विश्वकप ग्लोबल छनोटमा नेपाल स्कटल्यान्डसँग पराजित संगै समूह चरणबाट बाहिरियो

ललितपुर । आइसिसी महिला टी–२० विश्वकप ग्लोबल छनोटमा नेपाल स्कटल्यान्डसँग ७२ रनले पराजित हुँदै समूह चरणबाटै बाहिरिएको छ। कीर्तिपुरस्थित त्रिवि क्रिकेट रंगशालामा भएको अन्तिम खेलमा नेपालले १४१ रनको लक्ष्य पछ्याउँदै १३।५ ओभरमा ६८ रनमा अलआउट भयो। रोमा थापाले १४ रन अविजित बनाइन् भने विन्दु रावल १४ र रुविना क्षेत्री १० रनमा सीमित भइन् ।

स्कटल्यान्डका लागि अब्ताहा मकसुदले तीन विकेट लिए, क्याथरिन फ्रेजर र कप्तान क्याथरिन ब्राइसले दुई–दुई विकेट लिए भने राहेल स्लेटर र ओलिभिया बेलले एक–एक विकेट लिए। पहिला ब्याटिङ गरेको स्कटल्यान्डले निर्धारित २० ओभरमा १४० रन बनाएको थियो । प्रियनाज चटर्जीले ४५, एल्सा लिस्टरले २२, सारा ब्राइसले १८, मेगन म्याककोलले १७ र राहेल स्लेटरले ११ रन योगदान गरिन् ।

नेपालका लागि मनिषा उपाध्यायले चार विकेट लिइन्, रुविना क्षेत्रीले तीन र रिया शर्मा, सीता रानामगर तथा कविता जोशीले समान एक–एक विकेट लिए ।

चार खेल खेलेको नेपालले एकमा जीत र तीनमा पराजय भोग्दा, समूह ‘बी’ मा चौथो स्थानमा रह्यो। स्कटल्यान्डले चार अङ्कका साथ सुपर सिक्समा स्थान बनाएको छ ।

थप समाचारहरु

फुटबल लिजेन्ड रोबर्टो कार्लोस बैसाख ६ गतेको एनएसएल क्वालिफायर खेलमा विशेष अतिथिको रूपमा सहभागी हुने फिदिममा कोशी प्रदेशस्तरीय ब्याडमिन्टन प्रतियोगिता हुने नेपालगञ्जमा ‘मेयर कप’ ब्याडमिन्टन प्रतियोगिता सुरु नेपालले नेदरल्यान्ड्सलाई १६ रनले हरायो नेपाल टेनिस संघद्वारा दिविस कप २०२५ छनौट प्रतियोगिता २ जुनदेखि सुरु हुने रवीन्द्र ढाँटलाई पाँच लाख पुरस्कार दिने निर्णय द्विदेशीय अन्तर्राष्ट्रीय टी–२० महिला क्रिकेट शृंखलामा मलेसियासँग नेपाल तीन रनले पराजित नेपालद्वारा युएई सामु दुई सय ४० रनको लक्ष्य प्रस्तुत पीएलओ ग्रुप र विराटनगर किंग्सबीच एनपीएल सिजन २ का लागि स्पोन्सरशिप सम्झौता एनपिएलको उद्घाटन खेलमा आज जनकपुर र काठमाडौँ बीच प्रतिस्पर्धा हुँदै दोस्रो संस्करणको नेपाल प्रिमियर लिग, आज दुई खेल हुने एनपिएल अपडेट : आज पोखरा एभेञ्जर्स र सुदूरपश्चिम बीच प्रतिस्पर्धा हुँदै एनपिएल अपडेट : आज दुई खेल हुँदै एनपिएल अपडेट : आज दुई खेल हुँदै एनपिएल अपडेट : आज दुई खेल हुँदैै एनपिएल अपडेट : आज लुम्बिनी लायन्स र जनकपुर बोल्ट्स भिड्दै एनपिएल अपडेट : आज एलिमिनेटरमा काठमाडौँ र लुम्बिनीबीच प्रतिस्पर्धा हुने भारत नगए बंगलादेशको सट्टा अर्को टोलीलाई विश्वकप अवसर : आईसीसी