशाख ११ : लोकतन्त्र दिवस लागुऔषधसहित विभिन्न स्थानबाट बाह्र जना पक्राउ पार्सल तथा उपहार पठाउने नाममा ठगी गर्ने लिम्बू पक्राउ राजमार्गमा सवारी कर नउठाउन आदेश विभिन्न जिल्लामा भारी वर्षा, अझै बदली हुने पाकिस्तानका प्रधानमन्त्री र इरानका विदेशमन्त्रीबीच इस्लामावादमा भेटवार्ता खुला नाकाबाट सोझै वीरगन्ज भित्रिन्छ भारतीय तरकारी इराकमा लगातार ड्रोन आक्रमण, नागरिक क्षेत्रमा ठूलो क्षति फलामखानीको थप अनुसन्धान गरिँदै इरानसँगको युद्ध अन्त्यका लागि गरिएको प्रयासमा अनपेक्षित विकासक्रमः राष्ट्रपति ट्रम्प मन्त्रिपरिषद बैठक बस्दै बेपत्ता राई पाँच दिनपछि मृतावस्थामा फेला कुष्ठरोग लागेका व्यक्तिसँग विवाह बदर हुने कानुनी व्यवस्था खारेज आजदेखि नयाँ शैक्षिकसत्र सुरु