स्विट्जरल्यान्डको केरजर्समा बसमा आगलागी, कम्तीमा ६ जनाको मृत्यु

ललितपुर – स्विट्जरल्यान्डको पश्चिमी क्षेत्र फ्रिबोर्ग क्यान्टोन स्थित केरजर्समा मङ्गलबार साँझ बसमा अचानक आगलागी हुँदा कम्तीमा ६ जनाको मृत्यु भएको छ भने ५ जना घाइते भएका छन् ।

क्यान्टोनल प्रहरीले जनाएको छ कि घाइतेमध्ये एक उद्धारकर्मीसहित तीन जनाको अवस्था गम्भीर छ ।

प्रहरीले घटनामा अन्य सवारीसाधन संलग्न नभएको जानकारी दिएको छ । प्रारम्भिक अनुसन्धानले मानवीय कारणले आगलागी भएको हुन सक्ने अनुमान गरेको छ। घटनालाई जानाजानी गराइएको हुन सक्ने सम्भावनासमेत अनुसन्धानमा समावेश गरिएको छ ।

प्रहरीले थप अनुसन्धान जारी रहेको जनाएको छ ।