ट्रम्प मध्यावधि चुनावबाट बलियो बन्ने मिलेईको आशा

ललितपुर - अर्जेन्टिनाका राष्ट्रपति जेभियर मिलेईले आगामी नोभेम्बरमा हुने अमेरिकी मध्यावधि चुनावबाट राष्ट्रपति डोनाल्ड ट्रम्प थप बलियो भएर उदाउने आशा व्यक्त गर्नुभएको छ । उहाँले ट्रम्पको चुनावी सफलता अमेरिका मात्र नभई समग्र पश्चिमी जगत्का लागि महत्त्वपूर्ण हुने बताउनुभयो ।

बुधबार आयोजित हिस्पानिक हेरिटेज गालामा बोल्दै मिलेईले गोलार्धमा आफ्नो पक्षको पुनःविजयका लागि कुनै पनि अवसर गुमाउन नहुने बताउनुभयो । ‘जित्नु पहिलो चरण मात्र हो । अब हामीसँग अमेरिकालाई फेरि महान् बनाउने जनादेश छ’, उहाँले भन्नुभयो ।

मिलेई बुधबार अमेरिकी राजधानी वासिङ्टन पुग्नुभएको थियो । उहाँले लगानीकर्ताहरूसँग भेटघाट गर्नुभएको छ भने बिहीबार अमेरिकी वाणिज्य सङ्घमा सम्बोधन गर्ने कार्यक्रम छ ।

मिलेई ल्याटिन अमेरिकामा ट्रम्पका निकट सहयोगीमध्ये एक हुनुहुन्छ । एक वर्षअघि अर्जेन्टिनामा महत्त्वपूर्ण विधायी निर्वाचन हुन लाग्दा ट्रम्पले उहाँलाई दृढ समर्थन गर्नुभएको थियो । ट्रम्पको समर्थन र अमेरिकी अर्थ मन्त्रालयसँग भएको मुद्रा विनिमय सम्झौताले उक्त निर्वाचनमा मिलेईको सफलतामा योगदान पुर्‍याएको थियो ।

पछिल्ला वर्षमा ल्याटिन अमेरिका र क्यारिबियन क्षेत्रमा दक्षिणपन्थी राजनीतिक धार तीव्र रूपमा बलियो बनेको छ । ट्रम्प पुनः ह्वाइट हाउस फर्किएपछि यो प्रवृत्ति अझ बढेको छ ।

थप समाचारहरु

रुसबाट युरोपमा ३२० अर्ब डलरको ऊर्जा आयात रियाद विमानस्थलमा हुथी आक्रमणपछि साउदी अरबद्वारा हवाई रक्षा प्रणालीको अनुसन्धान आर्थिक सङ्कट व्यवस्थापनमा अनुसन्धानको योगदान, हल र वुडफोर्डलाई नोबेल ऊर्जा पूर्वाधारमा रुसको आक्रमण जारी रहेको जेलेन्स्कीको आरोप अस्ट्रेलियाका युवामा मानसिक स्वास्थ्य चुनौती बढ्दो, सेवा विस्तारमा सरकारको जोड मानवअधिकार परिषद् सदस्यमा नेपालसहित १५ राष्ट्र निर्वाचित दक्षिण कोरियाको रासायनिक कारखानामा आगलागी, सात हजार कामदार बाहिर निकालिए उत्तर कोरियाद्वारा पनडुब्बीबाट क्षेप्यास्त्र परीक्षण ह्यारी र मेघन बेलायतमा संयुक्त रूपमा सार्वजनिक भारत चौथो ठूलो अर्थतन्त्र बन्ने प्रक्षेपण