श्रीलङ्का क्रिकेट बोर्डद्वारा राजीनामा

ललितपुर - श्रीलङ्काको क्रिकेट प्रशासनमा ठूलो राजनीतिक र संस्थागत परिवर्तन आएको छ र सरकारको अनुरोधपछि देशको क्रिकेट बोर्डले सम्पूर्ण कार्यकारी समितिले राजीनामा दिँदै नयाँ प्रशासनका लागि बाटो खुला गरेको छ ।

सरकारी अधिकारीहरूका अनुसार खेलकुद निकायमा सुधार र नयाँ व्यवस्थापन गठन गर्ने उद्देश्यसहित सरकारले कार्यकारी समितिलाई पदत्याग गर्न आग्रह गरेको थियो । यसपछि मङ्गलबार बोर्डले औपचारिक रूपमा राजीनामा घोषणा गरेको हो ।

देशको सबैभन्दा धनी खेलकुद संस्था मानिने श्रीलङ्का क्रिकेट लामो समयदेखि भ्रष्टाचार र खराब व्यवस्थापनको आरोपको घेरामा रहँदै आएको छ । यही पृष्ठभूमिमा सरकारले संस्थागत सुधारको प्रक्रिया अघि बढाएको बताइएको छ ।

बोर्डका एक अधिकारीका अनुसार अध्यक्ष शम्मी सिल्भाले विशेष बैठक बोलाएर सम्पूर्ण समितिको राजीनामा घोषणा गर्नुभएको हो । उहाँ आफ्नो चौथो दुई वर्षे कार्यकालमा ११ महिना बाँकी रहँदा पद छोड्न सहमत हुनुभएको बताइएको छ ।

ती अधिकारीले नाम नखुलाउने सर्तमा एएफपीलाई अब पूर्व लगानी बैंकर तथा विपक्षी राजनीतिज्ञ समेत रहेका व्यक्तिको नेतृत्वमा अन्तरिम व्यवस्थापन टोली गठन गर्ने तयारी भइरहेको जानकारी दिए ।

यसैबीच, श्रीलङ्काका राष्ट्रपति अनुरा कुमार दिसानायकले नयाँ व्यवस्थापन ढाँचाबारे छलफल गर्न सप्ताहन्तमा अध्यक्ष सिल्भासँग भेट गर्नुभएको एक सरकारी अधिकारीले पुष्टि गर्नुभएको छ । उक्त भेटवार्ताले बोर्डको आगामी संरचना र सुधार प्रक्रिया निर्धारण गर्न भूमिका खेलेको बताइएको छ ।

खेल प्रदर्शनको दृष्टिले पनि श्रीलङ्का हाल दबाबमा छ । देशले भारतसँग संयुक्त रूपमा आयोजना गरेको टि–२० विश्वकपमा अपेक्षाअनुसार प्रदर्शन गर्न नसक्दै प्रारम्भिक चरणमै बाहिरिएको थियो ।

यसअघि अन्तर्राष्ट्रिय क्रिकेट परिषद् (आइसिसी) ले नोभेम्बर २०२३ मा श्रीलङ्का क्रिकेट बोर्डलाई राजनीतिक हस्तक्षेपको आरोप लगाउँदै निलम्बन गरेको थियो । सो निलम्बन जनवरी २०२४ को अन्त्यमा फुकुवा गरिएको थियो । त्यसपछि शम्मी सिल्भाको नेतृत्वमा समिति पुनः स्थापित भएको थियो ।

खेल प्रदर्शनको दृष्टिले पनि श्रीलङ्का हाल दबाबमा छ । देशले भारतसँग संयुक्त रूपमा आयोजना गरेको टि–२० विश्वकपमा अपेक्षाअनुसार प्रदर्शन गर्न नसक्दै प्रारम्भिक चरणमै बाहिरिएको थियो ।

यसअघि अन्तर्राष्ट्रिय क्रिकेट परिषद् (आइसिसी) ले नोभेम्बर २०२३ मा श्रीलङ्का क्रिकेट बोर्डलाई राजनीतिक हस्तक्षेपको आरोप लगाउँदै निलम्बन गरेको थियो । सो निलम्बन जनवरी २०२४ को अन्त्यमा फुकुवा गरिएको थियो । त्यसपछि शम्मी सिल्भाको नेतृत्वमा समिति पुनः स्थापित भएको थियो ।

त्यसपछि भएको निर्वाचनमा सिल्भा कुनै प्रतिस्पर्धा बिना चौथो कार्यकालका लागि अध्यक्ष पदमा चयन हुनुभएको थियो । तर पछिल्ला घटनाक्रम र सरकारको हस्तक्षेपपछि अब बोर्ड पूर्ण रूपमा नयाँ व्यवस्थापनतर्फ उन्मुख भएको देखिन्छ ।

थप समाचारहरु

हर्मुज तनावबीच युद्धविराम विस्तार ट्रम्पको ‘नरक’ पोस्टले भारत र अमेरिकाबीच चर्कियो कूटनीतिक विवाद इरान युद्ध अन्त्यका लागि दोस्रो चरणको शान्ति वार्ता हुने निश्चित, तेलको मूल्यमा गिरावटको सङ्केत इजरायल–लेबनान वार्ता प्रयाससँगै क्षेत्रीय तनाव अझ गहिरिँदै गाजा संकट गहिरिँदै: मृतक संख्या बढ्दो इरानमा ५७ दिनदेखि इन्टरनेट सेवा अवरोध राष्ट्रपति ट्रम्प सहभागी कार्यक्रममा आक्रमण प्रयास, राष्ट्रपति सुरक्षित कोलम्बियामा बम आक्रमण : ७ जनाको मृत्यु, २० भन्दा बढी घाइते मध्यपूर्व द्वन्द्वका कारण ऊर्जा सङ्कट गहिरिँदै, अमेरिकी अर्थतन्त्र प्रभावित इरान–अमेरिका तनावबीच मस्को दौडधुप युद्धमा मारिएका सैनिकका लागि उत्तर कोरियाको सङ्ग्रहालय अवामी लिगले बार एसोसिएसनको पनि चुनाव लड्न नपाउने बङ्गलादेश मध्यपूर्वमा शान्तिका लागि रुसले इरानलाई सहयोग गर्ने सुडानमा विमान दुर्घटना, विमानमा सवार १४ जनाको मृत्यु रूस र युक्रेनबीचको आक्रमणमा चार जनाको मृत्यु सन् २०३० सम्ममा २५ हजार महिला शिक्षक तथा स्वास्थ्यकर्मी गुमाउदै अफगानिस्तान : राष्ट्रसङ्घ इरान प्रस्तावप्रति अमेरिका कठोर