समलिङ्गी र तेस्रोलिङ्गी छ जनाले प्रत्यक्ष निर्वाचनमा उम्मेदवारी दर्ता

ललितपुर । समलिङ्गी विवाह दर्ता गरी दक्षिण एसियाकै पहिलो जोडी बनेका समलिङ्गी सुरेन्द्र पाण्डेले प्रतिनिधिसभा सदस्य निर्वाचनका लागि उम्मेदवारी दर्ता गराउनुभएको छ ।

समावेशी समाजवादी पार्टीमा आबद्ध पाण्डेले आज काठमाडौँ प्रतिनिधिसभा निर्वाचन क्षेत्र नम्बर १ अन्तर्गत बानेश्वरस्थित मुख्य निर्वाचन अधिकृतको कार्यालयमा पुगेर उम्मेदवारी दर्ता गराउनुभएको हो। उहाँले विवाह दर्ताको प्रमाणपत्र पेस गरेपछि उम्मेदवारी दर्ता शुल्कमा ५० प्रतिशत छुटसमेत पाएको जानकारी दिनुभयो ।

दुई वर्षअघि कावासोती नगरपालिका–८, नवलपरासी पूर्वका सुरेन्द्र पाण्डे र दोर्दी गाउँपालिका–२, लमजुङका रामबहादुर गुरुङ (माया) ले लैङ्गिक तथा यौनिक अल्पसङ्ख्यक समुदायबाट कानुनी रूपमा विवाह दर्ता गरी दक्षिण एसियाकै पहिलो जोडीको रूपमा इतिहास रचेका थिए ।

समलिङ्गी तथा लैङ्गिक अल्पसङ्ख्यक समुदायको अधिकारका लागि लामो समयदेखि अभियान चलाउँदै आउनुभएका पाण्डेले सामाजिक रूपान्तरणका लागि राजनीतिमा होमिनु आवश्यक रहेको बताउनुभयो। “चुनौतीले भरिएको समाजमा उम्मेदवारी दिनु नै आफैँमा जित हो । अब जनताको मन जित्दै फरक काम गरेर देखाउने लक्ष्य छ,” उहाँले भन्नुभयो ।

समावेशी समाजवादी पार्टीबाट यस निर्वाचनमा देशभर समलिङ्गी र तेस्रोलिङ्गी गरी छ जनाले प्रत्यक्षतर्फ उम्मेदवारी दर्ता गराएका छन्। जसअनुसार सुरेन्द्र पाण्डे काठमाडौँ–१, देवेन्द्रबहादुर खत्री (मधु) रूपन्देही–२, नुमा लिम्बू (तेस्रो लिङ्गी) मोरङ–४, पिङ्की राई ओखलढुङ्गा–१ र विनोद लामा (कोनिका) काभ्रे–१ बाट उम्मेदवार रहेका छन् ।

यसअघि विसं २०६४ को पहिलो संविधानसभा निर्वाचनमा नेकपा (संयुक्त) बाट सुनीलबाबु पन्त समानुपातिकतर्फ सांसद बनेपछि प्रतिनिधिसभामा समलिङ्गी समुदायको प्रतिनिधित्व शून्यजस्तै रहँदै आएको छ।

पाण्डेले संसद्मा पुगेर आफ्नो समुदाय मात्र नभई समग्र समाज र जनताको हितका लागि काम गर्ने योजना रहेको बताउनुभयो । “हाम्रो आवाज संसद्मा कसैले उठाएनन्, अब आफैँ पुग्नुबाहेक विकल्प छैन भनेर उम्मेदवारी दिएको हुँ,” उहाँले भन्नुभयो ।

पार्टीका अध्यक्ष नुमा लिम्बूका अनुसार राजनीतिक दलहरूले समलिङ्गी तथा लैङ्गिक अल्पसङ्ख्यक समुदायलाई आश्वासन दिने र प्रयोग गर्ने प्रवृत्ति रहेकाले यसपटक आफ्नै पार्टी बनाएर निर्वाचनमा होमिनु परेको हो। मोरङ–४ बाट उम्मेदवारी दर्ता गराइसक्नुभएका लिम्बूले राजनीतिको माध्यमबाट दबिएका आवाज बुलन्द गर्ने धारणा राख्नुभयो ।

उहाँका अनुसार प्रत्यक्षतर्फ छ जना समलिङ्गी तथा तेस्रोलिङ्गी उम्मेदवार रहेका छन् भने पार्टीको समानुपातिक सूचीमा महिला र पुरुषसहित १५ जनाको नाम समावेश गरिएको छ। “हामी सधैँ अरू पार्टीको आशमा बस्यौँ, अब आफैँ संसद्मा आफ्नो आवाज पुर्‍याउँछौँ,” लिम्बूले रासससँगको टेलिफोनवार्तामा बताउनुभयो ।

थप समाचारहरु

सात दिनभित्र विद्यालयको नाम नेपाली नराखे भर्ना प्रक्रिया रोक्ने चेतावनी बेलबारीमा गोविन्द हुक्पा चोङबाङको ‘मायाको सृष्टि’ विमोचित लुम्बिनी : नयाँ वर्षमा भ्रमणको आकर्षक गन्तव्य एनएमबि बैंकको एघारौँ हेरिटेज वाक कार्यक्रम सम्पन्न लगानी प्रवद्र्धनार्थ भएको कानुनी सुधार उद्योग वाणिज्य महासंघद्वारा स्वागत मुलुकको अर्थतन्त्रको आकार ५७ खर्ब चार अर्ब हुने प्रक्षेपण “८% नबिल डिवेन्चर २०८९” को निष्काशनको लागि नेपाल एसविआई मर्चेण्ट बैकिङ्गलाई बिक्री प्रबन्धक नियुक्त सिटी एक्सप्रेस मनी ट्रान्स्फरले युएईमा “उत्सव र उमङ्ग ,सिटी एक्स्प्रेससँग” साङगितिक कार्यक्रम आयोजना गर्दै कुखुराबाट हल्ला फैलिए जस्तो मानिसमा रोग सर्दैन – नेपाल भेटेरिनरी एशोसिएशन साँगामा सुख्खा पहिरो खस्दा मजदुर घाइते शेयर बजारमा लगानी बढाउँदै जीवन बीमा कम्पनीहरु, ३३ प्रतिशतले बढ्यो शेयर बजारमा लगानी ‘सार्वजनिक यातायात बचाउ केन्द्रीय संघर्ष समिति’ले गर्यो ७ बुँदे माग राख्दै आन्दोलनका कार्यक्रम घोषणा पूर्वसांसद आलम रिहा कला र संस्कृति पुर्खाबाट सन्ततिमा हस्तान्तरण गर्दै मध्यपुरका युवाहरु बिर्तामोडमा पनि गोली चल्यो, दुई जना गम्भीर घाइते बाँकेको बाल सुधारगृहमा झडप, पाँचजनाको मृत्यु जडीबुटी र काठदाउराबाट पौने छ करोड आम्दानी मन्त्रिपरिषद् ११ सदस्यीय बनाउने तयारी-भ्रष्टाचार छानबिनका लागि पनि आयोग